فكره يمنيه خرااااااااااافيه منت خسران ادخل

[شويحط]

السلام عليكم ورحمة الله وبركاته

وش حلكم يرجال
ابي اخش في الموضوع على طول
امس كنت جالس في ورشتنا مع عامل يماني شايب
المهم اسولف معه عن اليمن وقريتهم هناك وحالتهم
ان الكهرب ما في في قريتم وسالته في مواطير قال لا
البانزين غالي هو والديزل
مالكم في طويله
الزبده انوابو يمن حلها وخلا الكهرب في بيتهم شغال
شلون هنا الزبببببببببببببببببببده
اشترا من محل في الدمام خلايا شمسيه حجمها مترين في نص متر
وخذا بطاريه زي حقت اللواري الي تعبا ماء واسيد
ويقول انه لها سنه شغاله زي الحلاوه يشغل اكثر من 20 لمبه
والتلفزيون وفاله في قريته
المهم دورتها في راسي وقلت ليش ما ياخذ الواحد زي الي خذا ويحطا في مخيم لا ماطور ولا ازعاج ولا خرب خبط
اعطويني رايكم

[سنبل]

وعليكم السلام ورحمة الله وبركاته
هلا بأخوي.... شويط
فكرة الخلايا الشمسية موجودة من زمان
اعرف بيت مركبينه من قبل عشرين سنة من دون مبالغة
بس على ما اعتقد قلة استخدامه يرجع لإرتفاع اسعاره..
تحياتي

[عاشق السيل]

وعليكم السلام ورحمة الله وبركاته ،،

والله ياهي فكرة رهيبة !!

بس كم توقع سعر الخلايا الشمسية ؟؟!!

وأتوقع إنها غالية وإلا كان كل هالمخيمات طايحين فيها ،،،،

وتقبل مروري يالغالي ...



.

[شويحط]

حي الله الشباب والله يا اخوان حسب كلامي مع الياماني ماهي بغاليه لو غاليه كان مشراها هو

المهم انا ابي اكلمه بكره وابيه يوصفلي المحل وابي اروح واسأل وانزل موضوع فيه كامل من السعر والحجم

[المعتبر]

بارك الله فيك أخي شويحط نحن بانتارك واحتسب الأجر على الله

[البّري]

فكره حلووووووه اخوي شويحط

فعلا قبل خمس سنوات طلعنا لتيما للصيد لقينا واحد من الربع عنده مزرعة وفيها بيت صغير وحاط مع الماطور خلايا لأوقات الزنقات

تسلم اخوي على العرض

اخوك البرّي

[Magellan]

الظاهر إن الشرايح غالية موت
أضف إليها : إن تخزين الطاقة أقل .....
يعني يمكن تشغل 3 ساعات فقط

[رقبة حاشي]

انا شايفها في محل بالغرابي يبيع بطاريات وكذلك شرائح شمسيه وشابكها للزبائن ويوريهم كيف تشحن البطاريه من الطاقة الشمسيه ومشغل مكيف صحراوي عليها ...... الكلام هذا من حوالي 6 سنوات ........

ولكم التحيه ........

[moonset]

أصبر خل واحد من أهل المخيمات يحطها وتشوف الخلق كلهم وراه عندنا إذا فتح واحد بقاله كل خلق الله وراه وراه وبالنسبه للخلايا الشمسيه على حد علمي أنها غاليه جداً ومكلفه لا كن كم سعرها يفيدوننا الشباب

[عطارد]

السلام عليكم ورحمة الله وبركاته

بالنسبة للشرائح الشمسية فيوجد منها نوعين ياباني واسترالي وكلهم عليهم ضمان عشرين سنه واسعارهم حسب المقاس واعتقد تجي تقريباً مقاسين او ثلاثه واذكر ان مقاس 80*40 سم سعرها 950 ريال وتحتاج معها جهاز تنضيم شحن الكهرباء للبطاريه وسعره 280 ريال والبطاريات تقدر تحط العدد اللي تجتاجه

[سندهم]

معلومة حلوة

والله يجزاك خير يــ :شويحط

[عقريص]

الله يجزاك خير

[NissaN 1990]

يا أخوان هذي الشرايح ممتازه وعمليه أكثر من المواطير وهي موجوده عندنا حاطينها عند الحلال للرعيان وحنا ما خذين أصغر حجم وسعرها 1250 ريال وعليها ضمان 15 سنه وخربت علينا أول سنه ورجعناها لهم وقالوا نبي نصلحها وإذا ما صلحت نعوضكم وفعلاً عوضونا بوحده جديده ونشغل عليها ثلاث لمبات وشاحن جوال وإذا أنقطعت الشمس تشغتل لمدة ثلاث أيام مع الغيوم وهي تشحن بطاريه زي حقت اللواري السيارات الكبيره وأنت تمد الكهرب من البطاريه بدون محول ولا خرابيط واللمبات حقتها خاصه والبطاريه بعد خاصه لها وأفتكينا من الديزل والبنزين والميكانيكيه حقين المواطير ومكانها بالغرابي ولها أحجام كبيره ومختلفه واللي عنده مخيم لا تفوته وأي أستفسار أنا حاضر والأن لها عندنا أكثر من 4 سنوات ولا تحتاج صيانه عرضها الشمس وهذا عز الطلب بالنسبه لها

