إذا ضاع طيرك وش تسوى ياصقار

[ميراج]

بسم الله الرحمن الرحيم

كثير من الناس يعتمد على الجهاز إذا ضاع طيره أو أخفاه وهو يطرد حباراه بحيث يعثر على طيره بكل سهوله
ولم يعد الصقار يطرد طيره بسرعه عاليه خوفا أن يختفى الطيرعن نظره

ولكن عندما يهد الصقار طيره وبعد ان يختفى الطير عن عين الصقار يكتشف ان الجهاز لايستقبل إشاره من
البطاريه بسبب خلل فى الريشه او إنتهاء صلاحية البطاريه فتجد الصقار فى هذه الحاله يقوم بالتفتيش بتجاه مهد الطير يمين وشمال وإذا لم يعثر عليه بدا بالتلويح للطير والدعو لعله يكون مفلس فيأتى على الملواح أوالدعو وفى أغلب الاحيان إذا كان الطير متغدى او متعشى من صيدته يغير محله ويغديه الصقار.

ولاكن الصقارين اللى قنصو سنين بدون جهاز عندهم بعض الطرق اللى قد تغيب عن كثير من الناس وسوفا
نستعرض بعض منها ونفتح باب للنقاش والمداخله لكل من لديه خبره فى هذا المجال.

بما انى صاحب الفكره فسوفا ابدا وأدلى بدلوى

أولا : إذا كان الطير فيه ريشه ولاكن الجهاز لايستقبل إشاره من الريشه فعليك فى هذه الحاله الذهاب الى اخر مكان أخفيت الطير فيه وهو يطرد وتتعداه مسافه نص كيلو وتسجل إحداثيه الموقع وتشغل جهاز الطير وتتجه بتجاه الهوى 7 كيلو ويفضل ان تنزل من السياره للتأكد من الجهاز إذا كان يستقبل إشاره من الريشه حتى ولو كانت ضعيفه ويفضل ان تقف فى اعلى مكان حولك0
إذاكان جهازك لايستقبل اى اشاره فعليك ان تعود الى مكان الاحداثيه وتتجه عكس إتجاه الهوى 7 كيلو وتنزل من السياره وتقوم بضبط الجهاز والبحث عن الاشاره من الريشه وهكذا تفعل فى جميع الاتجاهات الاربع جنوب - شمال - شرق - غرب حتى تستقبل الاشاره وتهتدى الى طيرك

ثانيا : إذا كان طيربدون ريشه أو الريشه لاترسل إشاره الى الجهازلسبب من الاسباب ولم تجده علىحروة مهده فعليك إتباع الاتى.

1 - إذاكان طيرك من النوع اللى يرغب الحمام اكثر من غيره فيفضل ان تربط حمامه حيه ويفضل ان يكون لونها ابيض فى سبب وترتفع فى أعلى مكان حولك وتلوح للطير بالحمامه.

2 - تقوم بفك حمامه اذاكان معك طير ثانى بيضاء وعندما ترتفع تهد الطير عليها يرددها وهى مرتفعه لان هذه الطريقه تجذب الطير ولو كان عالف وإذا صاد الطير الحمامه تربطه فى وكره وتتركه ينتف الحمامه والريش يتطاير من حوله فى مكان مرتفع.

3 - إذا كان طيرك ضايع اخر النهار ( مسيان ) فإنه قطعا سوفا يمرح قريب من صيدته ومن الغد مع طلوع الشمس تذهب الى اعلا مكان حولك وتلوح بالحمامه ثم تربط طير من طيورك او طيور اخوياك وتتركه ينتف الحمامه وهذه الطريقه تجذب الطير من بعيد ( ونتبه لطيرك اللى يعلف لايجى عقاب ويضفه وتصير المصيبه ثنتين

4 - إذا كان معك أخويا وشله يفضل ان ينتشرون 5 الى 7 كيلو فى جميع الجهات والتلويح للطير بالحمام ولا تيأس فكم مره وجدنا طيرنا فى اليوم الثالث او الرابع

أرجو من الجميع المداخله وطرح الافكار حتى تعم الفائده
الحمد لله رب العالمين وصل الله على نبينا محمد

[عزالخوي]

الاخ العزيز / ميراج
بيض الله وجهك على هذا الموضوع وفيت وكفيت وعسانا واياك وجميع الاخوة لانحتاج لذلك.
لي اضافه بسيطه وهي ان الصقار يستحب ان يقوم باختبار جهازة وكذلك الريشه ومدى قوة الاستقبال كل صباح وقبل الهدد-لانه احيانا قد تكون مشاكل بسيطه يمكن تلافيها وتكون سبب في عدم عمل الجهاز والحرص واجب .
مرة اخرى تسلم على هذا الموضوع-واقبل تحياتي.

