قـم سـو يـاراع المـعـاميل فنجال

[ابوعلي الشمري]

الشاعر ابوزويد خلف الرخيص السنجاري الشمري في قصيدة فيها من الحكمة والمعرفة والفراسة :

قالـو تـسـيـر قلت مامن فضا بال=وقت علـى المخـلوق مابه وناسة
قـم سـو يـاراع المـعـاميل فنجال=كثـر بـهـار الهـيل يغدي عماسـة
هـذا زمـان مـقـبـل مـنــه انــا ذال=نـاس كـلـت نـاس بخـبـث ونجاسة
قامت بصاع المنكر الناس تـكـتـال=وقامت تباع الجوهـرة بالنحاسـة
واشـوف انــا اسـود خــشـع وذلال=وقـت بـه الـحصنـي يدور فراسـة
راع الجحش يشره على جدع خيال=متـحـيـزم مـابـيـــن درع وطـاسـة
ولباسة الجوخ الحمر وادهم الشال=قـامـت تـغـولـهـم عـيال البساسة
مـايـنـتعـدل حـمـل بـقـعـا لـيا مال=منـيـن مـاعـدلــتـهـا مـا تـواســه
يـالابـس الطـوقـين والخوص وهلال=اللـي علـى المتـنين يـزهـر لباسة
اصـبـر وعنـد الله تصـاريف الاحوال=والقصر مرجاعة على بني ساسة



اخوكم ابوعلي


تنسيق راعي مرات

[بن عباد]

اخوي ابو علي

الله يعطيك العافيه وابيات فعلا تعبر عن بعض الاحوال الله يستر تواليها

اخوك بن عباد

[ابو عمر اللاحم]

صح لسان يا ابو على الشمري ولسان القائل والله يعطيك العافية على هذه البديعه بارك الله فيك

ومشكور على الاختيار الجميل ،،،

تحياتي ،،

[المسفهل]

ياابوعلي الشمري .. كيف تجد هذه الدرر ومن أين تعثر عليها ..

أعجبتني حقيقة وإن كان هذا الشطر يحتاج إلى

مراجعة ( وشـوف انــا اسـود خــشـع وذلال )

[نقا هشال]

ابوعلي

يعطيك العافيه اختيار ممتاز

وصح لسان الشاعرابو زويد

[الفهد]

صح السانك يا الغالى بو على
واللة روعة روعة بارك اللة فيك

[al-nashmi]

مشكور يابو علي على هالقصيده.....

ولو تكرمت نبي قصيده ابو زويد اللي ينصح فيها ولده.... ولذي منها هذا البيت:

الحمره تدرك معيشه عياله....... ولا الرجل يبغى منه بعض الاحوال

وسلامتك .... وسلامت القارئ.....

وتقبل تحياتي

[عاشق الصفاري]

يعطيك العافية يابو علي على القصيدة وصح لسانك

[مخـاوي الليـل]

تسلم اخوي اخوي ابو علي الشمري

[راعي مرات]

أبو علي00الغالي000

تسلم وبارك الله فيك000

لا أستغرب الإبداع00وحسن الأختيار00تعودنا منك الجزالة00

تسلم ويدوم عزك0000000000000

[ابوياسر 11]

أبوعلي مشكوووووووووووور
من الاعماق على تواصلك وبذل وقتك في سبيل
إرضاء القراء بإبداعات متواصله...
-------------------------------
فلك تحياااااااااتي ، وشكري..
محبكم : المجرووح

[معمرها]

......بسم الله الرحمن الرحيم........



السلام عليكم ورحمة الله وبركاته .............


ــــــــ:: يعطيك ألف عافيه وبيض الله وجهك
(((( ابوعلي الشمري )))





شـــكـــراُ