ابسأل عن أفضل أنواع البجامات الشتوية

[الأكحل]

جاء الشتا الله يحييه وجا معه كثرة الخلاقين و
سؤالي لأهل مكشات عن أفضل نوع بجامة تصير خفيفة ودفي ونستغني عن بعض الملابس
سمعت من واحد يقول ان فيه بجامه قرا عنها بمكشات خفيفة وفعلها عجيب وبصراحه تعبت وأنا أدور بصفحات مكشات ولا لقيت الموضوع اللي يعرف عنها شي وماركته ومكان بيعها وجودتها وسعرها لايبخل علينا والله يعطيكم العافية :confused: :eek: :o :o :o :o

[hdd4004]

شف الله يسلمك الوالد كان يستخدمها وانا الى الان استخدم هذي البيجامه يمكن البجامه الواحده قعدت معي 6 سنين والوالد من 30 سنه وهو يسخدمها الا وهي بيجامه ((صوف)) ماركه (( الخروف اي شي زي كذا)) ((صناعه انجليزيه))((ترى مليان الصيني لاتاخذه تعبان))((سعرها 70ريال مع السروال))((يجي لونين حليبي وبني))((وكيلها الفوزان))((امل انك استفدت))((وترى الكلام من واقع تجربه))((بلا هالقطن الصيني والاسباني والخرابيط))((خذها وريح بالك ))((نبي الدعاء))

[ولد وايل]

فيه بجامات وارد بي واي سي وكيله الفوزان......

وكمان عندهم بجمات رائعه ورخيصه

تجد فروعهم منتشره بكل مكان

[هاوي البر]

فيه بجامه جيد وكيلها الفوزان اسمها برومان

[الأكحل]

الأعضاء
hdd4004
ولد وايل
هاوي البر
مشكورين على تفاعلكم ونصايحكم الطيبة وعسى الله يديم الطيبين أمثالكم
بالنسبة لبجامة الصوف اللي وكيله الفوزان ممتازة ومحتفظة بسعرها من زمان مانقصت
لكني سمعت من واحد ان فيه لبس او بجامه قيمتها 250تقريبا وقال لي الظاهر انها باسواق العويس لكن مايعرف اسمها ولا اسم المحل اللي يبيعها ويقول انه شايف الموضوع بمكشات

[adel090]

ماركة ويلز انجليزية سعر الفنيلة او السروال مفرد ب75 ونادر ما تحصلة باي محل مثلا بحائل ماتوجد الا عند الحمندي وبعنيزة ما حصلتها الا عند محل بعد جهد جهيد بس نسيت اسمة
المهم لاتفوتك الماركة وان شاء الله بتدعي لي


ودي وتقديري,,,

[الأكحل]

adel090
الله يبارك فيك ومشكور على هه المعلومة وراح أدور على الماركة وابدعيلك

[xozxo]

الفوزان لديه محل في العويس على شارع العليا العام سبق وان شريت منه بجامات صوفيه انجليزيه غاليه بس خفيفه وتدفي

[دوادماوي]

بدينا بسوالف البيجامات ...

قرصكم البرد .. هههههه

الحقيقة البيجامه الرائعة هي البيجامه اللي تكون بدون كموم طويلة , بغض النظر عن نوعها ..

لأنها ما تضايقك في الوضوء ..

تحياتي لكم ...

[نمر بن حثلين]

فنيله الصوف الانجليزي عز الله انها الدفا الي ما عقبه
لكن مثل ما قال اخوي خذ ام كم قصير
لان الطويل يبلش بالوضو ومع الما بعض الناس يسبب لهم حساسيه ويبدا يقرص الجلد

[فتى احد]

السلام عليكم ...

يا أخوان أنا معي حساسية من الصوف وش تشوفون أفضل شىء من البيجامات اللي تناسبني مع أني لبست برومان وفالنسيا ودروش كلها ماتدفي بس غالية على غير سنع شوفوا حل ياجماعة .

[الأكحل]

xozxo
دوادماوي
نمر بن حثلين
فتى أحد
مشكورين على المرور والاهتمام والله يبارك بالجميع

[shaheenshah]

السلام عليكم ...




يا أخوان أنا معي حساسية من الصوف وش تشوفون أفضل شىء من البيجامات اللي تناسبني مع أني لبست برومان وفالنسيا ودروش كلها ماتدفي بس غالية على غير سنع شوفوا حل ياجماعة .