[المري]

مرحبا بميراج


وجعلك ذخرا يابعدي مازين هذه المشاركة اللي جات في وقتها .........



وعلى ماقلت اذا ضيع راعي الطير طيره فعليه في الركاده ولا يستعجل في الدوار


لان بعض الطيور اذا صاد تلقاه ملبد على صيده تقول كأنه كروان...



كفيت ووفيت اخوي ميراج وليس لدي اي تعقيب على مشاركتك...


اخوك / المري

[ميراج]

الاخ عز الخوى

شكرا على مرورك وعلى المداخله

وكما ذكرت التشييك على البطاريه والجهاز ضرورى جدا ويوجد جهاز لفحص البطاريه سعره 25 ريال

والحمدلله الريشه المرشال البطاريه سعرها ريالين لو تغيرها كل يوم

تقبل تحيات اخوك ابو طارق

[معمرها]

......بسم الله الرحمن الرحيم........



السلام عليكم ورحمة الله وبركاته .............


ــــــــ:: يعطيكم ألف عافيه والله الموضوع شيق وشكراً على طرحه


شـــكـــراُ

[تالي الاولين*]

.



الضياع مشكلة

وكم طير راح على راعية

والحرص زين لا من ناحية مكان الهدد وطبيعتها

ولا من ناحية فحص الريشة .. او وقت الهدد .. اوالجو

هالكلام كلنا نقولة وحنا في الديرة .. واذا شفنا البرقى مدري يمدينا

نركب الريشه او لا :D .. ولا عاد يهمنا اي عامل من عوامل الحرص على الطير

نصير مطفق الله يدفع البلا .. ويروح الحرص ..

اذكر واحد من اخويانا هد عليها وقت مغيب ولا معة ريشه واغدى طيره

بس مرحناه ذيك اليله ولقيناه من باكر .. وغيره سوالف واجد .. احد لقاه

واحد الله يخلف علية ..


الله يحفظ طيورنا وطيوركم من الضياع . ويبارك فيها

واشكرك اخوي ميراج على هالموضوع


اخوك / تالي الاولين


.

[ميراج]

مشرفنا الغالىالمرى

يشرفنى مرورك الكريم على الموضوع

وكما ذكرت دئما نلقى الطير حول مهده والركاده عند ضياع الطير مطلوبه

شكرا على مرورك وتقبل تحيات اخوك ابو طارق

[ميراج]

الاخ معمرها وعليكم السلام ورحمة الله وبركاته

شكرا على مرورك الكريم على الموضوع

زدتناشرف اخوى معمرها

[السمح]

يعطيك العافية على هالموضوع الحيوي والهام جداً

وأضم صوتي إلى صوتك من أجل إثراء الموضوع ومناقشة وإدراج الطرق المناسبة في حالة ضياع الطير

