تـتـوقعـون عيــن..؟

[رآعي آلبآترول]

يالربع عندي طير حر مغلطاني
راكد على اليد والتكية ولا يصيح ابد ولا يكوش
المهم يالربع طلعته من الربطه وبعد مدة بديت ادعية
الطير خلال اسبوع من الدعوا تغير ميه بالميه
يصيح ويكوش وينقل ويكفخ ويحقل يالربع
مادري وش جاه الطير مادري عين مادري وش فيه
وش تشورون علي يالربع والطير تراه بكر وسرته حليوه ماهوب شين
ويشهد الله ان الطير خلال الربطه 5 او 6 شهور ماكفخ ولا تحرك عن وكرهـ ابد
تقول محنط
ابي شوركم والله لا يهينكم على كل حال

[مدرب الطير]

ولا ونخوك شي عجيب

[((الخالدي))]

الطير تتغير أطباعة بعد المقيض
لاكن الاخوان أنشاء الله مايقصرون معك

[شاهين2007]

السلام عليكم

يصيح ويكوش وينقل ويكفخ ويحقل

اتوقع الطير متعرض لجوع شديد خلاه يغير اطباعه...والله العالم

[القرناس المهاجر]

تعامل معه مثل الوحش .. الطير يتغير في ثلاث ايام .. فمابالك بسنه :D

وطالما انه يصيح ويكوش وينقل ويكفخ فهو الأن ينظر لك نظرة الخصم .. فيصيح ويكوش .. لكن بالتدهيل المستمر مع السحب منه إذا هو صنيع .. والعلف على الكف .. يرتاح ويقرب منك اكثر

القرناس المهاجر

[رآعي آلبآترول]

الله لا يهينكم يالربع
مدرب الطير و الخالدي و شاهين و القرناس المهاجر
الله يطول عماركم
والله وانا اخوكم ماجاه جوع
ننتظر اخواني الي قد مروا على مثل هالتجربه

[شبراق]

يمكن الطير مار عليه اصغار او مقضوب وهو يعلف او مسحوب العلف منه بالقوه

والطير بعد الربطة يبيله مداهل وانت ابخص لكن اعرفف واحد ضاع طيرة ولقوه ناس وحذفوله حمامه يوم قضبها وهم يكتفون الطير ويبرقعونه من بعدها الطير بداء يكوش على العلف ويصيح عند العلف

تحياتي لك ابوطلال

[رآعي آلبآترول]

اررررررررحب يابو طلال هلا والله مرحبا ومسهلا
يالله حيه
ياطويل العمر الطير مربوط عندي ولا مر عليه بزران ابد
ولا شي صار له من الامور الي ذكرتها ياطويل العمر
لو فيه شي بين كان ابعرفه لكن البلا ان ماصار له شي ابد
والطير من المربط إلى يدي على طول ماحد دهله غيري
هذا الي خلاني استنكر واشك من الوضع
ع العموم الله لا يهينك يابو طلال وترا لازم تسير علينا

تحياتي للجميع