الصدر ضاق وضيقه ...... وشو اللي ضيقه ادخل وشف

[المستبرق]

إخواني في الخيمة الجوية
اهدي اليكم هذه المحاولة أرجو أن تنال الإعجاب
ملاحظه : تراني اعليمي لاتو اخذواني وتقبل منكم أي ملاحظه ونقد

الصدر ضاق وضيقه قل الامطار
مايوسعه ياكود شوف الخيالي
وشوف البروق اللي يسرن الانظار
بوسط المزون اللي ثعوله مدالي
ومزن ليبين كما ضلع سنجار
فيه الرعود اللي تهز الجبالي
وسيله عريض ومهتنى مابه اخطار
يضفي علينا من جنوب وشمالي
وشوف الفياض الممحله كلها ازهار
تبري عليل النفس لوهو يشالي
فيها الخزامى والنفل وكل الاثمار
من طيب ريحه عم كل المفالي
وذودن مفلي مايثمن بالأسعار
من عاينه يذكر عظيم الجلالي
ومرافق اللي بالمهمات بيطار
راع العلوم الغانمه والمعالي
امشي مع اهل الطيب بعزه ومقدار
وترك ردي الحظ راع التوالي
وترى الحياة أيام وتحل الأقدار
ويجيك ماحصلت يابن الحلالي
وصلاة ربي عد ماطايرن طار
على نبين كل دربه عدالي

[ديم نجد]

صح لسانك أخوي
قصيده جميله
الله يجيب الخير إن شاء الله

[صالح الربيعان "برق السناف"]

ياهلا وغلا بأخي أبو يزيد والحمدلله على السلامة وصح لسانك وأبشر بإذن الله بسعة الصدر وإن شاء الله تشوف شعبا وهي تسر الخاطر 00 والخير قادم بإذن الله 00 لا تقطع بنا يابو يزيد الله يحفظك

[Maxima]

صح لسانك وذكرتني بقصيدة الاستغاثة لمحسن الهزاني

[Maxima]

دع لذيذ الكرى وانتبه ثم صل ــــــــــ واستقم في الدجى ابتهل ثم قل
يامجيب الدعى ياعظيم الجلال ـــــــــ يالطيف بنا دايم لم يزل
واحد ماجد قابظ باسط ــــــــــ حاكم عادل كل ماشاء فعل
ظاهر باطن خافض رافع ـــــــــ سامع عالم مابحكمه ميل
ثم بعد لطفك بنا ربنا افعل بنا ـــــــــ كل ماأنت له يا إلاهي أهل
يامجيب الدعا يامتم الرجى ـــــــــ وأسألك ياإلاهي أهل نزل
به على المصطفى مع شديد القوى ــــــــ أسألك بالذي دك صوب الجبل
الغنى ورضى والهدى والتقوى ــــــــــ والعفو العفو ثم حسن العمل
وأسألك غادي مادي كل ما ـــــــــ لج فيه الرعد حل في ذا الوجل
وادق صادق غادق ضاحك ــــــــ باكي كل ماضحك مزنه سحابه طبل
كن مزنه إذا مارتدم وارتكم ـــــــــ في مثاني السد دامرات الحلل
ناشي غاشي سداه فوق السهاتـ ـــــــــ كم مقدم سحابه يجرجر عجل
مدهشٍ مرهشٍ مرعشٍ منعشٍ ـــــــــ كل لمع برقه سيوف هند انتصل
داير حاير عارض رايح ـــــــــ كل من شاف برقه تخاطف جفل
أدهم مظلم موجفٍ مركمٍ ـــــــــ جور ماه عم الوعر والسهل
كل ما اخطفق واصدفق واندفق ـــــــ واستهل وانتهل انهمل الهلل
حينما استوى وارتوى واقتوى ـــــــ واستقل وانتقل اضمحل المحل
والفياض اخسبت والرياض أعشبت ــــــ والركايا أرعجت والمقل اسفهل
والحزوم أربعت والجوازي سعت ــــــ والطيور اسجعت فوق زهر النفل
كن وصف اختلاف الزهر بالرياض ـــــــ تخالف فرش زوالي إنتفل
بعد ذا علّها مرهش قالط ـــــــ ربو شهر سقى راسيات النخل
راسيات المثاني طوال الخضور ــــــ مستطيل المقاديم الجريد المظل
حيث إنه الذخاير إلى ما بقى ـــــــ بالدهر مايدير الهدير الجمل
تغتني به رجال بوادي الحريق ـــــــ هم قروم كرام إلى جاء محل
هم جزال العطايا غزار الجفال ــــــ هم الباب الضيف بليل هشل
يامجيب الدعاء يامتم الرجاء ـــــــ استجب دعوتي إني مبتهل
امح سيتي واعفو عن زلتي ـــــــ فإني ياإلاهي محل الزلل
فا أنا الذي بك أمد الرجى ــــــــ فلا خاب من مد فيك الأمل
ثم ختمه صلاتي على المصطفى ــــــ عد ما نحى سحاب صدوق وهل

منقول من العضو العارم في مكشات

[وادي العين]

والله حتى انا ضايق صدرى

[المستبرق]

ديم نجد maxima وادي العين
شكراً على المرور والله يرزقنا
برق السناف يبي يجي السيل والخير ان شالله على شعبا والعبله والبلاد كلها قل آمين

[جبل راف]

اللهم صل على محمد وعلى اله وصحبه وسلم

صح لسانك قصيدة طيبة

والله يبعد عنك ضيقة الصدر وتشوف الامطار عن قريب ان شاء الله

[مخيل البرق]

بارك الله فيك أخي على هذه القصيده الجميله
والصراحه إنك هيضتني وحبيت أرد عليك وأجارك لعله يهوُن عليك ضياق الصدر شوي
وتراني مثلك عليمي
صلوا على النبي
ياصاحبي ليه التشاوم بالاقــدار
ربك كريم(ن) على الخلق والي
إرفع حجاجك واطلب الله بالأسحار
ينشي المزون المردفات الثقالي
برقه يشوق العين ويسر الأنظار
تسعين ليل(ن) والجزيره تلالي
ويسقي الديار اللي عليها الدهر جار
وسيله يطم سهولها والعوالي
لين أصبحت مثل الخباري والأنهار
ثم ربعت بسهولها والجبالي
تلقا بها زين الخزامي والازهار
والبل ترعى بطيبات المفالي
يازين شوف النبت من عقب الاقفار
يجلي هموم النفس والقلب سالي
ويزين شب النار في وقت الاسفار
أنا أشهد إنها شفي وهوا بالي
ودلال صفر(ن) كيفها بن وبهار
وخوة نشامى من زحول الرجالي
وختامها صلوا على سيد الاخيار
شفيع(ن) لأمته في يوم الاهوالي

[براااوي]

صح لسانك ولاهنت

[abumashal]

صح لسانك ولاهنت

[ديم الليل]

صح لسانك اخوي قصيده ولا اروعوان شاء الله الخير قادم بأذن الله

[القناص]

صح لسانك

والله يفرحنا بهل ثقيلات المزون

اوصيكم ونفسي بالاكثار من الاستغفار وحث صغارنا على طلب الغيث فهم اخف منا ذنوب

[قران خامس]

صح لسانك اخوي المستبرق


قصيدة جميلة


وإن شاء الله ماتطول ضيقة الصدر ويا رب يوسع صدورنا


بسماع صوت الرعد

[نجم 1]

صح لسانك قصيدة جميلة ورائعة والله لايجيب الضيق أن شاء الله

[fondc]

صح لسانك أخوي
قصيده جميله والله كلام جميل ويبكي في نفس الوقت
متى نشوفك متى الملتقى:confused: :rolleyes:
http://australiasevereweather.com/gallery2/d/127686-3/20070113mb052+near+Bonshaw++NSW+microbursts+precip itation+cascade+michaels+favourites.jpg

[ناصر التميمي]

صح لسانك قصيدة طيبة
اخي المستبرق بارك الله فيك
قصيده اكثر من رائعه
واحد ماجد قابظ باسط ــــــــــ حاكم عادل كل ماشاء فعل
ظاهر باطن خافض رافع ـــــــــ سامع عالم مابحكمه ميل
والكلامات جدا جميله
تقبل مرور اخيك خشوم السحاب

