شوف الصورة و عطني رايك !

[صقر الحراملة]

السلام عليكم و رحمة الله و بركاته


أشكر القائمين على هذا المنتدى الرائع لفتحهم باب التسجيل مرة أخرى بعد طول انتظار


ما اطول عليكم اخواني الأعضاء و المشرفين


أنا باختصار اعرف واحد عنده ناقة يمدحها لي من فترة المهم قرر يبيعها الرجال و سعرها حليو


بس ودي تشوفون الصورة و تحكمون


بصراحة انا ما شفتها شوف العين و اذا الله يسر باروح له اليوم عصر و اشوفها بس ودي اعرف آرائكم


أترككم مع الصورة

مرحبا

http://www.mekshat.com/pix/upload02/images53/mk64168_wadhaa.jpg

راعيها يقول انها لقحة من شهر 11 اللي فات يعني ما بقى لها شي ان شاء الله

رجاء لا تبخلون علي بآرائكم اللتي لا غنى لي عنها

[ظل سدرة]

وعليكم السلام ورحمة الله وبركاته
اللي يتضح من الصوره انها ناقه عاديه جدا0
والله يرزق البايع والشاري

[نجم 1]

الله يرزقه بالبيعه الطيبه والناقه اشوف انها عاديه وفيها القصر شوي

[صقر الحراملة]

وعليكم السلام ورحمة الله وبركاته
اللي يتضح من الصوره انها ناقه عاديه جدا0
والله يرزق البايع والشاري


مشكور أخوي ظل سدرة على مرورك و تشريفك للموضوع و الأهم ابداء رأيك

[صقر الحراملة]

الله يرزقه بالبيعه الطيبه والناقه اشوف انها عاديه وفيها القصر شوي

مشكور أخوي نجم1 على تعليقك وابداء رأيك و على قولك بالصورة تظهر انها قصيرة لكن ماادري عن الواقع؟!

أكرر شكري لك

[مفحط بناقة]

اشوف عليها القصر مثل ماقالوالرجاجيل

[صقر الحراملة]

مفحط بناقة أشكرك على مرورك و رايك

آسف على تأخري بالرد بسبب قلة دخولي المنتدى

لكن و الله يالربع انا رحت و شفتها لا و ابشركم شريتها هههههههههههه

سنامها ما ينلحق ما شاء الله تبارك الله

ما طلعت مثل ما هي بالصورة يمكن قوايمها قصار شوي لكن شي ما يذكر

وانا ان الله يسر اباحط الصورة لكم ان شاء الله

[mej]

ما شاء الله تبارك الله

الله يبارك لك فيها دامك اشتريتها

وين ذا الديار يا صادق الوفاء

دلنا عسى الله يرزقنا :)

[barracuda]

الله يبارك لك
ويعطيك خيرها

[سراب الغرام]

الطول يخوي مابه زود طول والناقه تقؤيبا عاديه حليوه يعني مابه زود

[Ry905]

ما دام شريتها .. الله يبارك لك فيها

[صقر الحراملة]

ما شاء الله تبارك الله

الله يبارك لك فيها دامك اشتريتها

وين ذا الديار يا صادق الوفاء

دلنا عسى الله يرزقنا :)

جزاك الله خير و الله يرزقنا و اياك الرزق الحلال

هذي سلمك الله بالقرب من الطايف

و آسف على التاخير

[سامي802]

الله يطرح البركة لصاحبها

[المنصوري 1]

الناقة حلوة وااايدا

[الذيب المغترب]

مادامك شريت مبروك والله يعطيك من خيرها

[هاوي القنص123]

الله يرزقه بالبيعه الطيبه

[سلطان العوني]

الله يرزقك باللي يطيب خاطرك

[صقر طي]

الله يباركلك فيها ويرزقك منها الرزق الحلال

[خشف.]

الناقه حليوه والله يبارك له فيها ويعطيك العافيه على الموضوع

[صقر الحراملة]

سامي 802
المنصوري1
الذيب المغترب
هاوي القنص123
سلطان العوني
صقر طي
خشف

الله لا يهينكم على المشاركات

و جزاكم الله خير

[ابو جنيه]

مساكم الله بالخير الله يبارك لك فيها

[ابوإبراهيم132]

مبروك والله يعطيك من خيرها بإذن الله ..

إلا بسأل سؤال لكم أحبابي

عندي ناقة (خلفه ) مثني يعني البطن الثاني لها عندها حواره عمرها يمكن اربعين يوم
لكن الناقة تتعبني عند الحلب ما تريحني وانا ما عندي خبره وايد بالإبل
ما عندكم طريقه مجربه

شاكراً ومقدر لكم أحبتي مقدماً

[راعي الروضة]

ياليت حطيت هالموضوع مستقل علشان يفيدونك الشقردية 00 خاصة انه داخل في موضوع ثاني عموما لم تحدد في سؤالك من يحلب الخلفه وكيف بحلبها وطريقة الحلب علشان نقولك وش تسوي

[الهواوي0]

الله يبارك لك
ويعطيك خيرها

[عباااااادي]

صدق الوفا اللة يبارك لك فيها لكن ماشوف فيها ذاك النضر اللي تستاهلة

[محب النبى]

مبروك والف مبروك

[ذيب الحلوة]

ما شاء الله تبراك الله

احس انها هديهة

بس تبي الصراحة اللي شفته فيها من الزين :
1- السنام ما عليه كلام
2- خشمها
3- رفع رقبتها مع أنها قصيرة

اللي شفته مهب زين :
1- قصر القامة
2- قصر الرقبة مع انها رفيعة
3- الاذنين ليست مرتكزة مثل الذيب

======== نصيحة =======
انصحك المرة الجاية تضربها من فحل طويل القامة وطويل الرقبة كي يصبح نتاجها غير طبيعي


=========طلبتك========
ممكن تعطينا صورت حوارة القادم بإذن الله

[صقر الحراملة]

أبو جنية
أبو إبراهيم 123
راعي الروضة
الهواوي
عبادي
محب النبي
ذيب الحلوة
جزاكم الله خير و الله لا يهينكم على المرور و المشاركات الجميلة

ذيب الحلوة
احساسك في محله
ترى الاذن المرتكزة مطلب لاهل المجاهيم اما بالنسبة للعفر فيفضل الاذن المنفهقة على حد علمي

شاكر و مقدر لك نصيحتك وابشر بتحقيق طلبك طال عمرك متى ما توفر ان شاء الله وتراك ما طلبت شي

[صقر الحراملة]

و هذي صورة أحدث للناقة واعذرونا على القصور

http://www.mekshat.com/pix/upload02/images59/mk64168_wadhaaa.jpg