أدبل الثوب يعني البس ثوبين فوق بعض وشف الدفى

[هولوكس2005]

مافيه غير بجامه الراعي يالي يجي على الستكر صوره فلاح معه عصاء ويمينه ونعيمي
وصنعتها انقليزيه

وعلى مأضن منقطعه من السوق من زمان ولها الحين عندي اربع سنوات ومشاء لله ماودك تفصخها
وشريها حول ال 60 ريال ولو ألقى مثلها الحين ابشريها بسعرها

وكيلها الفوزان

http://upload.9q9q.net/image/RSQRQnBfb98/Image-012-.jpg.html

[ابوقاسم]

فيه بيجاما يخوك دافية الصناعة مصرية والقطن مصري
وشي خيال دافية وحتى سروالها واسع ماهي مثل بعض الماركات وا يوصل للبطن
وهي من واقع تجربة جيدة جدا
ارجو اني افدتك
ولك تحياتي

[فتى احد]

أدبل الثوب يعني البس ثوبين فوق بعض وشف الدفى



يعطيك العافية تراي مسوي مثل الكويتيين فوق قماش صوف وتحت قماش سلك والأمور ماشية لكن أبغى بيجامه ما تحسس يعني مافيه أنواغ ذات تقنية عالية في الأسواق أكيد فيه لكن وينكم يامكشاتية تنفعونا بالردود الشافية والمطمنة .

[قناص شدا]

غير الانجليزي لاتدور عندك قطن او وبر

وتحصلها في الخبر في السويكت

[فتى احد]

غير الانجليزي لاتدور عندك قطن او وبر

وتحصلها في الخبر في السويكت



السلام عليكم ...

مشكور أخوي قناص شدا على المرور لكن هو شارع الأمير بندر بن عبدالعزيز ( السويكت سابقا ) وين بالضبط لأني أعرف الشارع تمام المعرفة كنت ساكن فيه قريب المسجد اللي على اليسار وأغلب المحلات أعرفها محل محل داعوس داعوس أغلبها بيجامة دروش وبرومان ونوع أنجليزي سعره 45 ريال حار على الجسم ويسوي حساسية كله شعر دلني الله يرحم والديك .

[قناص شدا]

تحصله في محل على الزاويه قبل الخان في شارع الملك خالد اذا ماخاب ظني

[فتى احد]

تحصله في محل على الزاويه قبل الخان في شارع الملك خالد اذا ماخاب ظني



السلام عليكم ...

مشكور وماقصرت هذا محل عبدالحميد زينل أشهر من نار على علم وخاصة الجوارب أعزكم الله أفضل وأرقى الأنواع ماخذ وكالتها وإذا جاء الشتاء آخذ الأهل ونروح ناخذ كمية جوارب من عنده ذكرتني فيه الله يذكرك الشهادة ماقصرت ياغالي .

[برق بن رعد]

فيه بجامه جيد وكيلها الفوزان اسمها برومان

[فتى احد]

السلام عليكم ...

ذهبت مساء أمس لمحل عبدالحميد زينل بشارع الملك خالد بالخبر ومالقيت عنده بيجامات شتوية يقول على تاريخ 15/11/1428هـ يمكن توصل لكن حسب كلامه كلها صوف شعر أصلي ماعنده شىء صوف ناعم وبعدين أسعاره غالية من 70 حتى 280 ريال مانستغني من خبراتكم .

[المتامل]

السلام عليكم ...



يا أخوان أنا معي حساسية من الصوف وش تشوفون أفضل شىء من البيجامات اللي تناسبني مع أني لبست برومان وفالنسيا ودروش كلها ماتدفي بس غالية على غير سنع شوفوا حل ياجماعة .


