ناصر التميمي
05/11/2007, 10:57 PM
السلام عليكم ورحمة الله
كتبت هذه القصيده عندما كانت والدتي على سرير المستشفى
وكنت بحاله مايعلمه غير رب العزه والجلال
(صوت)
آلـــو :
يمه ...
والله ياعبدالله ماسمع
الكبر ياوليدي شيين ..
الكبر خلاني ماسمع
(صدى)
من يقول الكبر يمه عذاب العمر
...... من يقول العمر ياجنة العمر شين
الكبر .. يا كبيره زاد قدرك قدر
...... يلبسك ثوب عز .. رصعته السنين
من عرفتك وقلبك للأمومه نهر
...... من عرفتك و روحك للطهاره معين
يمه .. ياشمس الحياة بداخلي
يمه .. يامعنى وجودي
يمه .. يامسكي وعودي
من سقيتي هالحياة بداخلي .. وابتل عودي
............. ردت أنفاس الحياه لها الجسد وانساب دمه
وكل ما عشبي نما طاحت على يدينك حدودي
............. وانحنى لرضاك ريش الذل .. وعيونه .. وفمه
ياهديل النور في دمي .. وتسبيحة سجودي
............. يالرضا .. اللي كل ماهزتني ذنوبي .. أضمـه
يمه .. يمه
ياعظيمه
ياحنونه
يمه .. ماشفتي وليدك
في غباه وفي جنونه
يوم حاول يجمعك
في ثرثرة دفتر غبي
يقدر يخونه
يمه .. آآآآه
كل ماجيت اكتبك فوق الشفاه
ذاب صوتي
و رد في حلقي سكوتي
واحترق فـ شبر ماه
مدري ليه الشعر لا جيت اكتبك يمه يسافر
.......... مدري ليه الصوت لا غنيت لك بالحيــل يصغر
والعن الحظ الردي وشلون يمه صرت شاعر
.......... راس مال احساسه المجنون تنهيده و دفتر
كنت اظن ان الشعر ياطيــبة كل المشاعر
.......... يكبر بعيني .. وانتي اكبر .. واكبـر .. واكبــر
آلـــو :
يمه ..
كل ماحاولت ادور لك معاني بين الاسما
اكتشف في كل مره
انك اغلى
وانك اسمى
وابشركم بخير الوالده طلعت بالسلامه
ولله الحمد والمنه
وانشالله ماتشوفون مكروه
بكل غالي
وخصوصا الام
كتبت هذه القصيده عندما كانت والدتي على سرير المستشفى
وكنت بحاله مايعلمه غير رب العزه والجلال
(صوت)
آلـــو :
يمه ...
والله ياعبدالله ماسمع
الكبر ياوليدي شيين ..
الكبر خلاني ماسمع
(صدى)
من يقول الكبر يمه عذاب العمر
...... من يقول العمر ياجنة العمر شين
الكبر .. يا كبيره زاد قدرك قدر
...... يلبسك ثوب عز .. رصعته السنين
من عرفتك وقلبك للأمومه نهر
...... من عرفتك و روحك للطهاره معين
يمه .. ياشمس الحياة بداخلي
يمه .. يامعنى وجودي
يمه .. يامسكي وعودي
من سقيتي هالحياة بداخلي .. وابتل عودي
............. ردت أنفاس الحياه لها الجسد وانساب دمه
وكل ما عشبي نما طاحت على يدينك حدودي
............. وانحنى لرضاك ريش الذل .. وعيونه .. وفمه
ياهديل النور في دمي .. وتسبيحة سجودي
............. يالرضا .. اللي كل ماهزتني ذنوبي .. أضمـه
يمه .. يمه
ياعظيمه
ياحنونه
يمه .. ماشفتي وليدك
في غباه وفي جنونه
يوم حاول يجمعك
في ثرثرة دفتر غبي
يقدر يخونه
يمه .. آآآآه
كل ماجيت اكتبك فوق الشفاه
ذاب صوتي
و رد في حلقي سكوتي
واحترق فـ شبر ماه
مدري ليه الشعر لا جيت اكتبك يمه يسافر
.......... مدري ليه الصوت لا غنيت لك بالحيــل يصغر
والعن الحظ الردي وشلون يمه صرت شاعر
.......... راس مال احساسه المجنون تنهيده و دفتر
كنت اظن ان الشعر ياطيــبة كل المشاعر
.......... يكبر بعيني .. وانتي اكبر .. واكبـر .. واكبــر
آلـــو :
يمه ..
كل ماحاولت ادور لك معاني بين الاسما
اكتشف في كل مره
انك اغلى
وانك اسمى
وابشركم بخير الوالده طلعت بالسلامه
ولله الحمد والمنه
وانشالله ماتشوفون مكروه
بكل غالي
وخصوصا الام