ولأني لست من الصقارين ولكن ودي أشارك ولو بقصة حصلت علينا

في سنة من السنين طلعنا بعد المغرب وعند وصولنا للخبة اللي دون الرميثي ونفرق يمين ونجي بمكان زين فيه حطب بظهر الرميثي قلنا نمرح والصبح نقنص
شبينا ضونا واللي علينا بالخير وحطينا الدله على الضو .. أحد خوينا طق الوكر مهوب بعيد عنا ، ونشوف الطير يكافخ يتل عمره والسبق مربوط برجل واحدة بس .. قلت ياخالد كن الطير وده ينطلق ؟ قال : يورا له ما يقدر بس الدخان موذيه ويكافخ . .. وحنا بهالحكي إلا أشوف الطير يوم تل وانطلق واقفى بهالظلماء يماسح واخفيناه .. اختبصنا ندور عليه وندور مالقيناه .. الحقيقة رجعنا لمحلنا وحنا متكدرة خواطرنا وضايقة صدورنا .. يوم أصبحنا دورنا عليه في كل مكان .. ما ليقيناه ... خويي اللي معي بالسيارة قال نزلني في راس العرق وانت انزل بالخبة دور عليه وعطني حمامة مثل ما تفضلت بيضاء وسبب .. وصار يطير الحمامة ويلوح بالملواح وأنا والسيارة الثانية ندور عليه .. والله ياجماعة ما دريت إلا الطير يوم يطير من تحت رمثة متذري عن النسرية الباردة هاك الصبحية ويهد على الحمامة ويجيبه الله ( من حلال مزكى :D )

أعود مرة أخرى وأقول إنك رصدت الكثير من طرق التصرف في حال ضيعان الطير ، ولكن أتمنى على إخواني الصقارة إنهم ما يذخرون في تزويدنا بطرق أخرى

بارك الله فيك وهذي عوايدك يابالعوايد :good:

[ميراج]

الاخ تالى الاولين حياك الله

شكرا جزيلا على مرورك على الموضوع وما اشرت اليه صحيح 100 فى 100 ولاكن متى تشوف ابرقالريش
ماتشوفه اللى بالحسره ذيك الساعه ماتفكر الاعقب ما ينتهى الهدد

ياليت اخوى تالى الاولين لو تقص علينا وشلون لقيتو الطير اللى ضاع منكم

تقبل تحيات اخوك ميراج

[تالي الاولين*]

.


السالفه ياميراج ولا يهونون الربع

خوينا دق علينا يمكن الساعة ثمان قال افزعولي العلم كيت وكيت

خذنا حمام وكملنا عزبتنا وطلعنا بطيورنا معنا

جينا الرجال في مكان تواعدنا فيه و امرحنا والصبح وكدنا مكان الهدد واتلى علم الرجال بالطير

ووجهته همن تفرقنا وحنا جميع على الاجهزه وبينا مسافه ماهيب كبيره

ماخذنا عقب الفجر ساعة الى واحد من اخويانا يصوت ابشروبه

وحنا ماهدينا ولا حمامة الرجال شافه موقع ودعاه دعو

عد باين ان حباراه رايحة علية

والحمد لله على العقلان


.

[ميراج]

المشرف على المنتديات السمح السلام عليكم

شكرا اخوى ابو تركى على مرورك على الموضوع وتفاعلك المعهود الذى لانستغربه منك فأنت مميز وفعال
دائما كما عهدناك

وشكرا على ما أتحفتنا به فى مداخلتك الرائعه ( هذا ونت منتب صقار :D )

تقبل تحيات اخوك ابو طارق

[تواق]

ياهل الوانيت يامل السلامه دورو عباث ولا نزلوني
طيري ماغدى يطرد حمامه غادي يطرد عريضات المتوني


نعم ياخواني والله اذا هد طيري وحسيت انه اختفا عن عيني امرج عقلي وحسيت
ان قلبي عند حلقي وريقي ينشف والله اني مارتاح لين اشوفه ولا واحد من الربع
يقول ترا الطير معي موكد شوفه لاكن الحمد الله الذي انعم علينا بل الاجهزه ذي
كن الخوجات يدرون عن هل الولع والقهر اذا خدا الواحد طيره
عموما افضل شي هو ضبط الاعصاب ومثل ماتفضل الاخوان الرجوع الى مهد
الطير وبدا البحث منه وهنا يبرز دور الجمعه والخويا مع راعي الطير
ومعلومه ان الطير خصوصن اذا صاد يرجع الى مكان مصيده للفريسه
مثل الصبح تلقاه عصر اوعصر تلقاه صبح بدري في منطقه مصيده
وهذي حاصله حتى مع الطيور الوحوش


اسف طولت عليكم اخوكم تواق

[صقر]

شكرا اخي ميراج على طرح الموضو المهم


اخي عندي مداخلة لعلك سمعت عنها او احد الاخوان:

الا وهي شب النار برأس نفود او مكان مرتفع

هذه الطريقة سمعت بها من احد الاصدقاء عندما ضاع طيره اخر النهار بحث عنه ولم يجده وعندما امسى عليه الليل ارتفع فوق راس نفود وشب نار وقعد عندها لعله يرجع.

