المساعد الشخصي الرقمي

مشاهدة النسخة كاملة : أهل الخبره الصقاقير


العاديات
30/10/2007, 02:24 AM
السلام عليكم ورحمة الله وبركاته
أهلا بأعضاء ومشرفي منتديات مكشات أستفسار بسيط من أهل الخبره
أكثرالصقاقير يصقرون بالأحرار مع أن الشيهانه البحريه أسبق من الحر وقليل تروح عليه الحبارى سبق
وأكثر الأحرار تروح عليه الحبارى سبق ويلحقون بالشياهين
لكن يقولون أركد بالموتر ويطلع على الحبارى والسمقان والشيهانه تكفخ بالموتر ومهب طلع وهاذا مربط الفرس
هل الشياهين ممكن تكون مثل الأحرار راكده بالموتر وتطلع
يقال صعبه شوي وأن تعودت على الطلع تطلع على أي شي يطير أو بالأرض
أفيدونا لا تبخلون علينا ياالصقاقير ومنكم نستفيد

مع ختالص شكري وتقديري لكم
ابوفهيدان
30/10/2007, 02:41 AM
انا ماعندي خبرة بالصقارة كافية لكن صديقي راعي طيور علي مستوي وكل اللي عنده احرار ومرة سألته ليش ماتاخذ شيهانة دامها اسرع من الطير ودايما يردفونها علي الطير لحق فقال ان الشياهيين قليل اللي منها يجي طوله كبير اي حجمها وقليل منها اللي تقدر علي الحبارة والحرار بسرعة تتعلم علي الحباري والشياهين تطول وبسرعة تنكر لصاحبها وقال لي كلمة اقنعتني بان وقت الحباري يصادف وقت طلعة الطير من الربط والشياهين توها ماخلص ربطها وعلي اساس كذا تشوف اكثر الناس معها طيور وقت المقناص ووقت الشياهيين يبدا مع الكراوين اخر العبور
واتمني اني وفقت بالرد
قعقاع التميمي
30/10/2007, 09:58 AM
السلام عليكم اخوي نعم توجد شواهبن راكده وتطلع
راكان 11
30/10/2007, 10:56 AM
( الشييهانه ) :j

بالفعل انها سبوق وقد تكون افضل من غيرها من الحرار ولاكن من ناحية السبق ولاكن هناك عدة اسباب قد تعيبها لدى الصقاقير :

قرناسها دائما مايتاخر عن الطيور الاخرى
لديها قابليه للأمراض اكثر من الحرار
قليل منها الراكد
طلعها ليس بأفضل من الحرار
لاتتحمل البرد والحر الشديد مثل الحرار
ريشها خفيف وليس قوي مقارنه بالحرار ولديه قابليه سريعه للكسر
لاتتحمل التجويع مثل الحرار
اطباعها غير متزنه ودائما ماتميل للنزاره وتقلبات المزاج السريعه

وهذه من اهم الاسباب التي دعت الناس بالابتعاد عنها والتوجه لطيور الاحرار
مقند الكيف
30/10/2007, 11:38 AM
احنا في قطر يا اخوي عندنا الشاهين غالي و الناس تحبه بدرجه كبيره

و عند خالي شاهين قرناس ثالث طلع و راكد ولو تشوفه تقول حر ما هو بشاهين من ركادته و في واحد من الربع ابوه عنده شاهين يطلع


لكن لازم تعرف ان الحر هو اصل المقناص ولا غناة للقناص عنه حيث طيورنا وطيور اهلنا من أول


و الله يجزاكم خير
القحطاني2008
30/10/2007, 09:51 PM
وبعد الحر يدهم الهواء لو فيه عج او اي عارض اما الشيهانة على طول تطرح ماتقدر تدهم الهواء





اخوكم/القحطاني
قلب ذيب
30/10/2007, 11:03 PM
الأحرار !!
الحرار وليس الاحرار , لأن مسمى الطير الحر اتى من كلمة (حورس ) الفرعوني وذلك ماوجدناه في كتب التاريخ , كما ان كلمة الحر يقصد بها الشي الخالص الذي لايدخل عليه او يخالطه عنصر اخر, اما الاحرار فمستقاه من الحريه ( حريه الانسان في الاختيار والاعتقاد والتعبير ) والاحرار هم من يطالبون بذلك !!
الشاهين القرناس يطلع مثل الحر واكثر خاصه قرانيس الهوى ( الخلوي ) 0
جرناس دبي
30/10/2007, 11:15 PM
رايي من راي أخوي راكان 11
العاديات
31/10/2007, 01:21 AM
أبوفهيدان
مشكور على مرورك

،،،،،

قعقاع التميمي
مشكورعلى مرورك لكن كان ودي يكون بتعليق نستفيدمن الخبره شوي لكن الشباب ماقصروا ,,,

،،،،،

راكان 11
عزالله ماقصرت كفيت وفيت مشكور على المجهودوالمعلومات الطيبه

،،،،،

مقندالكيف
أهلا بأهل قطر حياك الله أخوي صدقت الحر حر على أسمه

،،،،،

القحطاني2008
مشكور على مرورك معلومه جيده على الطاير

،،،،،

قلب ذيب
مشكور على مرورك معلومه طيبه لكن هاذا الدارج بين الناس

،،،،،

جرناس دبي
مشكور على مرورك