صرنا اثنين
انا بعد معي حساسية من الصوف
تجيني حكة واحساس بلسع غريب في جسمي اذا لبست بيجامات الصوف
وكنت احل هذه المشكلة بتدبيل البيحاما القطنية بس يبقا حل اذا لم يوجد حل افضل منه
وبالنسبة لزينل ماعنده الا صوف انجليزي وغالية اعتقد مائتان وخمسين ريال
وحتى لو كانت رخيصة بريال واحد ماتنفعنا بسبب الحساسية

مدري اذا فيه صوف صناعي ؟
ياليت الاخوان المجربين يشوفون لنا حل

مشكورين مقدما

[moonset]

يا رجال خلك على الكوت بس والله ما ورا البجامات إلا الحر وبعدين نصيحه لا تلبسها إلا بالبر والنوعيه واضحه ما يبيلها سوعااااااااااااااااااال

[فتى احد]

صرنا اثنين
انا بعد معي حساسية من الصوف
تجيني حكة واحساس بلسع غريب في جسمي اذا لبست بيجامات الصوف
وكنت احل هذه المشكلة بتدبيل البيحاما القطنية بس يبقا حل اذا لم يوجد حل افضل منه
وبالنسبة لزينل ماعنده الا صوف انجليزي وغالية اعتقد مائتان وخمسين ريال
وحتى لو كانت رخيصة بريال واحد ماتنفعنا بسبب الحساسية

مدري اذا فيه صوف صناعي ؟
ياليت الاخوان المجربين يشوفون لنا حل

مشكورين مقدما[/center]



السلام عليكم ...

مشكور أخي المتامل فعلا صرنا أثنين وأكيد في منتدانا الغالي كثير مثل حالتنا وأكيد عندهم تجارب من الناحية هذه اليوم الصباح بدري رحت البحرين ولفيت بسوق باب البحرين ورحت مجمع السيف وتوي واصل من هناك في زيارة خطافية على عجل دورت سريع سريع مالقيت غير الصوف مافيه قطن ثقيل حتى أن أغلب بضاعتنا عندهم دروش وبرومان وغيرها عندهم كثير نبغى الأعضاء الكرام يتفاعلون مع الموضوع لأنه يهم شريحة كبيرة من الأخوان .

[فتى احد]

السلام عليكم ...


وينكم ياأهل الرياض العاصمة اللي كل شىء عندكم موجود وينكم ياأهل جدة أم الرخاء والشده نبغى تفاعل مع الموضوع يعني مافيكم أحد ينزل السوق ويخدم منتدى مكشات في بجامه ضد الحساسية من الصوف الله المستعان .

[فتى احد]

السلام عليكم ...

اليوم الصباح كنت في الخبر وتحديدا شارع الملك خالد تقاطع 3 عند محلات الملابس اللي قرب عصيرات ملك المانجا وسألت هناك عن البيجامات ومثل ماتوقعت مافيه غير برومان وفالنسيا ودروش وبي واي سي ونوع هندي جديد وقلت ياناس أبغى بيجامه ثقيلة ومقاس XXL وواسعة وماتسوي حساسية قالو فيه نوع كان يجي من سنتين أنقطع يقولون أنه أسباني وفخم وسعره حوالي 130 ريال لكن مايعرفون أسمه ناسين أبو يمن من التخزين على الصبح الله يهديهم فاأخواني هل أحد يعرف البيجاما الأسبانية .

[رعد النجدي]

الأنجليزيه صوف وبصراحه تجيب لي الحكه اجلس امترش برومان ممتازه واذا صريمه وبرد مره دبل وانا اخوك مع الفروه

[فتى احد]

السلام عليكم ...

أمس بالليل كنت بسوق عيال ناصر بالدمام أو مايسمى سوق سيكو البلد عند جامع خادم الحرمين الشريفين الملك فهد بن عبدالعزيز رحمه الله ، ولفيت لما دخت على البيجامات آخر شىء ضربت عندي الفيوز وقلت ياولد مالك إلا برومان نصف كم تجي فنيلة لوحدها فقط أخذتها بسعر 35 ريال بعد المكاسر والله يوفق .

[فتى احد]

السلام عليكم ...

وجدت مطلوبي لدى محل عبدالحميد زينل بالخبر شارع الملك خالد جوار محل الخان هاتف 0096638642364 بيجامة النخلة PALM بسعر 90 ريال بعد الخصم وقبل الخصم 105 ريال ولونها سكري فاتح وماتسوي حساسية ولا حكة والله يوفق ووالله أني لاأسوي دعاية ولا شي بل العكس إفادة إخواني الأعضاء بالمنتدى وأشكر المشرفين جميعا والله من وراء القصد .