وشكرا مرة اخرى.

[ميراج]

الاخ تواق مرحبا بك ويا هلا

شكرا على مرورك على الموضوع والمشاركه

وما اشرت اليه فى مداخلتك صحيح فى اغلب الاحيان الطير يرجع للمكان اللى صاد فيه

شكرا جزيلا ولاعدمناك

[ميراج]

الاخ صقر حياك الله اخوى وياهلا

شكرا على مرورك على الموضوع والمشاركه

وما اشرت اليه فى مداخلتك اسمع به مثلك ولاكن مامر على ولا اضن أنه ممكن لان الطيرما يطير فى الليل

ولاكن بعض الطيور يجى لاهله فى المضحى خصوصا الطير العيدى

لاعدمناك اخوى

[ميراج]

الاخ تالى الاولين السلام عليكم

شكرا على سرد قصة ضياع الطير

[ابو عايد]

مشكوراخي العزيز ميراج على هذا الموضوع المفيد :good: :good: :good: والرائع

معلومات بالفعل قيمه وممتازه ومفيده جدا

كما لاانسى انها شيقه وخاصة لمعرفة المزيد من الحكايات والذ كرايات من الاعضاء .......

ولكن عندي استفسار من اهل الخبره : اذا ضاع طيرك وانت في منطقه جبليه واقبل على طيرك العقاب

ويش السواة مع هذي الحاله !

من ناحيتي انا... قنصنا في محايل وعسير وهي كماتعرفون مناطق جبليه وكانت مشهوره بالحجل والقهابه

وغيرها قام احد من اخوياي بفك طيره عليها فجاه لذاك العقاب من الجهه الثانيه متوجه لطيرنا قام الطير

كفخ منه الى الجهه الثانيه قمنا نطرد الطير ونلوحله بالملواح لكن ما فيه فايده......قمت انا وخويي نرمي

على العقاب لين ارتفع ..... قمنا ندور طيرتا لكن ما لقيناه...... واليوم الثاني واليوم الثالث ما لقيناه

فالله يخلف على خوينا وكانت شهانه بحريه وافيه ...

تقبلوا تحيات ** العاشق الولهان

[ميراج]

مرحبابك اخوى ابو عايد

شكرا على مرورك وقرائة الموضوع والمداخله

الطير اذا كان طاير ما عليه من العقاب لانه اسرع من العقاب ولاكن خطورة العقاب على الطير اذا كان الطير على صيدته والطيره اللى معكم تدعونها ولا جتكم اما مطلبه صيده ما تشوفونها ولا متنكره بعض الطيور يأخذ العلف من العقاب وهذى حصلت معى عقاب طاير ومعه علف وطلبه الطير وخطف العلف منه قدامى0

شكرا على المداخله

تحياتى

[عبدالله الصالح]

والله اذا كان الطير فسقان والله ان مايرجع وبعض الايام الطير تكون انفيسته
شينة انشهد....

[ميراج]

الاخ القصمنجى حياك الله وياهلا

شكرا على مرورك على الموضوع والمشاركه

ما أشرت اليه صحيح إذا كان الطير زمكان ولا متنكر ماله إلا الشبكه

تقبل تحيات اخوك ابو طارق

[ميراج]

للرفع

[akhan]

يعطيك ألف عافيه اخي

[desprado]

موضوع جميل ومفيد

عندي سوال ان دورت على اجهزة الصقور لقيتها غالية

وين القا جهاز ممتاز وسعرة مناسب؟

[ميراج]

الاخ akhan

تسلم اخوى

مشكور على مرورك الكريم

تحياتى

[ميراج]

الاخ desprado

حياك الله اخوى مقارنه بالاسعار السابقه يعتبر رخيص

الاجهزه الامريكى سعره : 3000 ريال

والريش أفضل شىء المرشال المطور وسعره : 2000 ريال

بس مهوب غالى إذا اخفيت طيرك

تقبل تحياتى

[أبو رداد]

بسم الله الرحمن الرحيم
السلام عليكم ورحمة الله وبركاته


مشرفنا الغالي ابو طارق ... مشكور على هذا الموضوع الجيد الذي يتهيء لي انني اول مره اراه في المواضيع المميزه ... وعندي ملاحظه وهي يجب فحص الجهاز والريش بين فتره واخرى لان بعض الريش ينتهي جزء بها يسمونه الكرستاله دون سابق انذار ...

