وين أهل القصيد!!!

[الابتر]

السلام عليكم ورحمة الله وبركاته
والله يعطيكم العافيه على مروركم على موضوعي مقدماَ وقبل كل شيء
وبالنسبه لموضوعي فهو فيه نوع من الغرابه شوي ولكن وش نسوي قال وش حدك على المر قال الأمر منه
وقلت ممكن نلقى عند النشاما ما يحليه.
ما أطيل بالكلام الطلب ألي أبيه وأتوقع إنه مرغوب فيه سواء وضع في تواقيع أو على الصور أو في مقاطع الفديو هو قصائد نبطيه عن السلق صراحه وين مانبحث عن قصيده نلقاه عن الطير طيب سلقنا مالهن نصيب الكل يصيد والسلوقي يضيف على الصيد حمايت راعيه قبل ما يذوقه من صيده .
فيالربع ما يستاهل هالخوي بسود اليالي من يكتب فيه القصيد فيالربع نبي شي من عصرنا ونبطي وإنشاء الله راح نرشح منهن الأجمل ونضعه في المنتدى إذا تعاونتو سويناه شيله أو سامريه صوتيه وإنشاء الله الأخوان المشرفين ماراح يقصرون بتثبيتها في المنتدى والله يعطيكم العافيه جميعاً وآسف على الإطاله....
والسلام عليكم .

[ولد أبوي]

...
يعطيك العافيه ياأبوصالح على الموضوع الطيب
وأتمنى ان الربع ما يقصرون
ويعطوننا من الي
عندهم
...

[Abu.Ali-232]

ياليتي شاعر بس يا أبو صالح
كان أول قصيده لذيبان (يستاهل)

تقبل مروري
أخوك أبو علي 232

[سلطان العوني]

اخوي الابتر
ابشر بسعدك لك مني قصيده لكن هل الاداره راح توافق ؟

والله يرضى عليك

[القحطاني505]

والله يااخوي الابتر موضوع مميز ولكن نتمنى التفاعل معاه واحاول ابحث لكم عن قصييد للسلق

[مدرب الطير]

ابشر ونخوك وجاري البحث عن قصيده


وتقبل تحياتي

[الابتر]

ولد أبوي
ماقصرت ومشكور على مرورك ونبش أغديك تلقا لنا شي طيب
أبوعلي
كفو والله رآعيها وقدها يالنشمي
سلطان العوني
الله يبشرك دوم بالخير وحنا نسوي الي علينا والباقي على رب العالمين وإنشاء الله الإدارة راح تتفهم الموضوع لإنه لخدمة خيمة السلق فالمقناص والقصيد واحد
القحطاني
تسلم يالذيب والله يوفقك
مدرب الطير
ياملا العافيه وتوص لنا وأنا أخوك بالشي الطيب يالغالي

[السيف الصقيل]

ياكم قالو بالطيور المكافيخ وهذا انا باقول في ذالسلوقي
اللي يطربنا ابوقت المغابيش امقسمن جسمه وشد العروقي

[عبدالعزيز الوسمي]

منو الي يقصد بالسلق
هذلي جلاب ماينقصد فيهن وعيب الي يقصد فيهن

[طيري غدى]

الله يعطيك العافيه يا الأبتر موضوع جميل جدأأ




ابشر انشاءالله بالقصيد ...


والشعار انشاءالله مهم مقصرين ..


تقبل مروري .......

[القحطاني505]

قصيده لاخوي الصغير على قديييمه قبل 5 سنوات:

العين من السلقان ماتشوف الاشراره==والقلب تولع كله حراره
والمقناص تدرون انتو وش اخباره==قهوة الكيف ولاسيف الزقاره
في طلعتنا للقنص مرينا الحاره==صادت سلقتي قطو قبل بيت الجاره
والجربوع من خوفه ولعة ناره==والسلقه تقوله من وين الفراره
والحصني ماقدر يصمل وخاره==والارنب صادته قبل لايطلع غباره
والظبي ردته ومسكته بالهون ماهو بالعزاره==والعين من الحسد جاتها المراره
كلاب الناس موجود لكن وين الاصاله==ماوراهم الاالخساير والدماره
والبيئه تشتكي من كثر الصيد ياحساره==. لكن صيد سلقتي ماهو بخساره