[كارلس]

موضوع رائع

يعطيكم العافية

[كارلس]

يعطيكم العافية

ممكن توصيف للمحل اللي في الخبر

بالضبط من عند مجمع الراشد في الجهو المقابة يعني توني داخل الخبر

إذا ممكن قبل يوم ألأحد إذا قريب بروح اشتري لي منه

[عبادي العامري]

افضل انواع البجامات واعتبرها لك وللزمن قطن اصلي ميه بالميه
بجامات برو مان وارد مؤسسة محمد الفوزان
يجي منها الوان غير الابيض

[فهاد]

شف الله يسلمك الوالد كان يستخدمها وانا الى الان استخدم هذي البيجامه يمكن البجامه الواحده قعدت معي 6 سنين والوالد من 30 سنه وهو يسخدمها الا وهي بيجامه ((صوف)) ماركه (( الخروف اي شي زي كذا)) ((صناعه انجليزيه))((ترى مليان الصيني لاتاخذه تعبان))((سعرها 70ريال مع السروال))((يجي لونين حليبي وبني))((وكيلها الفوزان))((امل انك استفدت))((وترى الكلام من واقع تجربه))((بلا هالقطن الصيني والاسباني والخرابيط))((خذها وريح بالك ))((نبي الدعاء))

والله انك صادق وكلامك 100%

[PAJERO]

فنيله الصوف الانجليزي عز الله انها الدفا الي ما عقبه

واحسنها وارد الفوزان رخيصة وزينة

ولا فية بيجامات انقليزية وايطالية ولكنها غالية
من 250 الى 1000 ريال لكن ما فيها كلام لولا الغلا

[راعي عكل]

السلام عليكم

اخوي انا انصحك بالبجامات الانجليزيه اسمها ابو خروف هي صوف مو قطن ومثل ماذكر واحد من الاخوان تجي لونين فقط بني وبيج :cool: هذي سلمك الله سعرها كامله بحدود ال 50 ريال .
وفيه نوع ثاني قطن نفس الشي انجليزي اسمه ويسلي وفيه منه فنايل نص كم هذي سلمك الله الفنيله بالحالها ب 50 ريال من غير السروال والسروال ب 50 يعني كامله ب 100 ريال لكن انا اشهد انها ممتازه وانت لك الاختيار

تقبل تحياتي :)

[أبوطلال2007]

الفوزان عنده طال عمرك بيجامة إنجليزيه (برومان ) وتجي لونين فقط منها .. شريتها قبل شعر بسعر (110) علماً بأنها خفيفة اللمبس ولكن عليها تدفئة طيبة بالحيل.،،

[دهامي]

ابرومان احسن شي (وشر فروه متكفي البجامه الحاله)

[Abo ziad]

اخواني الكرام: البيجامات انواع منها القطنية ومنها الصوفية ومنها المختلطة المصنعة من مواد بلاستيكية ومواد صوفية او قطنية ، ولا شك ان جودة البيجامات تعتمد على نسبة المادة العازلة فيها والتي غالبا ما تكون من الصوف او القطن ، وبالتالي كلما زادت نسبة احدى هاتين المادتين في صناعة البيجامة كلما كانت جودتها عالية ، وفي السنوات السابقة كانت توجد في الاسواق بيجامات تصل نسبة الصوف فيها الى 80% او اكثر وهي بلا شك دافئة ، الا انه بدأ مؤخرا تسويق بيجامات تصل نسبة المواد البلاستيكية فيها الى 80 % والباقي من الصوف وتباع بالسعر السابق ، والمشتري في الغالب لا يفرق او لا ينتبه لذلك ، لذا فان من يريد الدفء فليختار النوعية الجيدة ، واتذكر انه في العام الماضي كانت تباع انواع من البيجامات في شارع العروبة بالرياض مصنوعة من الداخل من القطن ومن الخارج من الصوف وفي الحقيقة انها جيدة الا انها غالية نسبيا ،،

[رعد الجنوب]

السلام عليكم

اخوي انا مع راي اغلبية الاخوان ولي تجربة طويلة مع البجامات الشتوية

بجامات برومان القطنية اذا كان البرد غير شديد
بجاما ت برومان صوفية اذا كان البرد شديد
بجامات الصوف الا نجليزية ابوخروف وابو راعي اذا كان البرد شديد جدا
وجميعها وكيلها الفوزان .