[طيرحوران]

الأخ ميراج السلام عليكم وكل عام وانت بخير
وتسلم والله على هالموضوع
ألذي ذكرني قصص من ضياع الطيور وياشين إذا قالوا طير فلان ضايع وخص إذا كنت أنت المعني وعندما قرأت ردود الأخوان ومشاركاتهم بدر إلي ثلاث قصص سوف أذكرهن باختصار
الأولى وهي على وقت نقلة الطيور وتعرفون وقت نقلة الطير وقت تدهيله لأنها تعتبر عملية تذكير للطير على الملواح المهم في شهر رمضان المبارك أخذنا الطيور للدعو ومن ضمن الطيور طيري وعلى أول النقله مايجي على الملواح ولاينقز على الدس والخ المهم دعيته على الملواح وجاء وقع عن الملواح تقريبا عشرة أمتار خليته أبغاه يجي للملواح وبعدين أعطيه العلف المهم يبي له سعة صدر شوي خلية الملواح مربوط بالسبب ورحت بجيب غرض من السياره والوقت حول ماتغيب الشمس المهم بروحتي والله والطير يكرب جناحه ويعطيني قفا مع العجله ركبت السياره بالتبعه لعلي بروحتي للسياره أخفيته ورجعت بخفي حنين لم أجده ورجعت لم الربع وأفطرنا على أنهم يحسبوني أني محدد موقع الطير علمتهم باللي جراء وبعد الفطور قال واحد من العيال خلنا نمر على محاريه لعلنا نلقاه قلت مالقيته بالنهار بلقاه بالليل ومشكلته مايجي على ملواح ولا على حمام الطير صنيع المهم خذنا لفه وصدفه ولاه هذا هو موقع بالحزم والطير أحمر مغاتير ويبين على النور المهم الطير بداء يتنكر المهم طار ثلاث مراة في تلك الليله ويالله نلقاه والزين في الطير إذا طار بالليل أنه مايبعد المهم آخر مره حددة موقعه بالجهازقارمن وقلت للعيال خلوه نجيه الفجر المهم صلينا عنده الفجر وأخذت الحمامه وركبت على ظهرها الشبكه وهديته له وجاك منصرم عليها طواه البرد وعقل الله الطير
والسالفه الثانيه أنا وربعي في الشمال حول منطقة سماح المهم وصلنا لها بالليل قمنا الفجر وكالعاده نترزق الله لعل الله يرزقنا بطير تحبه الطيور مادري وش أسمه المهم معنا خمسة طيور وفجاءه يوم طلع طير خوينا وصوت بالجهاز علي قال الطير طلع يوم جيت ولاه طالع على طير ثاني يحوم وابرررق بالطير ولاه عليه سبوق وأنزل بالملواح والله وادعيه ويجي على الملواح وأقضبه ولاه عليه حجل باسم أمير يقنص بين الحدين وأتصل عليهم من جهاز الثريا ويجون وآخذ مواصفاة الطير منهم وأعطيهم أياه علمابأن الطير فيه ريشه وآسف على الإطاله والقصص واجد ولكن في المرات القادمه ومعهن الثالثه وتسلمون

[ميراج]

السلام عليكم

اخوى ابو رداد مشكور على مرورك على الموضوع والملاحظه اللى ذكرة مهمه جداً وهى سبب فقد كثير من الطيور

---------------------------------------------------------------------------------------------------------------

اخوى طير حوران حياك الله ومشكور على سرد قصص ظياع طيورك

ويا شين الطير اللى يظيع على اول طلوعه من الربطه تقول جاهز للظياع

[al-nashmi]

الاخ ميراج......

اللاخوان الكرام...

السلام عليكم....

الله يحفظ لكم طيوركم من الضياع..

