بشت فروه ضدبرد البر

[ثورة الشك]

ياجماعه الخير ممكن خدمه من اصحاب الخبره

ابغى( بشت فروه )تكون ممتازه عن البرد وين احصلها واسم

المورد لها وعنوانه ان امكن وعن النوعيات المتوفره ومزاياها

[فتى احد]

السلام عليكم ...

عندك بشت الطفال اللي يجي من سوريا ومكتوب عليها المعمار من سوق النعمان إذا ماني غلطان بسوريا وإذا بغيت أفضل فروة عندك الطفال اللي يجي من الموصل بالعراق هي أفضل شىء وقبابها حلو ورايق وألوانها جميلة وتلاقيها عند محلات الجمعان بحائل وفي الدمام بسوق البشوت بسوق الحب والله يوفقك .

[ثورة الشك]

شكرا لك اخي فتى احد


وارجو ان يزودنا احد برقم هاتف الجمعان بحائل


وان تكون هناك مداخلات من الاعضاء والاالمشاهدات 102 واردود واحد فقط

افا ياذا العلم

[فارس طي]

فيه محل المشاري ببرزان بحائل شمال جامع برزان عنده كل أنواع الفرو

والبشوت والجاكيتات الفرو السورية وغيرها الكثير 0 وإن شاء الله أجيب رقم المحل وكذلك محل الجمعان 000

محل المشاري متخصص بهالأنواع 0وكذلك أنواع الدلال والمباخر وغيرها كثير0

[فتى احد]

السلام عليكم ...

مشكور أخي فارس طي فعلا المشاري من أفضل الموردين للفراء السورية لكن ماكنه غالي زيادة لقيت عنده طفال سوري السنة الماضية على 2800 ريال تقريبا يوم شفته كذا رحت للجمعان ولقيت عنده بضاعة جميلة جدا وأشتريت من عنده بحوالي 1600 ريال حتى أن عنده موديلات أول مرة بحياتي أشوفها وجميلة جدا بس ياليت توافينا برقم الجمعان لأنه كان معي رقم جوال الأخ الماسب السوداني أبو صلعة وضاع مع الفورمات للجوال وماقصرت ياغالي .

[ع ى ع 031]

انا لقيته في العيد قبل كم سنه في ساحه العروض الي في مخرج 10

ب 120 ريال على كيف كيفك

[فارس طي]

هذا رقم محلات الجمعان بحائل تلفون ثابت(5310936 /06 )(5326881 /06 )

وأي خدمة أنا مستعد 000 لكم تحياتي؟؟؟

[فتى احد]

هذا رقم محلات الجمعان بحائل تلفون ثابت(5310936 /06 )(5326881 /06 )

وأي خدمة أنا مستعد 000 لكم تحياتي؟؟؟



السلام عليكم ...

مشكور أخوي فارس طي ويعطيك العافية ياعزوتي وجزيت خيرا .

[ثورة الشك]

فارس طي

فتى احد

ع ى ع 31

شكرالمروركم واخص بالشكر الجزيل فارس طي

[ثورة الشك]

بس وين رقم محلات المشاري

[الفيصل2006]

نبي محل قريب في الرياااض
ولا في القصيم
ولكـــــــــم خــــــــالــــــــص شــــــكـــــــــري وتقـــــــــــــــــــديري

[فارس طي]

لاشكر على واجب0وإن شاء الله أضع رقم محلات المشاري بأقرب وقت00

لأن محلهم ببرزان ونادراً ماأذهب لبرزان 0لأنه بوسط البلد (الداون تاون )وبعيد عني شوي وكله من

أجلكم ومكشاتنا الغالي يقرب البعيد 0

لكم تحياتي؟؟؟؟؟؟

[ثورة الشك]

نبي محل قريب في الرياااض
ولا في القصيم
ولكـــــــــم خــــــــالــــــــص شــــــكـــــــــري وتقـــــــــــــــــــديري



القصيم اوحائل او المدينه المنوره

[البّري]

الحين اخوي كل اللي يبيعون البشوت الشتويه تلقى عنده بشت الفروه

هذا هو المختصر المفيد

اما عن النوعيات تكون بديت تدخل بالعميق

فكل نوع له سعره ولا يبيعه اي احد

اخوك البرّي

[الدبل الثقيل]

يااخوان نبغى الفروه اللي سعرها معقول ... تكون للبر تعفرها في رمل وغيره .. يعني تتحمل..

[ثورة الشك]

يااخوان نبغى الفروه اللي سعرها معقول ... تكون للبر تعفرها في رمل وغيره .. يعني تتحمل..