تحيتي للجميع

[ابوبدران]

السلام عليكم
موضوع شيق بنسبه للصوف ما تصلحلي ابدا بسبب الحساسيه من الصوف يعني صرنا ثلاثه :d

في بجامه قطنيه مصريه اسمها كينج ممتازه ما تحبب وتشمر وتمطط وتقريبا تاكه على الجسم
من احسن البجامات التي استخدمتها ويجي منها كم قصير وطويل والجيل الاول منها من
اروع البجامات ام الجيل الثاني اخف شوي ميرلاند كينج

[ابوالخل]

موضوع مفيد

[الشامي1]

مشكورين جميعاً على النصائح

[سهم قيادي]

ايه يا اخوان ان هذا هو وقتها قبل لا تغلاء الاسعار وش تنصحون به
اكثر الي في السوق رديه من اول غسله والي يشوفك يقول وراك لابس بجامة اخوك الصغير:D

[جمعان 22]

مثل ما قالوا الربع

الصوووف الانجليزي ....

النوع الجيد بتستخدمه سنين ..ومثل الجديد :cool:

[ابو عبدالملك 2]

اهم شي لا تاخذ اللي تنغز البجامه القديمه البنيه اللي تشوفها على الشيبان تراها متعبه ما يتحملها الا الشياب لانهم ماعد تحس اعصابهم كلش مرتخي فياخذونها على امل يحسون انهم لابسين فنيله ههههههههههههه صراحه انا مع اللي يقول خذ اي فنيله جيده بس بشرط لاتاخذ الانص كم ولا تلبس الصروال وريح عمرك والبس شراب ترى اذا دفت الرجلين دفاء باقي الجسم

[الساهر1]

برومان ممتاز

[أمير الصيد]

انا ما اشتري إلا ابورمان من الفوزان منذ سنوات طويله .
وبصراحه شي ما حصلت افضل منه .

[ذيب خشم الحصان]

أحب أن أضيف بدون قصور في الجميع
بأن البيجامات الصوفية لاتلبس
إلا في حالة البرد الشديد وخاصة في الليل
أما في حالة الحركة والتنقل
فهي غير عملية
واكثرها يسبب كهرباء بالجسم
بحيث تسبب الضيق
برومان القطنية مجربة
وتشعرك بالراحة حين تكون تحت ملابس شتوية
كما أنها تأتي بكم طويل وكذلك نصف كم
وسعرها في متناول الجميع
لكن البرد يبي له سمر وخيمة طيبة
وإذا حصلت ذبيت هدومك !

[كارلس]

يرفع الموضوع للفائدة بعد مرور سنة تقريباً
وتغير الأسعار وبعض الأنواع

أين نجد بجامة بو خروف إنجليزية في الخبر واسم المحل ومكانه وفي أي سوق
أو أي بجامة صوف أنجليزية أسبانية أو غيرها
وبكم أسعارهم

ترى خلاص توبة غير الصوف ماني شاري

:no: :no: :no:

لا برومان ولا غيره 60 ريال وماينتهم موسم البرد إلا برومان عجرفت وأنتهت :rolleyes: :no:

[كارلس]

وينكم يا النشامى

[zenar]

إذا بغيت بجامه عليها الكلام

عليك ببجامة ( ولز ) انجليزية

لكن ماتنباع الا عند الوكيل وتحصلها بشارع الثميري
اسأل اي محل في الثميري يدلونك على المحل اللي يبيعها وهو وكيلها

وععر البجامة كاملة تقريبا 220 ريال

ملاحظة فية ولز قطن تركي ماينفع عليك بالصوف الإنجليزي وإذا ماني غلطان وكيلها البدر

[النمرالأليف]

عليك بالصوف الإنجليزي برومان

[محمد بن سعيد]

والله اشوف ان البرومان ممتازة وسعرها معقول وترى البرد كله بالكثير 3 اشهر وما هوب كل يوم برد يعني يوم بريد ويوم برد (صقيع) ويوم حر

[m1m2m3m4m5m6]

يرفع للسنه الثالثه للفايده...
ويا شباب وكيل ويلز منهو بالضبط ؟؟؟

[احساس الصمت]

فيه بيجامه هنديه رووووووووووووووعه اسمها(جيف)تلاقونها في أغلب المحلات
وخاصه البطحاء ورخيصه جداً بــــ( 20 )ريال فقط
وللمعلوميه تراها ملونه ولكنها ناعمه جداً ومريحه
تقبلوا تحياتي

[فتى احد]

السلام عليكم ...