[nakaza]

صح لسانك واحساسك
وبارك الله فيك


اخي المستبرق


ان شاء الله ننتظر الامطار و الله يرزق البلاد والعباد بفضله وكرمه
قدرة الله هي فوق كل شئ و ذنوب العباد ما هي الا السبب في تاخر الامطار


اكثروا من التوبة والاستغفار
فانها من اسباب نزول الامطار :good:


قال تعالى (فقلت استغفروا ربكم انه كان غفارا -10- يرسل السماء عليكم مدرارا -11-
ويمددكم باموال وبنين ويجعل لكم جنات ويجعل لكم انهارا ) نوح

[خالد الساهد00]

المستبرق


ومن بعدك

مخيل البرق

كتبتوا فأبدعتوا

الله يرزقنا واياكم

سيل يهز الارض ويروي عطشها

[الوافي2008]

صح السانك ونشاءالله الخير والسيل قريب

[altheeeb79]

الصدر ضاق وضيقه قل الامطار
مايوسعه ياكود شوف الخيالي
وشوف البروق اللي يسرن الانظار
بوسط المزون اللي ثعوله مدالي
ومزن ليبين كما ضلع سنجار
فيه الرعود اللي تهز الجبالي
وسيله عريض ومهتنى مابه اخطار
يضفي علينا من جنوب وشمالي
وشوف الفياض الممحله كلها ازهار
تبري عليل النفس لوهو يشالي
فيها الخزامى والنفل وكل الاثمار
من طيب ريحه عم كل المفالي
وذودن مفلي مايثمن بالأسعار
من عاينه يذكر عظيم الجلالي
ومرافق اللي بالمهمات بيطار
راع العلوم الغانمه والمعالي
امشي مع اهل الطيب بعزه ومقدار
وترك ردي الحظ راع التوالي
وترى الحياة أيام وتحل الأقدار
ويجيك ماحصلت يابن الحلالي
وصلاة ربي عد ماطايرن طار
على نبين كل دربه عدالي
==========================================
==========================================
==========================================

ياصاحبي ليه التشاوم بالاقــدار
ربك كريم(ن) على الخلق والي
إرفع حجاجك واطلب الله بالأسحار
ينشي المزون المردفات الثقالي
برقه يشوق العين ويسر الأنظار
تسعين ليل(ن) والجزيره تلالي
ويسقي الديار اللي عليها الدهر جار
وسيله يطم سهولها والعوالي
لين أصبحت مثل الخباري والأنهار
ثم ربعت بسهولها والجبالي
تلقا بها زين الخزامي والازهار
والبل ترعى بطيبات المفالي
يازين شوف النبت من عقب الاقفار
يجلي هموم النفس والقلب سالي
ويزين شب النار في وقت الاسفار
أنا أشهد إنها شفي وهوا بالي
ودلال صفر(ن) كيفها بن وبهار
وخوة نشامى من زحول الرجالي
وختامها صلوا على سيد الاخيار
شفيع(ن) لأمته في يوم الاهوالي


قصيده رائعه ورد أروع0000 بيجيب الله خير000 الدعاء 000الدعاء000الدعاء


اللهم أغثنا000
اللهم أغثنا000
اللهم أغثنا000

[ديرتي]

اللهم اغثنا غيثا هنيئا غير ضار وارحمنا برحمتك يارب العالمين

[نقا هشال]

هلابك ياغالي

يعطيك الف عافيه

وصح لسانك قصيده جميله

والشكر لأخونا مخيل البرق على الرد الرائع وصح لسانه

[المستبرق]

مشششششششششششششششششششكورين
والله لايطول ضيقت الصدر علي وعليكم
قولو آآآآآآآآآآآآآآآآآآآمين
اخوكم
ابويــــــــــــــــــــــــــــزيــــــــــــــــ ــــــد

[مراويح نجد]

صح لسانك
ويعطيك العافية

[المنشى شمالي]

قصيدة رائعة ومشكور أخي الكريم ابو يزيد