[برق بن رعد]

حي الله الشباب والله يا اخوان حسب كلامي مع الياماني ماهي بغاليه لو غاليه كان مشراها هو

المهم انا ابي اكلمه بكره وابيه يوصفلي المحل وابي اروح واسأل وانزل موضوع فيه كامل من السعر والحجم


اخوي شويحط لا تتأخر علينا
والله يعطيك العافية

[برق بن رعد]

يا أخوان هذي الشرايح ممتازه وعمليه أكثر من المواطير وهي موجوده عندنا حاطينها عند الحلال للرعيان وحنا ما خذين أصغر حجم وسعرها 1250 ريال وعليها ضمان 15 سنه وخربت علينا أول سنه ورجعناها لهم وقالوا نبي نصلحها وإذا ما صلحت نعوضكم وفعلاً عوضونا بوحده جديده ونشغل عليها ثلاث لمبات وشاحن جوال وإذا أنقطعت الشمس تشغتل لمدة ثلاث أيام مع الغيوم وهي تشحن بطاريه زي حقت اللواري السيارات الكبيره وأنت تمد الكهرب من البطاريه بدون محول ولا خرابيط واللمبات حقتها خاصه والبطاريه بعد خاصه لها وأفتكينا من الديزل والبنزين والميكانيكيه حقين المواطير ومكانها بالغرابي ولها أحجام كبيره ومختلفه واللي عنده مخيم لا تفوته وأي أستفسار أنا حاضر والأن لها عندنا أكثر من 4 سنوات ولا تحتاج صيانه عرضها الشمس وهذا عز الطلب بالنسبه لها


اخوي نيسان وين مكان المحل بالضبط في الغرابي

الله يجزاك خير

[abaan]

بارك اللة فيكم موضوع استفاد منة الجميع

[NissaN 1990]

أبسأل الوالد عن الموقع الليله وبرد لكم خبر إنشاء الله اليوم لأنه هو اللي يدل مكانهم زين

[السارحي]

يعطيكم العافيه اخوي شويحط واخوي نيسان

لاتطولون علينا لاهنتو

[NissaN 1990]

يا أخوان الوالد يقول موقعها طبعاً بالرياض بالغرابي شارع الملك عبدالله حق الكهرباء بجوار العيسائي
أتمنى أن الوصف واضح طبعاً أنا ما أدل بالرياض زين بس هو يقول الوصف واضح للي يعرفون بالرياض زين

وأي أستفسار أنا حاضر وأي سؤال عن الأستخدام أو كيفيته ولو أعرف نزلت عنها موضوع كامل مصور وطريقة تشغيلها

[ذيب وراط]

شويحط : الصراحه الفكرة قديمة لكن ما أحد يدري عنها ...

والوالد مستعملها قبل أكثر من (( 15 سنة )) ...

لكن زي ما قلت ما احد يدري عنها ...

ومشكوووور ...

[ربقان]

زي الحركه هذي بالضبط مع مصري في مزرعته بالدمام نفس الحركه خلايا وبطاريه كبيره..

[northstar46]

عندي وحدة مشتريها من مزاد للهاتف صناعة انجليزية Bp ب 1200ريال لها سبع سنين شغالة مع ان فيها كسر لكن المشكلة بالبطاريات لازم تحط بطاريتين كبار 170امبير توصلهن على التوازي وتاخذ منهن سلك للمحول 12-220فولت للتلفزيزن وغيره اما اللمبات احسن شي تستعمل لمبات 12 فولت تشبكها على البطارية مباشر وتراها تشحن حتى لو النور ضعيف مثل ايام الغيم

[aiwaaiwa]

مم ممكن شباب تشروح بتفصيل الطريقة مدعومة بصورة اذا ممكن وشكرا

[NissaN 1990]

يا الربع علموني كيف أنزل الصور من الجوال للكمبيوتر وأنا راح أصورها يوم الخميس أو بالكثير يوم الجمعه بالليل إنشاء الله وأنزل عنها شرح كامل مع الصور وطريقة تشغيلها وكل شي يتعلق فيها حتى لمباتها الخاصه حتى طريقة شحن الجوال فيها لأنهم يقولون لازم تشتري محول خاص للجوال سعره 150 ريال وأنا سويت طريقه ما كلفتني 20 ريال وعمليه أكثر من المحول..
بس وش المطلوب للكمبيوتر كيف أحولها.وش الوصله أو الجهاز اللي يكون عندي

[ولد الهوى]

شكرا لك يا شويحط
فكرة جيدة
بس لو تستزيد من هاليماني ببعض المعلومات
مثل طريقة التشبيك بالاسلاك وحجم البطارية بالامبير
عموما موضوع جدا جدا حلو وجديد

[وقيان]

يا أخوان هذي الشرايح ممتازه وعمليه أكثر من المواطير وهي موجوده عندنا حاطينها عند الحلال للرعيان وحنا ما خذين أصغر حجم وسعرها 1250 ريال وعليها ضمان 15 سنه وخربت علينا أول سنه ورجعناها لهم وقالوا نبي نصلحها وإذا ما صلحت نعوضكم وفعلاً عوضونا بوحده جديده ونشغل عليها ثلاث لمبات وشاحن جوال وإذا أنقطعت الشمس تشغتل لمدة ثلاث أيام مع الغيوم وهي تشحن بطاريه زي حقت اللواري السيارات الكبيره وأنت تمد الكهرب من البطاريه بدون محول ولا خرابيط واللمبات حقتها خاصه والبطاريه بعد خاصه لها وأفتكينا من الديزل والبنزين والميكانيكيه حقين المواطير ومكانها بالغرابي ولها أحجام كبيره ومختلفه واللي عنده مخيم لا تفوته وأي أستفسار أنا حاضر والأن لها عندنا أكثر من 4 سنوات ولا تحتاج صيانه عرضها الشمس وهذا عز الطلب بالنسبه لها



الغالي نيسان....
بالنسبة للصور.. رح يم اي محل كمبيوتر وهو ينزلك الصور في سي دي.. ماتاخذ دقايق.....

وحنا بانتظا الصور منك ومن صاحب الموضوع شويحط... نبي العلم الوكاد يا الربع....

[taag1]

الله يعطيكم العافيه جميع .....
اخوي نيسان ارسل الصور بلوتوث لجهازك الكمبيوتر وبعدها رح للمستندات وبتلقاها ثم حملها من موقع مكشات ونزلها بالموضوع كاضافة رد ....

[قمة الثلبوت]

يا الربع علموني كيف أنزل الصور من الجوال للكمبيوتر وأنا راح أصورها يوم الخميس أو بالكثير يوم الجمعه بالليل إنشاء الله وأنزل عنها شرح كامل مع الصور وطريقة تشغيلها وكل شي يتعلق فيها حتى لمباتها الخاصه حتى طريقة شحن الجوال فيها لأنهم يقولون لازم تشتري محول خاص للجوال سعره 150 ريال وأنا سويت طريقه ما كلفتني 20 ريال وعمليه أكثر من المحول..
بس وش المطلوب للكمبيوتر كيف أحولها.وش الوصله أو الجهاز اللي يكون عندي


فيه طريقتين وحده عن طريق البلوتوث اوكثر الأجهزه المحموله مزوده فيه من المصنع
واذا ماهو مووجود بالجهاز اشتره من اقرب محل كمبيوترات قول له عطني بلوتوث كمبيوتر
وهي تشيه الفلاش تشبكها مع مخرج USB او قول له يعطيك قاري كروت وهو بعد يشبه الفلاش ممري تحصل في جنبه مدخل لذاكرة الجوال تركب ذاكرة الجوال فيه وتشبك القاري بالكمبيوتر وتروح لجهاز الكمبيوتر وتدخل عليه ويعطيك قرص مكتوب عنده قرص G تظغط عليه ويدخلك على ذاكرة الجوال
صوره لقاري الكروت سعره 30 ريال
http://www.s7bqatar.net/uploader/folder1/QATAR_N4GBTXF9Ax.jpg


اهم شي تنزل لنا صور الطاقه الشمسيه

[NissaN 1990]

جزاكم الله خير كلكم على التوضيح وأنتضروني إنشاء الله يوم الخميس أو الجمعه بس في أي خيمه أحط الموضوع والأسم اللي أختاره للموضوع

[الصمصامه]

مدري اذا كان العنوان له علاقة بالاخ باليماني اللي يبيع الالواح الشمسيه في الطرف الغربي من شارع الريل. لكن لعلم الاخوان السعوديه تعتبر من الدول الرائده في موضوع الطاقة الشمسية،والقريه الشمسيه موجوده حو ل العيينه، رواد الطرقات الطويله (مثل اهل مكشات)، يشوفون الالواح تشغل اريلات البث اللاسلكي بجميع انواعها كما يلاحظ استخدامها المبسط في المصليات على الطرقات، لكن المشكلة عمالة السوس اللي ما خلت شيء في بنية هالبلد الا عبثت به (بعدد تشديد نقاط التفتيش اكتشف دورهم في سرقة الالواح،حتى من المصليات، بهدف الكسب السريع، بالنسبة للسعر رحت للاخ اليماني (البايع وليس صاحب الفكره!) وكنت افكر بتشغيل اجهزة وليس فقط نجفات فبعد حسبه وصل المبلغ الى حول 5000 ريال لوحين صغار بطارية (عاديه) ومحول كهرب وكم نجفه لمبه ابيض 12 فولت، ومع علمي بانها افضل من الناحيه البيئيه (صوت وزيوت وتغذيه مستمره بالوقود) الا انني قررت استمر على السرج (حيث رائحة القاز المرتبطه بمشاعر المكان ) وذلك حينما تكون الجلسه رجالية ونشغل الماطور فقط عند تواجد العوائل ، ومن مزايا السراج انه لا يجذب كل من هب ودب خصوصا ان اختيار الموقع كان من اهدافه الابتعاد عن الازعاج ما امكن وخبركم اهل الحلال محلاتهم احيانا تصير من فروع حديقة الحيوان.

[وقيان]

جزاكم الله خير كلكم على التوضيح وأنتضروني إنشاء الله يوم الخميس أو الجمعه بس في أي خيمه أحط الموضوع والأسم اللي أختاره للموضوع


حطه في نفس القسم هذا... خيمة عدد وادوات الرحلات...و اختار الموضوع اللي يعجبك...

بانتظارك يا الغـــالي... بس اهم شي صوور كل شي.. الصغير و الكبير...وقول لصاحب محل الكمبيوتر ابي الصور مساحتها اقل من 100 كيلو بايت.. عشان بنزلها في منتدى....

[راعي المدينه]

مشكور اخوي ولاكن الخلايا الشمسية غالية وهذي تستخدم في منزال مثل اللي في الهيئه الملكية اللي في ينبع ولاكن انا عندي سؤال 2.5وش يشيلها
للبر وطرقة التركيب صعبة ماهي حقة بر

[قمة الثلبوت]

حطه في نفس القسم هذا... خيمة عدد وادوات الرحلات...و اختار الموضوع اللي يعجبك...





بانتظارك يا الغـــالي... بس اهم شي صوور كل شي.. الصغير و الكبير...وقول لصاحب محل الكمبيوتر ابي الصور مساحتها اقل من 100 كيلو بايت.. عشان بنزلها في منتدى....


برنامج يصغر الصوره مع الحفاظ على جودتها والكتابه عليها مع الشرح بصور وهو مجاني
افضل مقاس بنظري هو 400 الي 500 اعتقد الموقع يلزمك بتسجل ,, اول ماتسجل يفعلون عظويتك
مباشره بدون مايرسلون عليك رابط التفعيل انا نسيت اسم عضويتي ورقمها السري والا كان اختصرة عليكم الطريق ,,,,,,
رابط البرنامج http://taifibtesama.com/vb/showthread.php?t=127

[NissaN 1990]

ياراعي المدينه هي أحجام وأشكال واللي عندنا يمكن طولها 60 سم وعرضها 60 سم وسمكها ما يجي 8 سم
وهي ممتازه لأهل الجيوب الصوالين اللي حاطين شد فو التندنه يقدرون يحطونها فوق التنده بتصير ممتازه مره وعمليه وفيه ناس يسوونها ولا تستعجلون كل شي بوقته حلو أنتظروني يوم الجمعه بالليل إنشاء الله وبتشوفون كل شي بالصور تقرير وشرح مفصل إنشاء الله ...

[NissaN 1990]

أنا شريت المومري وحولت كم صوره من جوالي للتجربه ما هي حول الموضوع والصور طلعت أكبر من 100 كيلو بايت وقالي الجهاز أن عرضها أكبر من المسموح وأرتفاعها ما أعرف كيف أعدلها

[شويحط]

السلام عليكم يا شباب والله يشباب اني انقطعة عنكم هل المده كانت خارج نطاق الخدمه جاتني مهمه في الرياض والمحل الي انا فيه لا كمبيوتر ولا نت ومارجعت الى قبل لا اكتب الرد هذا بس من جد يا شباب اعذروني وانا عند وعدي ابي اجيبلكم كل شي وعدكم به وشكرا على الردود والاهتمام في الموضوع واخوي نيسان ماقصر كفا ووفا وبيض الله وجه ونحتري باقي تقريرك يا نيسان

[NissaN 1990]

السلام عليكم ورحمة الله وبركاته إلى الأخوه المتابعين للموضوع نزلنا لكم التقرير كامل مع الصور والمعلومات كامله بنفس الخيمه بموضوع
فكره يمنيه خرااااااااااافيه منت خسران ادخل 2