وجدت مطلوبي لدى محل عبدالحميد زينل بالخبر شارع الملك خالد جوار محل الخان هاتف 0096638642364 بيجامة النخلة PALM بسعر 90 ريال بعد الخصم وقبل الخصم 105 ريال ولونها سكري فاتح وماتسوي حساسية ولا حكة والله يوفق ووالله أني لاأسوي دعاية ولا شي بل العكس إفادة إخواني الأعضاء بالمنتدى وأشكر المشرفين جميعا والله من وراء القصد .

=========

جاء وقت البجامة palm ياولد توي استلمتها من المغسلة شغل اوكيه

والسنة هذي لاأعلم عن سعرها كم بيوصل قريبا سأذهب للخبر وأعلمكم بالسعر .

[S.i.e.r.r.a]

افضل شي برومان

[فتى احد]

آمل الا يفهم المقصود اني أعمل دعاية للمنتج او المحل والله لا أعمل ذلك لكن الدال على الخير كفاعله وهذي البجامة palm هي الوحيدة بالعالم اللي مصنوعة من مادة نادرة بالعالم وهي خيوط viscose وكثير أشتري هدايا منها لأصدقاء لي وأقارب وفيه ناس بالمنتدى تراسلني وأشتريها لهم وأرسلها بالشحن والله من وراء القصد .

[فتى احد]

طبعا هذي البجامة مخصصة للناس اللي تتحسس من الصوف

[MZON 01]

السلام عليكم ...

وجدت مطلوبي لدى محل عبدالحميد زينل بالخبر شارع الملك خالد جوار محل الخان هاتف 0096638642364 بيجامة النخلة PALM بسعر 90 ريال بعد الخصم وقبل الخصم 105 ريال ولونها سكري فاتح وماتسوي حساسية ولا حكة والله يوفق ووالله أني لاأسوي دعاية ولا شي بل العكس إفادة إخواني الأعضاء بالمنتدى وأشكر المشرفين جميعا والله من وراء القصد .

=========

جاء وقت البجامة palm ياولد توي استلمتها من المغسلة شغل اوكيه

والسنة هذي لاأعلم عن سعرها كم بيوصل قريبا سأذهب للخبر وأعلمكم بالسعر .


ملبوس العافيه ياخوي لايهمك انه دعايه والا لا .


اهم شي لايدخلك برد

[رقم صفر]

بالنسبة لبجامة الصوف .. لها طريقة خاصة بالغسل، يعني ما ترميها بالغسالة مع سراويلك وفنايلك .. !! يعني لازم تشوف تعليمات الغسيل، إما بخار، وإما غسيل يدوي.. حسب البيانات المسجلة على المنتج ..

[صقرحايل]

عليك وانا اخوك با رومان وبس

[mishary2]

فادوك الشباب يا ولد مخلّف

[فتى احد]

اليوم العصر ذهبت الى محل عبدالحميد زينل بالخبر شارع الملك خالد جوار محل الخان وتم شراء بيجامة palm الانجليزية وكذلك بيجامة قارديان الانجليزية وسعر الحبة الواحدة 115 ريال سعودي وهذه البيجامات مخصصة فقط للناس اللي عندهم حساسية من الصوف .

[الهرم323]

حصلت بجامه اسمها بجامه السيف يمدحونها من الداخل صوف ناعم

ولايؤثر على اللي بهم حساسية وسعرها مناسب 45 ريال

توجد في محلات السيف بحائل سوق الكويتيين

[أبوعبدالله77]

والله موضوع مهم جدا لاني كل سنه اشتري من البجايم الصيني والكوري لبسه أو لبستين وترميها بجرب فنيلة برومان وشكرا للعموم على الفايدة

[الدرب البعيد]

يرفع للفائده
خصوصا هذه الايام

[حلم البحر]

برررررررررررررررررررررررررررررررد
أستفدنامن أستفسارك الله يجزاك خير
وماقصروالاخوان
الله يجزاهم خبر

[- الطيف -]

انا جربت برومان لعيالي حلوه ماعليها بس ما اعتقد تسوي شي بالبرد الشديد اعتقد الصوف تدفي اكثر بشوف لكم بجامة ابوي اصلية يكرفها من 40 سنه وبعلمكم ، بس الحين يفرق عن اول الجودة قلت في كثير من المنتجات .