اسلوب رائع هههههههههههههه

[ثورة الشك]

الحين اخوي كل اللي يبيعون البشوت الشتويه تلقى عنده بشت الفروه

هذا هو المختصر المفيد

اما عن النوعيات تكون بديت تدخل بالعميق

فكل نوع له سعره ولا يبيعه اي احد

اخوك البرّي



نسال اهل الخبره وقد تكون هناك نوعيات جيده باسعار معقوله والفائده للجميع واسعدني حظورك

[ثورة الشك]

عليهوووووووووووو

[خالد555]

يسلمووووووووووووووووووووووو

[ثورة الشك]

وينهووووووووووووو

[ثورة الشك]

الظاهر هذا وقتها الفروه وقبل العيد كنت في حايل ورحت للجمعان ولقيت انواع عنده لكن ما شريت من رداه الحظ لاني كنت متجه لبريده قالولي تحصل هناك احسن ومالقيت شي زين ابد بضاعه رديئه في بريده سوق الجرده نصيحه اللي بيشتري فرو لايتعدى حايل هذا رايي وبالله التوفيق

[أبونورة777]

براسك ... مشينا لحايل .. أحد يوصي شي ؟

نروح نشتري ونشوف حايل ونسير على الخالة هناك .. وان شاء الله نجيب لكم الصور اذا اشتريت !!!!!!!!

اللي يبي يوصي شي .. قبل الخميس اذا كتب الله لنا روحة ..

خدامين حبايبنا المكشاتية ...

[الرحال11]

الله يردكم سالمين غانمين وتلقون اللي تبونه وللمعلوميه تراى كل المحلات اللي بذاك الشارع متخصصة بالفرو والبشوت ماهو بس الجمعان وللمعلوميه وتراه غويلي شوي لكن صاحب المحل فيه خير كثير ويستاهل كل خير الله يوفقكم

[( برى بحرى)]

اخى الكريم

يجب ان يكون الخام انجليزى صوف طيب او وبر ( حسب اختيارك )

يجب ان يكون الفرو طفيلى او طفال صغير بالعمر وطيب

ما تكون بها رائحه نهائيا

يكون الفرو طرى ولين

انتبه الى خياط الفرو مع بعض لا يكون مفتوح وامشقق

اخيرا انت تتكلم عن السعر بالكويت من 50 دينار واصعد حسب المواصفات يا الغالى ولا يضحكون عليك

تحياتى

[ثورة الشك]

اخذت فرو سوري ب200ريال لكن الله العالم ماهو على قد مدح البايع له

[ثورة الشك]

الحين جاء وقته الفرو يااهل الشمال الله يعينكم

[الشامي1]

موجود في سوق الزل بالديره (الرياض)

[suleman15000]

إذا كنت من أهل الرياض تلقاها في سوق النسيم.....

[ثورة الشك]

ويش رايكم جا وقها ولا للحين

[برنامج]

أنا أذكر قديما كان فيه مصنع بالقصيم اسمه - على ماأذكر - مصنع ريم
تجيب لهم بشت عادي من الشتويات ويركبون عليه فرو من الداخل حسب اللون والطلب وبأسعار معقولة.
لكن ماأسمع لهم طاري في السنوات الأخيرة ياليت إخواننا في القصيم يتأكدون لنا وإذا ماخانتني الذاكرة إنه كان قريب من معارض السيارات ببريدة

[مدير العمليات]

وإذا ماخانتني الذاكرة إنه كان قريب من معارض السيارات ببريدة

احسنت المعرض اسمه (ريم ) وهو بجوار معارض السيارات ومازال قائم وشغلهم ممتاز يوجد تفصيل وجاهز
واسعارهم معقوله جداً...

[السنع كله]

نصيحة لاتشتري غالي خذ لك اي شيي يدفي واذا انتهت الشتوية ولاه لو هو عدمان ماهو خسارة الغالي يتعبك

[برنامج]

وإذا ماخانتني الذاكرة إنه كان قريب من معارض السيارات ببريدة

احسنت المعرض اسمه (ريم ) وهو بجوار معارض السيارات ومازال قائم وشغلهم ممتاز يوجد تفصيل وجاهز
واسعارهم معقوله جداً...

الله يعطيك العافية
يعني صار المصنع موجود وبنفس الموقع
بارك الله فيك

[عشانا]

عليك بفروة مصنع الريم بالقصيم
السعر 120 ريال وافضل من الطفيلي بالف مرة
عندي طفيلي بس والله ان فروة الريم افضل منها

[عشانا]

منتجات مصنع ريم تجدونها في سوق الجردة وسوق المجلس ببريدة

[الحرف 1]

محل العييري ببريدة بالجردة سوق البشوت عنده كل ماتريد واسعاره معقولة