سؤال عاجل ياشباب مين يفزع ؟

[صياد شرقاوي]

السلام عليكم

شباب اذا سمحتوا الفزعة حاب استخدم الطعم اللي يستخدموه الفلبينيه اللي هو ( المحار ) بصراحه انا اشوفه على الحجر لكن كيف طريقة شكه بالميدار ؟ انا بالعادة استخدم الخثاق أو الربيان أرجوا من لديه علم اخباري وله جزيل الشكر

[القبقب]

ممكن تحدد نوع المحار ياخوي صياد الشرقية هل هو شكله في الصور ة الاولى
او الثانية :

http://img444.imageshack.us/img444/8862/she28uh0.jpg

http://img217.imageshack.us/img217/326/she23gu0.jpg

[صياد متهور]

وعليكم السلام..
انا استخدمة تجمع من اللي يجي بين الحجر اللي يكون لونه اخضر غامق او اسود تكسرة بحجرة او مطرقة بتلاقي داخلة زي الدودة خذها وعلقها بس على حجم الميدار ساعات اركب ثلاث قواقع وعلى حسب حجم القوقع .
بالتوفيق....

[صياد شرقاوي]

شكرا على مرورك يالقبقب الشكل اللي بالصورة الثانية بس مثل ماقال اخوي صياد متهور لونه أسود وفيه منه احجام بس اغلبه تلقاه صغير فعلا انا سويتها كسرتها بحجر وطلعت اللي داخلها واستخدمتها بس قلت يمكن خطأ طريقتي ومااستمريت فيها على العموم يعطيكم العافيه شباب

[القبقب]

النوع الثاني لم أستخدمه للصيد بل جربته للاكل وأستخدم معاه الابرة .
أما النوع الاول أستخدمه للصيد وهو غير عملي لانه غير ثابت بالميدار
وأستخدم أله حادة وصلبة في نفس الوقت للفتح وأشكة من المنتصف.

[Mytima]

ياخوي ودي تفيدنا مانوع السمك الي يصيدابه المحار وشكرا

[قناص الوعول]

الفلبينين شغلتهم صيد السمك مره شفت فلبيني يصيد السمك بسرطان صغير الذي يوجد بين الصخور وصاد به سمك كثير ونحن ربعك ما صدنا الا سمكه واحده

[احمدوعبود]

شوف انا اخبر زمان كان معنا هايلكس 2006 كنا نصيدها ونكسرها وناخذ لحمها نصيد فيه زوينيات صغيرات يعني اقل من ربع شبر ونجلب بها (لا يسمعني ولد الحجاز يبلشني)