استفسارعن كشاف الرمايه الامريكي

[الكايف2]

السلام عليكم يااهل مكشات الطيبين
مريت اليوم الظهرعلي الرمايه اللي في البديعه بشتري كشاف ولقيت عندهم نوع امريكي علي ما اظن اسمه فانترا الكبير350واللي اصغرمنه 280والسؤال هل احد جربه شي هل هوامثل ميقاليت افيدونا جزاكم الله خيرمثل ماعوتونا:rolleyes:

[VXR.2007]

انا ماعندي خلفيه عن الكشفات ان شاء الله الاعضاء يعطونك وش الزين

[هاوي البر]

الرماية في الغالب بضاعتهم جيده بس الكشاف هذا ما ادري عنه وياليت احد الاخوه يفيدك عنه واذا وصلت السعر هذا ليش ما تاخذ ميقاليت وخصوصا انه مجرب وناس تقول انه لها معهم 10 سنوات وماشي زي الحلاوة

[عقريص]

السلام عليكم
أنا جربتة قوي جدا بس مالة معي الا فترة قصيرة

[الكايف2]

vxrتسلم اخوي ومشكورعلي المرور

[الكايف2]

هاوي برالله يعطيك العافيه المقاليت مافيه كلام بس قلت نجرب ذا نشوف اصغرشوي من المقاليت وامريكي

[الكايف2]

اخوي عقريص نوره اصفرويطول تسلم علي المرور

[سلطان النفود]

السلام عليكم و رحمة الله

انا عندي كشاف من نوع ماق لايت MAG Lite (امريكي ) من أربع أو خمس سنين و الحمدلله مرتاح معة ومبيض وجهي بكل مكان اروحة .
http://www.mekshat.com/pix/upload02/images52/mk37611_lamps_dcell.jpg

النوعية : D-Cell MAG-Lite Flashlights
الطاقة : بطاريات يعاد شحنها عن طريق كهرباء البيت أو السيارة (مدة الشحن 12 ساعة إذا كان فاضي) ويكفيني لكشتة يومين .
المقاسات: تعتمد المقاسات على عدد البطاريات الموجودة داخل الكشاف ( 2 , 3 , 4 , 5 , 6 ) وبالطبع كلما زاد حجم الكشاف وكذلك مدة التشغيل.
الإضاءة : تعتمد قوة الإضاءة على نوعية الشمعة المرفقة مع الجهاز (من 19000 شمعة و حتى 57000 شمعة) وبعد عدة تجارب ميدانية الكشاف يمد الى 500 متر واكثر .

السعر : يوم اشتريتة كان سعرة بحدود 370 ريال ( ابو خمس بطاريات مدمجة).

مكان الشراء : داخل السعودية - الرماية - محلات الرحلات - البطحاء .
: خارج السعودية يفرق السعر أقل 100 ريال بالقليل .

ولا تنسى تطلب الضمان !

بالتوفيق ,,,,,,,,,,

[مبسوط]

اخوي انا معي الضغير منه بحوالي 200 تقريبا ما اذكر بالضبط وله معي 8 شهور تقريبا ولا بعد غيرت بطاريته ممتاز ونوره ابيض مثل الزنون وانا انصح به جدا والي معجبني فيه انه وذف وصغير احسن من المقلايت واتوقع ان الكبير راح يكون اقوى من المقلايت وانت جرب وعطنا خبر

اخوك /مبسوط

[حمد808]

هو اللي يجي معة شاحن كهرب وشاحن سيارة
اذا كان هو فهو ممتاز

[الكايف2]

اخوي سلطان النفود يعطيك العافيه علي الافاده والمرور

[الكايف2]

اخوي مبسوط حياك الله بس الزنون مهوب مثل النورالعادي العادي احسن وابشرك جربناه وطلع زين والحمدلله واشكرك علي مرورك

[الكايف2]

اخوي حمد 808حياك الله نعم اللي يجي معه شاحنين بيت وسياره وكل الكشافات الامريكيه يجي معها شاحنين والكشاف اللي مهوب شحن مايصلح
مشكورعلي المرور

[abaan]

الكشاف الطيب اسمة 0(ماق لايت ) امريكي الصنع شاحن كهرباء وسيارة سعرة من 400 الى 450

[الكايف2]

اخوي abaanحياك الله كلامك صحيح هوالكشاف الطيب واللي انااقول مثله ماهنا فرق طيب وللمعلوميه ماق لايت سعره اقل من اللي انت ذكرت 360
تقبل تحياتي

[جريس الجريسي]

السلام عليكم مساكم الله بالخير ياليت تفيدوني عن الكشاف Mag-Lite وين احصله ابغا اشتري لي واحد
الله يخليكم

[جريس الجريسي]

السلام عليكم م الخير اخواني ياليت تفيدوني باسم وكيل او محل او رقم ابغا الكشاف ميقا لايت تعبت وانا ادور افيدوني

[هوازني]

من تجربه كشاف سترونق لايت الالماني المقاس الكبير افضل منه واقوى وبنص السعر 180 ريال
ويوصل اكثر من 700 متر وعه شاحن بيت وتقدر تولفله شاحن سياره مثل شاحن الجوال