فزعتكم يالربع باسرع وقت تكفون

[ابو لولوه]

السلام عليكم ورحمه الله وبركاته

اخواني اعضاء منتديات مكشات الكرام



انا لدي مشكله !!



واللي هي طيري ينزل وزنه نزول مهو طبيعي

نقزته يوم وكان اكا اليوم الجو دافي نزل الطير 60 جرام

الطير ما فيه قلاع وسليم



قمت وارسلته للرياض للمستشفى قالوا لي ان الطير فيه فايروس بالكبد
وقالوا لي احتمال ان الطير موات

مع العلم ان امس المغرب اعلفت الطير الى اليوم الظهر والطير ما صرف علفه



تكفون فزعتكم ابي علاج لطيري باسرع وقت


والله يجزاكم الف خير


اخوكم / ابو لولوه

[مدرب الطير]

الله يعافيه انشاء الله هذا اللي اقدر اسويه

[وكري2007]

الله يشفيه وعافيه من المرض الحل عند الله ثم عند أهل الخبره

[قلب ذيب]

تليف الكبد صعب جدا
عطه ( خيله ) كبر راس الذبابه ) واعلفه جرذي بري وليس ( جربوع ) وعطه كبد دجاج , والله يشفيه
وبالتوفيق 0

[جارح العين]

الله يشافيه ورده احسن من اول

[قناص ام وشاح]

الله يعافيه انشالله

[ابو لولوه]

مشكوووورين اخواني على دعواتكم الصادقه

ولكن اخوي قلب الذيب وشي الخيله لاني اول مره اسمع فيها

[قعقاع التميمي]

الله يشفيه عطه اخوي فص توم في العلف او القلب مدة 3ايام هذا ييسهل الآدراج عنده بأذن الله

[المري]

جعله مايشوف شر..

بخصوص نزول الطير انتبه لايكون معه قمل لانه القمل مايخلي الطير يصطنع..

وسلاااااااامتك..

اخوك - المري

[بيت طين]

هلا فيك اخوي مايشوف شر طيرك ابرسلك علي الخاص جوال ولد خالي ابوه بروفسور طيور ومعروف.

[ابو لولوه]

ما قصرتوا والله يجزاكم خير
بالنسبه للقمل فالطير مابوه قمل

اخوي بيت الطين الله يجزاك الف خير وما قصرت ياعزوتي
وجعلها الله في موازين حسناتك

[حطاب 123]

:( الله يعافيه انشالله

[بوعوف النصر]

الله يشفيه ان شالله وماقصرو الربع

[عبدالعزيز الوسمي]

لله يعينك يابو لولوه ويصبرك

والله يشفيه

[كحيلان 2006]

الله يشفيه ان شاءالله ؛ ومالك الا خالد العويدي الي في الرياض هو متخصص في الشغلت ذي

وسلامتك.

[شبراق]

الله يشفيه انشاءالله

[hazzaa]

طيرك لازم يدخل المستشفى ويعطونه (أبر مضاد حيوي)مفعولها أقوى وأسرع لان هالمرض صاب طيري قبل سنه وعالجوه بالأبر بالرياض واسأل الله عز وجل أن يشافيه

[المزروعي]

إذا الفايرس أسمه Tp للاسف ماله أي علاج . و أكثر الطيور المصابه بهذا المرض يتم إعدامها !! الله يعوض عليك .

[Ry905]

إقرأ الفاتحة وانفث عليه ..

الله يشفيه ..

[مراسل الرين]

الله يشفيه أنشاء الله

[امير الرفيعه]

مالك الا ابو عبدالله (( خالد العويدي ))

وان شا الله يشفى طيرك

[ابو لولوه]

ما قصرتواااا بيض الله وجيهكم وجزاكم الله خير
والله يشافي الطير ويسمع منكم

[خشف.]

ما قصرو اعضاء الخيمه والله يوفقك