المساعد الشخصي الرقمي

مشاهدة النسخة كاملة : هل جوال Nokia 6110 يغني عن القارمن؟؟؟ (دعوة للنقاش)


السفير14
07/11/2007, 12:27 AM
السلام عليكم ورحمة الله وبركاتة...

صباح/ مساء الخير على الجميع...

الله لا يهينكم يالرابع انا سؤالي واضح اللي هو

1- هل Nokia 6110 يغني عن القارمن؟؟ ولا لا...
2-وياليت اللي عنده خبره وجرب الــNokia 6110 و القارمن معا ,, يقولنا وش الفرق بينهم ....

3- هل استخدام تحديد المواقع بNokia 6110 مجانا مثل القارمن ولا بفلوس؟؟؟

4- هل الخرائط موجودة في الجهاز ولا لا... وهل الخرائط بالعربي


اتمنى من الجميع اللي يعرف الجهاز واستخدمه يعطينا خبر .. لاني بصراحة ناوي اشتري قارمن , ويوم دريت عن الجهاز قلت ليش ما اخذه وهو ارخص من القارمن اذا كان يعطي نفس المميزات وجوال بنفس الوقت.. وقلت ما لي الا شقردية مكشات....



والسلام عليكم ورحمة الله وبركاته...
SOMAN
07/11/2007, 09:48 AM
ياليت اللي جرب يرد ....... لأني ابشتري جارمن ومــــــــحــــــــتــــــــــــــــــــــار
الرحال الحزين
07/11/2007, 11:57 AM
اخي العزيز السفير 14
هذا كان ردي في مشاركه سابقه ارجو ان تستفيد منها
موضوع مهم جدا
لكن قبل كل شئ استعمالك للجهاز فيه محافظه او استعمال قاسي
اذا استعمالك فيه نظافه ومحافظه ف النوكيا افضل 1000 مره
وذا العكس القارمن للغبار والوسخ افضل
جربت الجهازين النوكيا مع برنامج smartcomgps كانه جارمن
عربي ويرسم اثر وتحدد نقطه وتدخل احداثي بعد
وانصح كل واحد يروح البر بتركيبه
الجارمن 276 شاشته كبير صح بس تعال اذا تركته في السياره مشكله ينسرق وذا شلته معك مشكله كأنه انتر لوك في جيبك وذا تركته في البيت
وانت رايح مع احد بعد مشكله اذا تبي ترجع لنفس المكان لوحدك
مميزات النوكيا
1 خفة وزن
2 برامج كثيره
3 يغنيك عن هاتف
4 يشبك بسرعه رهيبه 6110 فقط
5واهم نقطة الغير موجوده في اكبر جارمن تقدر ترسل موقعك علي اي شخص مسج عنده نفس الهاتف ويجيك على طول
6 خوارط جديده
7 تقدر تستغل فيه برامج كثيره مثل قران تفسير قصص نكت
8 سعره 1700 درهم مع الخرائط
9 اكسسواراته سعرها مقبول جدا
10 خرائطه بالمجان وعربيه ولا تعمل في الصحراء
11 يعمل كالجارمن عن طريق برنامج اخر اسمه smartcomgps
عيوبه
1 النوكيا دائم تغير موديلاتها وبسرعه
2يفضل استعماله بنظافه
3 بعض البرامج تحتاج شهاده تقدر تعملها في اي منتدي مختص
مميزات الجارمن
1 يتحمل كثير
2 بطاريه قويه
3 توجد له خرائط الصحراء
عيوبه
1 حجمه كبير
2 حمله ثقيل
3 سعره غالي
اكسسواراته غاليه ( ذاكره + شاحن + بطاريه + ذاكره
مايشعل اي برامج اخري غير الخوارط ( يعني مايونسك وانت زهقان)
4 على كلام الاخوان العربي فيه مشاكل
السعر في حدود 3000 ريال
مجرد رائ ولا يزعلون اصحاب الجارمن
الطامي
07/11/2007, 01:24 PM
هاتف 61110
اشتريته حسب كلام الربع منه ولما استخدمته لقيته مايصلح الا بالبلد فقط
فيه خرائط مجانيه للمدن فقط
اما البران فلا يصلح نهائيا وهذا من تجاربي الشخصيه
وبعدين رديت على الجارمن عطي الله (( بر ويلد ))
الابرقين
08/11/2007, 12:40 AM
راجع الموضوع يفيدك ان شاء الله تعالي
http://www.mekshat.com/vb/showthread.php?t=105578
السفير14
08/11/2007, 01:12 AM
مشكورين يا شباب على الردود...

ونريد المزيد من المشاركات...

وسؤالي اذا 6110 ما يشتغل في البر ..اجل وش الفايدة منه ؟؟؟ انا ابيه في البر ماهو في البلد


ولكن هل هناك برامج تحمل عليه ليصبح جاهز معك في البر ؟؟ لاني كاني قريت للاخ قصيمي7 انه نزل برنامج للبر..

هل فيه احد جرب البرامج هذي؟؟؟؟
وقيان
08/11/2007, 04:26 AM
من واقع تجربة شخصية مع اجهزت البوكت بي سي..

اقولك خذ لك قارمن 276... سعره ب 1900 ريال من دار موجة وريح راسك...جهاز مصمم للخرائط.. قوي التحمل... بطاريته تدوم... بالعربي جهاز مايخذلك...

اما الاجهزة الثانية لو صابها فايروس ضعت بالبر وماحد درى عنك...

خلوا الخرايط لأهلها... خلوها للقارمن....276c لاتدور غيره...
بارق الخير
08/11/2007, 05:16 AM
والله أنا رأيي من رأي أخوي رمانسي خذ قارمن وريح نفسك بإذن الله (كلن واخصاصة)

بارق الخير


.