مشاهدة النسخة كاملة : الفرق بين ال Vxr واللكزس الجيب
makshat
02/11/2007, 09:29 PM
http://images.securedwebform.com/reviews/images/06-lx470-1.jpg
السلام عليكم و رحمة الله و بركاته
اخواني المكشاتيين.. ودي أسألكم عن الفرق بين الجيب اللكزس و الفكسر أفخم نوع موديلات 2003-2005 هل هناك
فرق في المكينة؟
نظام التعليق؟
سعر السيارة عند البيع؟
القوة في التطعيس و مطامر البران؟كل من سألته من الجماعة جاوبني جواب مختلف! الي يقول نفس الموتر بس مغيرين الاسم! واللي يقول هذى اللكزس ما تنفع بالطعوس!!!
فانا حبيت أستفسر منكم لعلي أجد الجواب المفيد و دمتم
http://www.hotels-of-dubai.com/tours/landcruiser.jpg
makshat
03/11/2007, 07:34 AM
و اضيف هذا السؤال ايضا:
معروف ان سعر اللكزس الجديد أعلى من الفكسر الجديد لكن ماهو الفرق سعر البيع للمستعمل بين الفكسر و اللكزس لنفس موديل السنة؟
وبارك الله فيكم
أبو LAMeS
03/11/2007, 07:52 AM
السلام عليكم ورحمة الله وبركاته
إذا كنت تتكلم عن الفكسار الفل رقم 4 وجيب اللكزس
اللكزس يتفوق بالكماليات والأكسوارات الداخلية
والفكسار يتفوق بالونش
والباقي نفس الشيء
وبالنسبة للسعر عند البيع اللكزس يخسر لأنه أغلى من الفكسار بكم ألف...... زائد قطع الغيار أغلى
يعني تلقى فكسار 2003 ولكزس 2003 تقريبا بنفس السعر
وبالنسبة للمطامر في البران الموترين يبغى لهم رفق ومسايس في البر
شكرا
makshat
03/11/2007, 08:58 AM
ابوlames:
اشكرك اخي على ردك.
هل يمكن تركيب ونش على اللكزس؟ وش كثر يكلف؟
أبو LAMeS
03/11/2007, 09:35 AM
ابوlames:
اشكرك اخي على ردك.
هل يمكن تركيب ونش على اللكزس؟ وش كثر يكلف؟
في عالم السيارات كل شيء ممكن تقريبا وزميلنا الأخ سعد 777 ركب في الفورد الأكسبدشن ونش رغم أن الكثير قالوا مستحيل أو صعبة شف موضوعه مثبت يمكن تستفيد منه
وشك كثر يكلف؟
الأسعار تختلف بأختلاف النوعية والقوة
عاشق برادو
03/11/2007, 02:27 PM
تكلف الونش كالتالي:
3.50 طن ـــــــــــ 2750
4 طن ــــــــــــــــــ 2900
لكن ما أنصحك ب4ـ طن لأنه يثقل على الموتر . وهذه الآسعار من السليماني وتركيب الونش يكلف ما بين 800 __ 1000 ريال (شغل يد )
وعلى فكرة ترا 3.50 طن أفضل من اللي يجي شد بلد لآنه أصغر وأقوى
makshat
03/11/2007, 10:10 PM
أخي ابو لميس (ارجو اني ما غلطت بالاسم):
جزيل الشكر لك على تعقيبك
أخي عاشق برادو:
وين ورشة السليماني و كم رقم التلفون؟ و الف شكر لك.
كما أطلب مشورتكم في هذا الأمر:
معروض علي جيب لكزس LX470 موديل 2004 صاحبه كبير في السن وسواقته راكده بالحيل الموتر نظيف جدا ماشي 42 الف كم ولا فيه مشخ و لا حكة و لا يحزنون. صاحبه حاده ب 168 ألف وشرايكم بكم اسومه؟؟
makshat
03/11/2007, 10:14 PM
أخي ابو لميس (ارجو اني ما غلطت بالاسم):
جزيل الشكر لك على تعقيبك
أخي عاشق برادو:
وين ورشة السليماني و كم رقم التلفون؟ و الف شكر لك.
كما أطلب مشورتكم في هذا الأمر:
معروض علي جيب لكزس LX470 موديل 2004 صاحبه كبير في السن وسواقته راكده بالحيل
الموتر نظيف ولا جاه صدمة ولا حكة ولا حتى مشخ ماشي 42 الف كم و حاده ب 168 الف.