انا ماني بصقار ولا اعرف عن الطيور شئ ولكن احب اشوف الهدد والدعو..

وما دعاني للمشاركه هنا هو... يوم الخميس الماضي 17/2/2005 كنت طالع للصمان عند ابل واحد من الربع

حول برقاء عفاس..... ويجينا واحد قبل غروب ذالك اليوم بنصف ساعه ويقول لقيت طير حمر حر مثلوث بسبوقه شمال صلعاء الثميله بحوالي 3 كيلو وعلى حد كلامه انه وقع على النوازي اللي في ذيك امنطقه..... الله يرده الى راعيه.....


وسلامتكم

اخوكم النشمي

[ينبع]

صحيح فى اغلب الاحيان الطير يرجع للمكان اللى صاد فيه وخصوصاً الشيهانه والله يعوض على كل من غداله طير

[ميراج]

اخوى النشمى مشكور على مرورك على الموضوع

وياليت إذا كان الطير ما مسك وتعرف على صاحبه عن طريق الحجل تذكره فى موضوع طيرى ضاع المثبت

فى خيمة الصيد بالصقور عسى ان تكون سبب فى إرشاد صاحب الطير لطفاً لا أمراً

--------------------------------------------------------------------------------------------------------------------

الأخ ينبع مشكور على مرورك على الموضوع

ورجوع الطير لمكان صيده تحدث كثير بس المشكله إذا كان ضاع يطرد الصيده ولا تدرى عن مكان صيده

تحياتى

[عاشق شلوى]

السلام عليكم ..طبعاًانا عضو جديد في مكشات ويشرفني ان اكون معكم في هذا الموقع الجميل.حبيت اشكرك على الموضوع الرائع والشيق .بس حبيت أضيف شيء في هددك طبعاً لازم تكون ماخذ الحيطه يكون عندك طير( الشرياس) فعندما يضيع طيرك ولم تجد فذهب إلى المكان الذي اخفيت طيرك فيه كما قال الأخ ميراج وتهد(الشرياس)مربوط بنقـل أي ريش كثيف مربوط برجله فعندما يراه طير يحسب انه يحمل علف فيذهب لع لايأخذه منه هذا عندما لم يصيد طيرك.

تحياتي...أخوكم عاشق شـــلوى

[مؤيد]

[quote=عزالخوي]الاخ العزيز / ميراج
بيض الله وجهك على هذا الموضوع ويعطيك العافيه

[جمس 79]

اقول
اذا طار الطير ارددالليل مطولك

[ميراج]

الأخ عاشق شلوى أسعدنى مرورك على الموضوع

والنقل ممتاز لجذب الطير كما ذكرت

----------------------------------------------------------

الأخ مؤيد مشكور ووجهك ابيض

----------------------------------------------------------

الأخ جمس 79 حياك الله

يالليل ما أطولك

تحياتى للجميع

[راعي السلق]

مشكوور اخووي عالمعلومات الحلوة

[راعى الهدب]

[b]الله لا يهينك عفكلى هذه الافكار

[ميراج]

للرفع مع التحيه

[أبو رداد]

ماشاء الله يابو طارق

مواضيعك انت والمري وصقاقير مكشات الاخرين
تروح لمنتديات اخرى خلسه يدرسوها
ويرجعون يبيعون بضاعتنا علينا
ههههههههههههه

[yasser1389]

اسمحوا لي اخواني الصقاقير بالمشاركه الطير لازم يرجع لمكان علفه صار معي مره لقيت طير وحش وحاولت اطرحه ودبح عندي 3حمامات ولا علق هذا الكلام العصر الى المغرب طار الطير وضيعته ومن بكره طلعت له الفجر ادور عليه لقيته بنفس المكان اللي علف فيه ورميت له سمانه وطرحته .. تقبلوا مروري

[قرناس ارامكو]

الله يعطيكم ألف عافيه والله الموضوع شيق وشكراً على طرحه

[عوق الخريش]

موضوع مفيد ومهم للجميع بيض الله وجهك على هذا الطرح الرائع
لآكن الربع ماقصرو فى الردود كفو ووفو الله يعطيهم العافية
تحياتي للجميع,,,,,,,