طبعا القصيده من باب الفكاهه ولااحد ينظر للقافيه والوزن....
وفي قصيده اخرى عن المقناص ويوجد بها السلوقي

[الابتر]

السيف الصقيل
صح لسانك والله يعطيك العافيه
بن مثقاب
الشعراء ماخلو شي ماقصدوبه حتى بوش تصدر القصايد وفيه قصائد من العصر القديم باللغة العربيه الفصحى عن الطرايد ومحفوظه من التراث بس أنت وسع صدرك شوي;)
طيري غدى
مشكور على تفاعلك يالغالي والله يوفقك
القحطاني
صح السانك يالذيب فوالله مشاركه طيبه ولاحطينا الموضوع علشان ننقد ولكن يكفينا مشاركتك

[كش كش]

السلام عليكممرحبا اخوي والله موضوع اكثر من رائع بصراحه مانسمع قصيد إلا للطيور وغيرهاما السلق مهظوم حقه هذي قصيده لواحد من العيال انشالله انه تعجبكم,,,,,,...................................... ........................................لاالسوبر توفي ولا ابا الريش لاجاك شقرآن زي السلوقي لاتدور هوعلى الصيد مشفوقولاجاك فعله على اسمه مثل قولت غضبان يشفي غليلك لامسك الصيد محروقيغضب على ضيعه الطرده متحسر وندمان ويفز فزه الشاص لا شعت البروقاعذروني بزعلي لضياع السلق ولاصرت سرحان من حبي له صرنا خويا بكل مكان وبكل شروقنـتخاوى على الصيد بكل ربعه وبكل حدران ونحمد الله وش ماصدنا وماكفانا من عوق .................................................. ..............................

[كش كش]

تعديل معليش .............

لاالسوبر توفي ولا ابا الريش لاجاك شقران
زي السلوقي لاتدور هو على الصيد مشفوق
ولاجاك فعله على اسمه مثل قولت غضبان
يشفي غليلك لامسك الصيد محروق
يغضب على ضيعه الطرده متحسر وندمان
ويفز فزت الشاص لاشعت البروق
اعذروني بضياع السلق ولا صرت سرحان
من حبي له صرنا خويا بكل مكان وبكل شروق
نتخاوى على الصيد بكل ربعه وبكل حدران
ونحمد الله وش ماصدنا وماكفانا من عوق

[الابتر]

كش كش
مشكور والله يعطيك العافيه على الأبيات ولو إنها فيها كسر بس مقبوله منك يالغالي واشكرك على تفاعلك ...

[ولد عنيزة]

هلا بالغالي والله إنك صادق
بس تراي منزل قصيده لسلوقي لي إسمه( فارضه صيته)
ويالله نشوف الشباب وش عندهم إنشاء الله مهب مقصرين

[العاديات]

الله يعطيك العافيه يالأبتر على المجهود الطيب
لكن مالي بالقصيد بس الشباب مايقصرون أن شاء الله
تقبل مروري أخوك العاديات

[الابتر]

ولد عنيزه
مشكوررررررررر وما قصرت وأنا أخوك وإن كان حولك شي لا تبخل علينا يالغالي
العاديات
يكفينا مرورك يالحبيب والجود من الماجود....

[ابو قريش]

بيض الله وجهك اخوي وان شاء الله نبي نبحث على القصائد واتمني ان يتفاعلون الاخوه مع الموضوع

[الابتر]

تسلم اخوي ابو قريش والله يطول عمرك وتبشرنا بالزين إنشاء الله ...

[صاحب نجومه]

هلا ولله الابتر

موضوع جيد

وتقبل مروووري

[الابتر]

صاحب نجومه
هلا وغلا والف شكر على مرورك .

[ابو صقر992]

بن مثقاب الي مايعرف للصقر يشويه وانت وش عرفك بالعلوم هذى

[مكشاتي جديد]

مشكور على الموضوع الجميل

وتقبل مروري