مشكلتي مع الطير (وابي الحل)؟؟؟؟؟؟؟؟؟

[فتى باريس نجد]

السلام عليكم ورحمة الله وبركاتة

مشكلتي مع الطير :
شريت طير مجهول حر عمرة ثالث او رابع راعية الاول يقول اني مادعيتة ابد المهم شريتة وتوكلت على الله وجوعتة يومين وطلعت ابي ادعية مايجي على الملواح علمن اني ادعية على بعد 5 امتار او اكثر اشوي واجي ابرقعة واجيب طيري الثاني وادعية واعشية واعشي المجهول معطية حمامة كاملة والله ما اكل الى شي بسيط مرة مرة وتركة رجعة من المهد ودق علي واحدمن الشباب ينشدن عنة وقلتلة كل اللي صار قالي كزة مع افلان يجيبة لمي بالرياض اودية للمستشفى وفعلن وداة للمستشفى وقالو فية ديدان وعطوة احبوب زرق قالولة عطة اياة قبل الاكل بنص ساعة امس عطيتة وحدة وبعد ربع ساعة روبج وانتم كرامة واجي يوم تمة النص الساعة اذبحلة حمامة وياكل امنة شي بسيط ويتركة وباقي حبة اليوم ابي اعطية اياه

هل صح الشنذرة او المفروض انة مايروبج ؟

وشلون ادربة من الصفر ؟
اللي يغثن اعشية بالاستراحة برى يجن الحمام من جنبنا مايطلبهن او يناضرهن:confused:

[فتى باريس نجد]

لا تبخلووووووووووووووووووون علينى


ومنكم نستفيد

[كحيلان 2006]

اخي فتي باريس نجد
هل الطير وحش اي خلوي او الطير متنكر توه طالع من المربط وهذي تصير دائما في الطيور

[taag1]

ارجع اخي فتى باريس اكشف عليه كشف كامل ودربه الطير من جديد ودهله وامسح عليه وادعه بسبب لأن الطير مجهول وكانه وحش ,,,, وان شاء الله تشوف النتيجه.....

[تالي الاولين*]

.


الله يطرح لك البركه

اول شي عالجه من الدود الى فيه

واقصر عنه العلف شوي وخل علفه الوقت هذا على يدك

ونقزه من الوكر للدس ومد السبب كل مره ازود شوي

بس كان الطير صنيع لازم تنزله شوي


.

[شبراق]

هلا بخوي يالله حيه

شف ونا اخوك اول شي الشناذر وهو ضعيف او بزوحنه علف او فيه روباجه ما ينفع اذا بغيت اتشنذره لايصير عالف ومروبج وخالص
بعدين داهله على ايدك وخله يعلف على ايدك وذا ماجاء اليوم نقزه وبعده انشاءالله يجي على طول وبعدين لاتعشية وحولك حمام حي خله مايشوف الى انت والعلف الي بيدك فقط وشوي شوي انشاالله يجي على طول بس طول بالك عليه وذا تبي فزعه ابشرك بسعدك

[فتى باريس نجد]

اشكركم من كل قلبي على الردود والنصايح
مع تحيات ابوعبدالله