وش رايكم في راس الدافورالبريموس

[الكايف2]

السلام عليكم ورحمة الله وبركاته
حياكم الله جميعا اناعندي مشكله ودي انكم تعلموني وش اسوي
تعرفون راس البريموس الهندي عندي من زمان روس والحمد لله كلها طيبه بس عقب ماقطعها بادحمان من السوق وخلي العالم دورها باللي هوبه ورفع سعرها من 45الي 85والمشكله اللي اناابي حلها ان الروس التاليه مهيب مظبوطه تعبني يزيد وينقص من نفسه ولاادري وش اسوي ومثل ماعوتونا بالحلول والفزعات الله يعافيكم:d

[برنو بيشة]

أخوي أنا عندي نفس المشكله وخصوصاً بعد التعبئه فالله يوفق بالحل الطيب عند النشمى شرولك

[ابو حافظ]

اخوي الكايف يمكن تحصل رأس البريمس عند محل اليابس بسوق الزل بالرياض اوتغير العين ربما العين الموجوده عندك ثقبها وسيع
وبالتوفيق

[الكايف2]

برنوابيشه شرواك الطيب الله يسمع منك
ابوحافظ حياك الله الراس موجود بس المشكله في انه يزود ويقصرمن نفسه مشكورعلي المرور

[أبو إيناس]

برنوابيشه شرواك الطيب الله يسمع منك
ابوحافظ حياك الله الراس موجود بس المشكله في انه يزود ويقصرمن نفسه مشكورعلي المرور
عندي نفس المشكلة في بريمس السويدي أدنى حركه للفرار تزيد ناره بقوه أو تنقص بقوه يبغالك تفر الفرار ويدك مشدوده نصحني أحد الاخوان اوديه لمحل القناص مخرج 14 وديته له قال صاحب المحل السعودي أن كل البريمس السويدي والهندي موجوده فيه نفس المشكله وقال فكيت لي راس ابصلحه وعجزت عنه .

[أبوناصر]

المشكلة من الصمام الي يطول ويقر

إن كان لها قطع غيار أصليه

ولا الله يعينك على جديد هندي بريموس بـ 60

شاريه أمس من سوق الزل

[الكايف2]

ابوناصرحياك الله ومشكورعلي المرور

[شهوان]

أخوي الكايف2 بعد التحية إذا ودك تريح راسك من شغلت الدافور عليك بمحل رحلات يقايله البرية بحي الروابي (شارع الزبير بن العوام )لانهم عندهم وصله للدافور تخليه على كيف كيفك تخلي دافورك يكبر بعينك وتراها بسعر رخيص .
وترى فيه صاحب المحل رجال ونعم يقاله أبوصالح أو شريكة يقاله أبويزيد ونعم الرجال ونعم المشورة مع الامانه.

[الكايف2]

اخوي شهوان حياك الله بس سؤال هل التوصيله تركب بين الدبه والراس والاكيف ومشكورعلي المرور

[هاوي البر]

والله مشكلة انه تقصير النار وتطويلها بادنى لمسه كانت مشكلتي وفكرت ان الراس الي عندي خربان وكنت ناوي اشتري راس ثاني و الحمد لله بعد ما شفت الردود ان المشكلة عامه هونت

[الكايف2]

اخوي هاوي برحياك الله ومشكورعلي المروربس بقول لك شي تراالمشكله في الروس الجديده والا القديمه زينه

[د.كبسه]

أخوي الكايف2 بعد التحية إذا ودك تريح راسك من شغلت الدافور عليك بمحل رحلات يقايله البرية بحي الروابي (شارع الزبير بن العوام )لانهم عندهم وصله للدافور تخليه على كيف كيفك تخلي دافورك يكبر بعينك وتراها بسعر رخيص .
وترى فيه صاحب المحل رجال ونعم يقاله أبوصالح أو شريكة يقاله أبويزيد ونعم الرجال ونعم المشورة مع الامانه.
ماعندي زود على كلام أخوي..................لاتعداه

[الكايف2]

د/كبسه الله يعافيك ومشكور