حنيت للماضي

[ابو عمر اللاحم]

:j




حنيت للماضي وانا مجرهدي=يوم النفوس من البراءه مريحات





ولا همنا غير اللعب والتحدي=نلعب ونعلب بين روحه وجيات




نبني ابيوت وبعد لحظه نهدي=وتحت النخل نلعب ونفرط رطيبات




وأحيان نلقط ما يطيح ونعدي=والساقي الجاري لنا فيه شربات




مثل العصافير المريحه بسدي=يا حلو ما ضينا حياة السجيات




ومع الحدل نركض ويمه نشدي=والخاسر اللي ما يصيد الحديلات




وبريقنا المعدن بشيحه نعدي=للشاهي الخادر على هاك الحصيات




ومن العشاء مرقوق اشيله بيدي=مابه لحم غير الودك والقريعات

[مقدور]

وبريقنا المعدن بشيحه نعدي=للشاهي الخادر على هاك الحصيات



ومن العشاء مرقوق اشيله بيدي=مابه لحم غير الودك والقريعات

الله الله صح لسانك اخوي نهار

وصوره جميله تبين الحنين للماضي والوقوف على الذكريات الجميله

ومبدع كما عهدناك

[تالي الاولين*]

السلام عليكم

صح لسانك وسلم بنانك يانهار

بس حسستنا انك شايب على هالابيات


.

[((( الحر)))]

نبني بيوت وبعد لحظه نهدي = وتحت النخل نلعب ونفرط رطيبات

تصوير رائع يابو عمر:good:


قصيده رائعه بارك الله فيك وصح لسانك :)

[Ry905]

شكرا لك

كلما كبر الانسان كلما حن الى ماضيه

[ابو مشعل 1]

وبريقنا المعدن بشيحه نعدي=للشاهي الخادر على هاك الحصيات



ومن العشاء مرقوق اشيله بيدي=مابه لحم غير الودك والقريعات

صح السانك وبارك الله فيك

الله يالدنيا والله انك قلبت المواجع راحت احلوم ليل

[ناصر التميمي]

السلام عليكم
قصيده رائعه بارك الله فيك وصح لسانك :)

وبريقنا المعدن بشيحه نعدي=للشاهي الخادر على هاك الحصيات




ومن العشاء مرقوق اشيله بيدي=مابه لحم غير الودك والقريعات


رحت وطي مع هالبيت؟؟؟؟؟؟؟

تقبل مرور اخيك خشوم السحاب

[ابو عمر اللاحم]

مقدور
تالي الاولين
((( الحر)))
Ry905
abu masheel
خشوم السحاب
:heart:
صحت ابدانكم والله يعطيكم العافيه وتشرفت فيكم .... بس عاد تراي ماني شايب
وتقبلوا مني احلى تحيه ،،

[المسفهل]

وش سويت لنا يا ابو عمر فقد نكأت الجراح واعدتنا
للماضي برائحته العطرة وذكرياته الجميلة وبراءته
الطاهرة ولعبه الممتعة ...

[سلطان العوني]

اخوي نهار
صح اللسانك قصيده جزلخ وانا اجيزك

وفالك التوفيق ان شاء الله

[ابو عمر اللاحم]

مشرفنا السوبر المسفهل
حياك الله عاد انت من الشيبان اكيد تبي تتأثر وتتذكر ايام زمان
الله يعطيك العافيه ومشكور على مرورك الكريم
وتقبل تحياتي ـــــ

[ابو عمر اللاحم]

سلطان العوني
صح بدنك والله يعطيك العافيه

تحيتي لك ،،،،

[فيافي نجد®]

صح لسانك أخي الكريم

[ابو عمر اللاحم]

صح بدنك ويا حبي لسمك فيافي نجد الله يبارك فيك

تحيتي ،،،،

[hazzaa]

صح لسانك على

[hazzaa]

صح لسانك على هالقصيده الجزله

[ابو عمر اللاحم]

صح بدنك اخوي الكريم الله لا يهينك

تقبل تحيتي ،،،

[جمران]

ويوم كبرنا قمت افلح بيدي """"قالوا وين قلت بحدري الطعميات
تحيتي لك يبو عمر لابد من سماعها مشافهتا
سلامي لربعك

[ابو عايد]

السلام عليكم ورحمة الله وبركاته

صح لسانك وسلم بنانك يانهار

[ابو عمر اللاحم]

ابوعبد الرحمن يا هلا ويا مرحباً شرفت هذه المشاركة بإطلالتك عليها لكن ترانا زعلين عليك وين الوعيده ما يصير يومك تراه انضرب في ثلاثين :no2:
وما زلنا ننظر الوفاء

شاكر لك وتقبل تحيتي ،،،

[ابو عمر اللاحم]

يا هلا ويا مرحبا في مشرفنا الغالي ابو عايد وعليكم السلام ورحمة الله وبركاته وصح بدنك اخوي الله لا يهينك
تقبل تحيتي ،،،

[ريف النشاما]

مشاء الله تبارك الله يابو عمر


اشهد بالله وصف رائع


ياسلام ياسلام


أثرك شايب ياولد :j

[المرقاب]

صح لسانك يابو عمر وأسعد الله أيامك

زمن الطفولة زمن لا يقارن

وفق الله الجميع لما يحب ويرضى

[ابو عمر اللاحم]

هلا والله مشرفنا ريف النشاما ومشكور على مرورك وعجابك يا شاعرنا وما ني كبير انا اصغر من ابو سهيل :no2:

وتقبل تحيتي ،،،،

[ابو عمر اللاحم]

اخوي الكريم المرقاب
صح بدنك وتسلم والله الله يسعدنا وياك

تقبل تحيتي ،،،