بكم اسومه؟
برق الحيا 55
03/11/2007, 10:35 PM
أنا عندي جيب لكزس 2005 معي من يومه جديد وفيه ميزة لا يعرفها الكثير أن اللكزس فيه عوازل ما تسمع صوت المكينة والكفرات على الخطوط الطويلة وفي البر شيخ ولد شيخ ما شاء الله وكل السيارات في البر تعتمد قوتها على السائق وطريقته ففي مواسم البر تجد اطلق السيارات مغرزة بس مع سائقين لا يعرفون مهارات القيادة في البر فربما تجد هايلكس بدون دبل يدور على همر وغيره وهذا ما شاهتد بنفسي
الندى
03/11/2007, 10:45 PM
Vx.rاقوى واحسن بالطعوس
الندى
03/11/2007, 10:47 PM
اللكزز مهب موتر بر
makshat
04/11/2007, 07:09 AM
أعتذر عن الرد المتكرر و ذلك خارج عن ارادتي. العتب على السيرفر اللي كل ما ضغطت اعتمد راحت الصفحة!
الندى و برق الحيا :
شكرا لكم.
أبو LAMeS
04/11/2007, 07:31 AM
أخي ابو لميس (ارجو اني ما غلطت بالاسم):
جزيل الشكر لك على تعقيبك
أخي عاشق برادو:
وين ورشة السليماني و كم رقم التلفون؟ و الف شكر لك.
كما أطلب مشورتكم في هذا الأمر:
معروض علي جيب لكزس LX470 موديل 2004 صاحبه كبير في السن وسواقته راكده بالحيل الموتر نظيف جدا ماشي 42 الف كم ولا فيه مشخ و لا حكة و لا يحزنون. صاحبه حاده ب 168 ألف وشرايكم بكم اسومه؟؟
والله أشوف السعر غالي بالحيل لأني محصل واحد 2003 مسيوم 120 ألف وصاحبه مهوب بعيد عن السعر
ماشي تقريبا في حدود الثمانين ألف ولا فيه صدوم وصاحبة ما يعرف من البر إلا أسمه يعني مهوب راعي مطامر في البران
والسعر هذا يمكن يجيب لك فكسار 2008 بس يمكن أقل نوع لا تستعجل ففي كل تأخيرة خيرة
Last Nomad
04/11/2007, 07:50 AM
السلام عليكم.........
لا يا اخوان فيه فرق غير الاكسسوار الداخلي ........الكزس فيه 8حساسات توازن تضبط نظام الهيدروليك عند المنعطفات اما VX-Rمافيه الا خمس حساسات وفيه اختلاف في القير في بعض الموديلات تلقاهم يحطون قير حديث على اللكزس و بعد موديل او اثنين يحطونه على VX-Rوهم مجهزين شي جديد لللكزس
برق الحيا 55
05/11/2007, 04:19 PM
السلام عليكم.........
لا يا اخوان فيه فرق غير الاكسسوار الداخلي ........الكزس فيه 8حساسات توازن تضبط نظام الهيدروليك عند المنعطفات اما VX-Rمافيه الا خمس حساسات وفيه اختلاف في القير في بعض الموديلات تلقاهم يحطون قير حديث على اللكزس و بعد موديل او اثنين يحطونه على VX-Rوهم مجهزين شي جديد لللكزس
جيب اللكزس 470 سيارة بمعنى الكلمة للبر والمدن واللي ينتقدها ويفضل عليها اللاند كروزر ما يعرف في السيارت شئ وعذروبها انها غالية ما يقدر على ثمنها الكثير
kk999
06/06/2008, 07:53 PM
اللكزس والفي اكس ار نفس المكينه ونفس القير انما تختلف في الاكسسوارات وبعض التجهيزات البسيطه والتي لا تبرر زيادة السعر وفي الاخير الاثنين كلهم رقلات ومشيهم بطيى مقارنه بالسيارات المنافسه
book00
07/06/2008, 02:25 AM
ياجماعة الربع
VX.R فل كامل هوهو جيب لكزس LX470 تماما
اللهم الفرق بالعزل , فنسبة عزل الصوت بجيب الكزس أعلى ليوافق مستوى الاريحية لسيارات لكزس
ولو كنتم تذكرون ياجماعة اللاند VX.LIMETED كانت مشابهته للجيب الكزس كبيرة جدا حتى شعار تويوتا الي على الكبوت غير موجود وحتى الشريحة الجانبية على الابواب بجيب لكزس موجوده فيه
لاتستغربون المشابهه اذا كنتم شفنو الكزس 430LS باليابان عليها شعار تويوتا
اما المواصفات للسيارة الواحدة او الفئة الواحدة تختلف بشكل طبيعي من دوله الى دوله ومن مستورد الى مستورد
فمن باب اولى ان تختلف من شعار الى شعار
ارجوا ان القصد اتضح
تحياتي لكم
ABO AL-HESH
07/06/2008, 10:54 AM
اخوي مكشات..
الصراحه السعر غالي مره على موديل 2004 يعني له اربع سنوات ونصف..
انا اشور عليك بهالقيمه بباترول 2008 سوبر سفاري او gx-r 2008 ..
وانا عن نفسي انصحك بالباترول لانه ياباني 100% وفخم ..
خالد030
07/06/2008, 03:36 PM
الكزس شيخ فخامة وسكبه وقوه وراحة واللي مايعرف الصقر يشويه واللي مايطول العنب حامض عنه يقول
وبالنسبه للفرق يكفي إنه لكزس
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir