صيدي سمكه بالدمام ولا في الخيال

[صياد شرقاوي]

السلام عليكم ورحمة الله وبركاته

شباب هذا اللي الله رزقني يوم أمس الموافق 29/10/1428هـ والحمد لله كانت بالنسبة حلوة مع أنها سوت فيني حركة غريبة لكن طلعتها بعد التعب حطيت لها صلاخ ميد لو تشوفون الميد تقولون مو صاحي أنت حجمها كبير مره شوي وضربت علي واسحب واسحب وارخي لها يوم قربت مني وتروح علي المشكله شفتها قريبة مني لكن ماتعرفت على شكلها ألا اني شفت لونها وتوقعت تكون هامور لكن لما حطيت لها ميدار ثلاثي طلعتها وفعلا نفس الأولى اللي راحت علي تخيلوا الأولى صلخت لي الميد صلخ ههههه من فمها الكبير لكن الله وفق بالسحبة الثانية

تسمى وحره
http://www.mekshat.com/pix/upload02/images53/mk63486_654654.jpg

[the calm man]

ايش نوع السمكة هاذي أول مرة أشوفها

[jwan]

بلعافية على قلبك انا اول واحد يرد عليك ولي من السمكة حصة """""""""""""""""""""""""""

[بن داود]

هلابك ياخويه:(
الحين هذا هو الصيد ولا بالخيال هذي الوحره موجوده على الشواطي والطاهر انها ماتوكل

والله يعطيك العافيه على الصورع

[barracuda]

هذا صيد ولا في الاحلام
و يعطيك العافيه

http://www.mekshat.com/pix/upload/sign/images/mk58338.gif

[صياد شرقاوي]

:cool: رداً على الأخ ايكو ياحبيبي صحيح السمكه متوفره في أغلب الأماكن لكن مااعتقد أن الحجم هذا تلقاه بسهوله وبعدين أنت لو تشوف حجمها على الطبيعه ماتصدق لاتخدعك الصورة يمكن ماتكون بينت لك حجم السمكه الحقيقي وبعدين تعجبك في السحب اما بالنسبة للأكل أبشرك تأكل ولحمها أبيض وطيب الظاهر أني مطلع الجده دققوا شباب على عينها تقول عجوز ماشاء الله على فكره ياأخ ايكو انا مايهمني نوع السمكه المهم عندي حجمها بالنسبة للي حاب يذوقها ترا ماله نصيب فيها :no2: لأني أهديتها لواحد من الشباب يله عليه بالعافيه
تحياتي للجميع

[القبقب]

فعلا ولا في الخيال خاصة أذا كان الصيد على الكورنيش
وين كان الصيد ياصياد شرقاوى بعيد عن جزيرة المرجان ولاقريب .
وشكرا على أبداعك .

[صياد شرقاوي]

الصيد ياطويل العمر قبل مطعم ليالينا ( الفانتايم سابقاً ) مع أن المنطقة حجريه لكن سبحان الله هذا رزقي العادة الوحره تتواجد بالمناطق الرمليه

[جار الكعبة]

ولا في الخيال ؟؟؟؟؟؟؟؟؟
حقيقة سبق لي صيد السمك هذه ( الوهرة او الوحرة ) في منطقة الليث عند سلاح الحدود عن طريق المشك في مياة مررررة قليلة ضربتها ضربة في الراس كسرت الفك :d :d :d هههههههههه بس ما جربت طعمها اعطيتها صديق .
تقبل مروري

[بوداحم]

المشكله ان مو مبين حجمها

انت لو انك حاط جنبها جوال او بكت دخان

او اي شي كان عرفنا حجمها

تحياتي

[مداوي]

مبروك عليك وبالعافيه

[عقام جدة]

مشكور اخوي شرقاوي على الصورة

تقبل تحياتي

[عجيب]

صيد العوافي أخي صياد شرقاوي والله يرزقك من حلاله ويرزق الجميع (( الوّحره )) معروفه في الخليج ولها شوكة في الظهر .. خطيره .. وتكثر في المناطق الطينية يعني انتبه عل رجلك اذا نزلت في منطقة طينية في البحر لأنها دائما تسبح في قاع البحر أما عن طعمها بصراحة ماجربتها لكن يقولون انها لذيذة مشوية وأطيب من اللحم المشوي ... وعذراً على الإطالة ...;)

[برق4]

كاني منب واهم انها لا تؤكل ويوجد في ظهرها ابره سامة والعلم عند النواخذه ...

[waleed_458]

يعطيك العافية
ان شاء الله الجاية هامور

[صياد شرقاوي]

شكرا على المرور ياشباب بالنسبة أنها تؤكل فهي فعلاً تؤكل سبق واحد من قرايبي اكلها يقول طعمها لذيذ ولحمها ابيض اما بالنسبة للشوكه السامه وقت التنظيف اقطع الشوكه وان شاء الله مايجيكم شيء لأن صيد البحر فيه منفعه وعلى فكره اللي يحط في باله أنه والله الأكل هذا فيه مضره فهو فعلاً راح يضر نفسه لأن النفسية لها دور وين أيام زمان :d بدينا في الفلسفه الناس كانت تاكل ولا همها مرض لكن وقتنا هذا من يوم الواحد فينا يفكر انه بيمرض يوسوس على نفسه وغصب يجيه المرض المعذره طولت عليكم
تحياتي للجميع

[باترول 82]

الله يوفقك اخوي ويكتبلك المره الجايه اكبر واكثر إن شاء الله

تحياتي لك وللجميع

[سامي العنزي]

ماشاء الله تبارك الله عليك
تسلم الله يعطيك العافيه على الصيد الحلو .

[ابوتركي1]

000ماشاءالله يعطيك العافيه وبالعافيه والله يزيدك من نعيمه ان شاءالله000

[ابوسند01]

بالعافية
ولو اني ما اعرف نوعها

[Napoleon fish]

هذه السمكه يسميها أهل الحجاز (الرُقد) الله يسلمكم. أتذكر إني صدت واحده من الحجم الكبير في الخبر بعد مطعم المارينا وأخرى في المزروعيه عند مرسى القوارب.

[ولد الخبر22]

السلام عليكم .

ماعليك اخوي هذي وحره وهي توكل ومثل ماقلت لحمها لونه ابيض على وصف الشباب الي اصيد معهم وهم ياكلونها ولا ماعمري اكلتها بس انتبه للشوكه الي بظهرها لانها سامه ، وهي تتكاثر في المناطق الرملية وتتخبى تحت الرمل بحيث انك اذا قربت منها تهرب وتدفن نفسها قريب عن مكانها السابق .

وانا من باب المزح مع الشباب اذا شفتها اسميها ( ضب البحر ) ههههههههههاااي .

عليك بالعافيه .

لك احترامي وتقديري

[صياد السيف]

والله اني اكره هذي السمكة كره ما يوصف
على القطوة بالعافية

[( برى بحرى)]

يحليلها الوحره

بس عليها مرقه غير طبيعيه

عليك مليون عافيه

[aboseif911]

ما شاء الله