[صديق اليوم]

عندك بيجامات ويلزي بريطاني ممتازة جدا بس فيها مشكلة الي عندهم حساسية من الصوف ما تصلح لهم

[ابو سند 2003]

السلام عليكم و رحمة الله و بركاته
بيجامة Marks & Spencer القطنية الحرارية thermal و لها تصنيف في قوة العزل من نجمة إلى خمس نجوم

[بن ثعلي]

السلام عليكم ورحمة الله وبركاته....
اخذت اليوم جوله وبحث عن بجامات ويلزي الإنجليزيه (WOLSEY) وأخيرآ وجدتها عند وكيلها العبدالكريم بشارع الثميري نهايته مع الشارع العام أول محل على اليمين وقيمتها (290) ريال ومايوجد إلا لون واحد وهو السكري والمقاسات المتوفره 44 ونازل أما ال 46 مابقى إلا ثنتين أخذت وحده وباقي وحده وهذا رقمهم 01/4113002

واما بجامات أبوخروف (lambtex) الأصليه وارد الفوزان فهي ب 100 ريال...
والسلام مسك الختام...
أبونايف...

[عاجل جداً]

اخواني الكرام: البيجامات انواع منها القطنية ومنها الصوفية ومنها المختلطة المصنعة من مواد بلاستيكية ومواد صوفية او قطنية ، ولا شك ان جودة البيجامات تعتمد على نسبة المادة العازلة فيها والتي غالبا ما تكون من الصوف او القطن ، وبالتالي كلما زادت نسبة احدى هاتين المادتين في صناعة البيجامة كلما كانت جودتها عالية ، وفي السنوات السابقة كانت توجد في الاسواق بيجامات تصل نسبة الصوف فيها الى 80% او اكثر وهي بلا شك دافئة ، الا انه بدأ مؤخرا تسويق بيجامات تصل نسبة المواد البلاستيكية فيها الى 80 % والباقي من الصوف وتباع بالسعر السابق ، والمشتري في الغالب لا يفرق او لا ينتبه لذلك ، لذا فان من يريد الدفء فليختار النوعية الجيدة ، واتذكر انه في العام الماضي كانت تباع انواع من البيجامات في شارع العروبة بالرياض مصنوعة من الداخل من القطن ومن الخارج من الصوف وفي الحقيقة انها جيدة الا انها غالية نسبيا ،،

اخوي وين بالضبط بشارع العروبه انا ساكن بالرياض ابي بجامه عليها الكلام ولا همني سعرها وسلامتك

[عاجل جداً]

السلام عليكم ورحمة الله وبركاته....
اخذ اليوم جوله وبحث عن بجامات ويلزي الإنجليزيه (WOLSEY) وأخيرآ وجدتها عند وكيلها العبدالكريم بشارع الثميري نهايته مع الشارع العام أول محل على اليمين وقيمتها (290) ريال ومايوجد إلا لون واحد وهو السكري والمقاسات المتوفره 44 ونازل أما ال 46 مابقى إلا ثنتين أخذت وحده وباقي وحده وهذا رقمهم 01/4113002

واما بجامات أبوخروف (lambtex) الأصليه وارد الفوزان فهي ب 100 ريال...
والسلام مسك الختام...
أبونايف...

اخوي بن ثعلي كيف البجامه معاااك تنصحني اشتريها والا ابو خروف افضل وهل ماتوجد الا بالثميري فقط
بانتظارك

تحياتي لك

[بن ثعلي]

ما أدري وش أقول يخوي لاكن لو لقيت لون بني غامق كنت راح آخذ مجموعه منها للضلع لاكنها من ناحيت الدفا يعني تو الواحد ماطلع فيها علشان يحكم عليها لاكن الصوف من ملمسه باين عليه انعم واجود ويكفي إنها ١٠٠/١٠٠ صوف طبيعي لاكن أبوخروف (lambtex) ١٠٠/٢٠ فقط صوف والباقي ماده صناعيه...
أبونايف الثعلي....