صيد بحر الرامس في شهر 10

[نمط]

السلام عليكم

السلام عليكم
التاريخ كم اليوم يا شباب؟
هذا صيد يوم الأربعاء اليوم الصباح في شهر 10 عربي في بحر الرامس في العوامية
إهداء للجميع أمس وقبل أمس حدقنا بنفس البحر وما كتب الله لنا رزق أمس
وهذا صيد اليوم في نفس البحر بس بآخر الرامس , والحمدلله اليوم توافيق , وعذراً لنقص التغطية لأني كنت بوحدي وما صورت كل شيء

هذا الصيد
http://www.up07.com/up6/uploads/77b8099ec4.jpg

وحلاته السيلفري يلمع من بين السمك
http://www.up07.com/up6/uploads/b0ca67d631.jpg

وهذي الحصيلة كاملة بدون الوحر
http://www.up07.com/up6/uploads/544d114b75.jpg
من زاوية ثانية
http://www.up07.com/up6/uploads/2bf2f73258.jpg

الحصيلة مع الوحرة
http://www.up07.com/up6/uploads/721208ba29.jpg

وهذا بحر الرامس الجريح
http://www.up07.com/up6/uploads/a93edc1a25.jpg
الحصيلة :
8 عريضيي
3 مزيزي
2قرقفان
2 وحر
2 جمجام
2 مشوى
ما كان معي الا قطعة خثاق صغيرة , قطعت جمجامة وحدقت بها
وبعدها صدت وحرة صغيرة وقطعتها طعم
وأغلب الصيد كان بالجمجام
والماية كانت قراح في حدود سبعة ونص الصباح
والضرب قوي ولكن بعد نص ساعة وقف النقد
وما عاد في شيء
حداقنا كله كبير تقريباً , خمس سنارات مثبتة وشاكين سمك ميد وجمجام حي وسلك ومجدار ثلاثي , وسنارة لفاح , وسنارة طفاحي , وكنا نستهدف الكنعد خصوصاً والقد والسبيطي بعدهم , ولنا ثلاثة أيام على هالحال وما بين شي لسه , والكعند عادةً اذا تواجد تلقاه يوش في البحر ويبين وللآن ما لقيناه , واليوم ثبت السنارات واخدت لي سنارة صغيرة وجلست أمزمز على لعريضية
ويوم الخميس ( اللي هو بكرى) لنا كلمة مع السيلفري , وراح أستبدل السيم بركة خيط خمسين ونتحيدق سبيطي بإذن الله , لأن السيم ما ينفع للسيلفري
وللي وده يطلع معنا حياه الرحمن

[هوا بحري]

ماشاء الله صيد وتشكيلة حلوه...مشكور أخوي على الصور بس عندي لك سؤال أخوي وين بحر الرامس ممكن توصفه لي وش أقرب شي له ...إذا تسمح طبعاً.

{{{تحــياتي}}}

[نمط]

هلا بك أخي

بحر الرامس يكون في (قرية العوامية) , في منطقة صفوى

الشرقية - القطيف - العوامية

وانت جاي من الجبيل تكون بعد رحيمة وبعد صفوى

وانت جاي من الظهران أو الخبر تكون بعد الدمام سيهات وبعد سيهات القطيف وبعد القطيف العوامية

[waleed_458]

مشاء الله تبارك الله
صيد طيب بالعافية

[barracuda]

ما شاء الله صيد احلى من الحلاوه

ويعطيك العافيه على الصور

http://www.mekshat.com/pix/upload/sign/images/mk58338.gif

[بوداحم]

ما شاء الله تبارك الله

عليك بألف عافيه

تحياتي

[باترول 82]

ماشاء الله تبارك الله صيد موفق الله يعطيك العافيه

[شعور]

ماشالله صيد طيب ولو فيه معاه الكنعد ولعقام كمان اطيب


اعتقد الكنعد ممكن ينصاد بطريقة العايم(بالطفاحه) ... اذا كان ابو شراع طول مترين يصيدوه بالعايم من السيف



ولو تشخط جريره برضو جيد للكنعد والعقام



وبالتوفيق

[hacker]

وعليكم السلام

ماشاء الله أخي صيد حلو

تصدق أني فريت المنطقة {القطيف على العوامية على المنطقة كاملة تقريبا}

مانصيد زين فنغير المنطقة ولا نرجع

وحاليا مانروح إلا الدمام عند الفن تايم {مطعم ليالينا}

طبعا أنا من صفوى وإذا ممكن توصف لي المنطقة من الكرنيش إلي صدت فيها



وللي وده يطلع معنا حياه الرحمن


إذا مافي إشكالية نطلع معاكم بس حدد لي الأيام والأوقات إلي تطلعو فيها يمكن نقدرنروح معاكم ونسوي زحمة {إنشاء الله ما يطردونا ربعك}

بس عطني رقم جوالك وإنشاء الله أتصل عليك {لو ما إتصلة فالوقت غير مناسب}

تحياتي

hacker

[busalman]

صيد حلو ماشاءالله

[المحتسب]

تسلم أخوي على الصيد وعساك دوم على القوه وعقبال الكنعد

[سمك سماك]

ماشاءالله تبارك الله
وصيد طيب وبالف عافية;) ;) ;)

[gulfhunter]

السلام عليكم ورحمة الله وبركاته

حياك الله أخوي نمط

ماشاء الله خوش صيد وتشكيله حلوه تستاهلووووووووووووون

عليكم بالعافيه والله يوفقكم ان شاء الله

[( برى بحرى)]

ما شاء الله

صيد لونه سلفر احبه واحترمه

عليكم بالعافيه

[صياد متهور]

ماشاء الله تبارك صيد العوافي.....

[احمدوعبود]

البحر مايحلى الا بجلاسه والصحبة الطيبة لاكن وين تقع الرامس يابطل

[صياد القطيف]

ياهلا والله
اخوي مكشور على هل الموضوع الحلو
وصيد حلو بصراحه
لاكن انا خلاص القطيف مافيها سمك ابدا
الى مكان واحد حي الشاطئ يعني المحدود اهناك شي عجيب كانك قاعد في الجبيل تقول
وعندك دارين صيد حلوووو
مافي مكان غير هل المحلتين في القطيف كلها
انا الجبيل كل مكان فيه صيد وبدات في المردومه عند المنصات
والف شكر على الموضوع
ونبي نشوف صيد احلى واحلى

[Napoleon fish]

صيد جميل, بالهناء والشفاء