يأخوان طالب استشاره (طالبكم حل وترى مانستخف براي )

[الفوار2008]

انا لي حاجه بالطير وعسا الله لا يحرمني وياكم نقلة الطير ابد ولا يقطعني وانتم معي منها
ياجماعة الخير مو كل وقتي لي والله جلا وعلى ورسوله صلى الله عليه وسلم وصونا بأهلنا وبرحومنا والطير الواقع قاطعني ومتعبني من هاذي النقطه اغلب اقاربي برا الزلفي واهلي يبون الطلعات والسفريات ونا الواقع مدري من وين ابدى مثلا انا ربعي كلهم مالهم بالطير ولا يبخصونه والظاهر لو حصل لي ظرف او شي كترقيد مثلا بالمستشفى لا قدر الله والله يبعدني وياكم عن كل شر انا ما عندي احد يعلف طيوري والعيال محد منهم راضي يتعلم كيف يعلف الطير واموري كلها يبيلها ترتيب


عطوني الحل طالبكم بدون احراج

[winchester]

أكيـد فيـه صقـارقير عندكم بالمنطقه من معـارفك أو مكان لصقـاره تحط الطير عندهم هذا أفضل حل سراحه صعبـه أذا كان بتترك الطير عند أحد ماعنده معرفـه بالصقـاره ويجـب أن تعلم أولادك بالاسـاسيـات حتى علشـان (لاسمح الله) أذا جـاء عندك ظرف طـاري بيكون ذاك الوقـت لامجـال لطير فيـه وعسى الله يعيننا على طـاعتـه



دمـت بود

[القرناس المهاجر]

ياخوي .. أولاً .. الشي هوايه والهوايه لاراد الله تنجح :good:
ثانياً .. ترى حنا ياربعك .. ماكل واحد فينا عنده قريب يعرف علوم الطيور والصقاره

ثالثا .. تفائلوا بالخير تجدوه .. وأنت ونا اخوك تفائل بالخير.. وانظر للأمام .. وخل في بالك الأمور الزينه .. حب البر والوناسه .. وسعة الصدر .. ( ومن توكل على الله فهو حسبه ) .. ودرب أبنائك على علوم الطيور والصقاره .. لتكون قدوه لخير خلف .. ولاتلتفت لظروف الزمان ومنغصاته :no2: .. فإنك حينئذٍ توقف عجلة الحـياة :)

والله إني ماأرتاح في الطلعات والرحلآت الأسريه إلا والطير معي :D ماأتركه في البيت إلا إنكان باترك واحدٍ من عيالي :D


اخوك .. القرناس المهاجر

[قلب ذيب]

الله يحييك
نقلة الطير هوايه يمارسها محبيها , والتعامل مع الطير بالعنايه والاهتمام امر مطلوب من الصقار وحول تسائلك
حول التصرف مع الطير , كل صقار عنده ظروف والتزامات عائليه ومهام عمليه وعلاقات عامه , وبقدر مايوفق الصقار بين تلك الامور بقدر مايكون نجاحه وتقدمه وتحقيقه لاهدافه 0
الطير ممكن ان تأخذه معك في خروجك مع العائله وممكن ان تبقيه عند أحد اصدقائك , وممكن ان تتركه عند اماكن خاصه تعتني بالطير , انا شخصيا اترك طيوري عند محلات مدينة الاحساء عند ذهابي الى الامارات , واذا كانت ظروف حياتك لاتترك لك مجال لنقل الطير فتركه افضل لك !!

[al mohajr]

لازم تعلم عيالك وتعالهم بالحيلة

حتى لو تدفع لهم دراهم لين يحبون الشغلة

اما انك تقول ما هو راضين

ومن قادر تفرض رايك عليهم وهم عيالك

كيف قدرت تطوع الطير ..... ولا تزعل مني اخوي

لكن عيالك يمكن انت مو معودهم وهم صغار

حاول من جديد وخل عندك امل ............


والله يبعد عنك وعن كل مسلم كل مكروه ...

[عابر القارات 2000]

ياخوي الزلفي واجد الصقارين فيه ومايقصرون فيك وفي طيرك ابشر بعزكاما عن نفسي انا طول الله عمرك الشغل اخذن كل وقتي بس الطير عند رياجيل شرواك وشرا اهل المنتدى واذا لقيت لي فرصه يوم يومين اخذته

[جارح العين]

الله يكون بعونك
لاكن في استراحات الو محلات قرنسه تقدر تحط طيرك عندهم اذا كان عندكم
الله اعلم

[الفوار2008]

بسم الله الرحمن الرحيم


مشكورين اخواني على ردودكم وحلولكم الطيبه واللي تنم عن صدق اخوة هذا المنتدى المميز والذي والله مارأيت فيه الا كل خير وفائده


اولا احب اشكر اخواني على ردودهم وايضا ارد على بعض النقاط التاليه


اخوي winchester.
مشكور وماقصرت


القرناس المهاجر
صح لسانك اخوي وعداك العيب


قلب ذيب
عز الله انك امتعتني بردك يالغالي


اخوي المهاجر
شكرا على ردك المتواضع واحب اضيف ان العيال امرهم هين لكن اعمارهم ماتسمح انهم ينقلون طيور او حتى يعلفون والعيال اللي اقصدهم بالسؤال هم ربعي ودمت لي مستشار


اخوي عابر القارات 2000
مشكور اخوي والزلفي ونت عارف مليانه صقاقير مثلك وشرواك لكن ان جبت لي واحدمنهم مايشتكي معابل الطير انا بطلب منه ان اضطريت احط طيري عنده


اخوي جارح العين
تسلم يالغالي على ردك وصدقني لو الأستراحات او المحلات هاذي موجوده ماكان صار فيه اي مشكله وحنا مستعدين نحط طيورنا لو يكون اليوم بمية ريال


ودمتم لهذا المنتدى افضل الأعضاء

[سنجااار]

مانت بديرك ولا والله ابشر بعزك اي وقت جاك شغل حطه وتوكل على الله
تقبل مرووي
سنجار

[بو هاشم]

الله يعينك انشاء الله
وانا في رايي ان كلام اخي القرناس المهاجر هو الراي المناسب لك اذا ماعندك اولد كبار يقدرون ينقلون الطير عنك ولا يهونون الربع لونك صوب الشرقيه ابشر بعزك