افضل رواق على الاطلاق

[راعي الافكار]

السلام عليكم ورحمة الله وبركاته ......... ارجو من الاخوة عرض تجاربهم بالنسبة لافضل الرواقات
شاكرا مقدما تعاونكم .

[فتى احد]

السلام عليكم ...

أفضل رواق للبر بالنسبة لي شخصيا رواق السنيدي القماش تنزاني 404 ثقيل خياطة على الكيف الطول 8 متر من وجهة نظري الخاصة ومشكور على الموضوع الجميل .

[راحة باال]

من وجهة نظري كلٍ وما يرتاح له بعد على حسب الحاجه والمكان

[جهام القصيم]

وعليكم السلام ورحمة الله غير الرواق الشخال لا تدور شخال يعني ظل زراعي يعزل الهواء 80% يتم تفصيله حسب الطلب من بعض محلات الرحلات ومتوفر في الغرابي طبعاً افضل طول يكون 120سم, متر قوق و20 سم ارضية من المميزات منع كور الدخان الهواء اينسنس عليك وهذة صورة للرواق
http://www.mekshat.com/pix/upload/images50/mk5908_121212.jpg
وفق الله الجميع لما يحب ويرضى

[ابوعزيزm]

السلام عليكم

من خلال التجربة أفضل رواق للبر يمنع بقاء دخان النار مدعوم بالصور

تفضل على الراااابط
http://www.mekshat.com/vb/showthread.php?t=68350

.

[جهام القصيم]

ابو عزيز تقرير جداً رائع وهذا الرواق الي كنت اقصد يمنع 80% من دخول الهواء يوجد نفس الرواق ولكن يمنع 60% فقط احرص على الي يمنع 80%
وفق الله الجميع

[إعصار]

عندك رواق البرية ممتاز ..

وسعره حول 160 ريال ..

ونسمع من الشباب لعلهم يفيدونا ..:)

[hdd4004]

السلام عليكم ...

أفضل رواق للبر بالنسبة لي شخصيا رواق السنيدي القماش تنزاني 404 ثقيل خياطة على الكيف الطول 8 متر من وجهة نظري الخاصة ومشكور على الموضوع الجميل .


مع الاخ من واقع تجربه

[انتيفا]

عليك بالرواق الموجود عند محل البريه اذا كنت بالرياض جيد وسعره معقول وعندهم مقاسات ويفصلون حسب الطلب

[ابـ معزي ـو]

من ناحيتي افضل رواق (( تيزار )) مر علي وللحين معي ماشاء الله عليه
التنزاني TANZ .. لكن النوعيه اللي معي غريبه جداً .. :confused:
وكل ماشافه احد يقول لي منين جبته ..

التيزار اللي معي .. فيه مخابي ومعاليق على كل ماصوره ..
والغريب في ذالك إن لون المواصير (( المناسيب )) ذهبي ناصع جداً
وله معي حدود 5 سنوات وكل سبوع وانا طالع فيه وماشاء الله مافيه الا العافيه ..
وانا شاريه من قبه .. بسعر 70 ريال ..
والحمد لله صيده موفقه ..

آسف على الاطاله .. تقبل مروري
ابـ معزي ـو

[عاشق الفيضة]

أبو معزي
أبي صيده موفقة مثل صيدك إذا تكرمت
وتقبل تحياتي

[al mohajr]

كل ما يقدم جيد ( وحسب الحاجة خذ )

[فتى الوادي]

ابو معزي .. ممكن صور للرواق اللي ذكرته .

[راعي بيشة]

فيه رواق كتب عنه سرهيد

وهو عند برق الحيا

يركب على كفرات السيارة

وفيه خاصية فك ولزق

يعني يركب على أي سيارة


في رأيي هو الأحسن حيث لا يزاحم الأغراض مثل رواقات أم حديد

نصيحة لا تتعداه

[سرهيد]

السلام عليكم

حياك الله طال عمرك

انا عني لدي رواق مفصلة خصيصا من القماش التنازني وعندي عدد 2 منه وكل طول واحد 6 في ارتفاع 1.20 تقريبا

ومعي الى لحظتها وزي الحلاوة

طبعا تعمدت افصلها علشان اختار القماش المناسب والحديد الثقيل المناسب اللي ما يخرب من اول طقة

وفيه نوع ثاني للطرقي والعجل اللي يركب على كقرات السيارة وهذا موضوع كتبت عنه

مع اني مفصل خصيصا لي واحد لكن هذا فصله برق الحيا

وهذا رابط الموضوع

رواق يركب على الكفرات .. لجميع أنواع السيارات ... new تقرير من سرهيد (http://www.mekshat.com/vb/showthread.php?t=186902) ‏

تقبل احترامي