مشكلة ياجماعة الخير : للي لهم في الحنيذ والمندي

[النمر الكسلان]

السلام عليكم ورحمة الله وبركاته

بالمختصر المفيد يارجال انا سويت حنيذ ولا قد سويته في حياتي ابد .....

المهم تبدى القصة ان سويت جرية وقلت للعيال ياعيال اليوم عشاكم تيس مدفون المهم ...

مشى كل شي تمام الا شي واحد انه الجمر طفى واللحم صار نص استوا مع اني خليت اللحم مدفون حق ساعتين

وربع تقريبا ......... المشكلة اننا في طلعة وبالعيد وتالي الليل والدنيا برد بالطايف يعني لو دروا الجماعة لعنو

خيري بس الحمدلله لحقت على جمر قرض في محل شيشة وكملت الطريقة من جديد واستوا اللحم .....

الحين ابي اعرف وش المشكلة بالضبط مع اني حطيت اللحم على قصطيرة مخزقة فوق الجمر على طول

هل موية اللحم هي اللي طفت الجمر ؟ ولا عشان القصطير ملزق بالجمر ؟ في المرة الثانية يوم رديت احط اللحم

على القرض شلت بساط القصطيرة وخليتها بدون خزق مع ذلك طفى الجمر لكن استوى اللحم الحمدلله وكانت

المرة الثانية اننا خلينا اللحم حق ساعة ونص ..... لكن اللي لاحظته ان اللحم استوى بفعل الجمر اللي حطيناه فوق القدر يعني الجمر اللي تحت طفى ونام من ساعة ماقلبنا القدر ....

الحين وش السوااة ؟ ابغى اعيد التجربة

[النمر الكسلان]

صوووووووووبحان الله كم واربعين مشاهدة ولا واحد رد .........

وين اللي مكشاته وصور طبخ وشغل شقردية ؟!؟!

أثر الدعوة خرط × خرط !!!!! لا اله الا انت سبحانك اني كنت من الظالمين ........ يالله حسن الختام

[tarad]

الله يصلحك

[moonset]

ما شاء الله عليك صراحه مدري وشلون يسووونه بس شكلك سويته مضبوط

[مدرب الطير]

اسمع الصراحه ما اعرف اسوي مدفون
لكن اسمع (((خلني اتفلسف عليك شوي)))
ياخي ليش اللعوزه عن الرو منسي مدفون يقلب الراس

[النمر الكسلان]

saaaaaaaaanque

[عاشق السيل]

وعليكم السلام ورحمة الله وبركاته ،

أولا أخوي المفروض ماتتسرع بحكمك على الشباب اللي قرأوا موضوعك وماكتبوا شي هذا لأنهم لايملكون الإجابة !!
ثانيا ماأدري وش طريقة المدفون بالضبط ،، لكن إذا كنت تسأل عن القصدير أبشر أنا أجاوبك بناء على خبرتي الطويلة مع القصدير :
بعد ماتلف اللحم مع الخضار والملح والبهارات داخل القصدير احرص كل الحرص على عدم ترك أي فتحة ممكن يخرج منها البخار وبكذا ماتروح النكهة المطلوبة ،،
وبعدين إذا شبيت الجمر قم بتوزيعه على مقاس القصديرة وبشكب متساوي وحط فوق الجمر كرسي من الحديد ( مركاب ) وخله قريب من الجمر يعني تقريبا خمسة سم ثم حط القصديرة على المركاب وحط فوق القصدير جمر بكمية قليلة ومتوزعة على القصدير بالتساوي وخلها ساعة ونص وبدون أي تقليب وبعدها شل القصديرة وشف النتيجة ،،،

تقبل مروري وأتمنى أكون أفدتك يالغالي ....




.

[نيمس]

الخطا انك استخدمت فحم ولم تستخدم حطب والسبب يعود لكون الحطب يصبر اكثر من الفحم
جرب مرة ثانية ورد علي

[دايم البر]

زين انك تصرفت ودبرت عمرك وعشيت اخوياك..
اما الخطا اللي عندك اما ان النار يعني الجمر قليل جدأ..
او السبب اللي دايم يخطون فيه الناس هو عدم كتم اللحم مضبوط
لونسم شي بسيط والجمر ماهو واجد مايستوي اللحم.
ان شاء الله افتدك..
جرب مرة ثانية واخبرناء..

[السفيرنواف]

ياخوي
اولا: لا تشب الجمر لأنه ما ينفع ابد
عليك بحط سمر ودعه لما يقارب الساعتين يشب لحاله في الحفرة
وبعدين أبسطه يعني وزعه في الحفرة بالتساوي
حط اللحم مباشرة ولو في مرخ يكون أفضل
واكتمه
ودعه ساعة ونصف بالكثير وطلعه بتدعيلي
إذا حطيت المرخ أو البشام يكون حنيذ بدونها يكون مندى

[Abu Saad]

اللحم لازم يكون هرفي صغير والا تويس.
غير كذا ماراح يستوي على حسن سيرة.