شوف هالمزيون

[سهم قحطان]

السلام عليكم ورحمة الله وبركاته .. مساء الخير عليكم جميع إخواني الأعضاء الغاليين, البارح جتني صورة هالطير من أحد الزملاء وهي لفرخ مثلوث وعلى علم الرجال يقول إنه مطروح بجنوب الرياض وإنباع بــ30000 ريال وأنا أقول إنه سعر مبالغ فيه جدا بالنسبه لمثلوث , صحيح إن الطير مزيون بالحيل ماشاء الله عليه ولونه نادر , والسواد الظاهر تحت عيونه وتحت بطنه يقول إنه زيت أو شي عادم الطير لكن هالسنه أسعار الطيور إرتفعت بشكل غير طبعي ....وإلا وش رايكم ؟؟




http://www.mekshat.com/pix/upload02/images54/mk53310_66666.jpg

[بو هاشم]

الله بيارك فيه وياكل من صيده
والله يبارك للبايع والمشتري
ولا هنت على الخبار الزينه والفال لك تطرح طير ابرك منه

[عبدالعزيز_72]

ماشاء الله طير زين
لكن ماظنه فرخ ..مشكور وماقصرت

[المزروعي]

الله يبارك في الطير و راعيه . الشهاده لله أنه يستاهل هذي القيمه .

[راعي زيدان]

ماشاء الله عليه الطير الصراحه يستاهل

[مدرب الطير]

ما شاء الله الطير يستاهل والله يبارك لراعيه

[ابو عايد]

ماشاء الله عليه أقول إنه سعر مبالغ نعم 100%

[سهم قحطان]

يامرحبا أخوي بو هاشم الله يرزقنا وياكم جميع وتسلم على مرورك

أخوي عبد العزيز _72 الطير فرخ 100% ومشكور يالغالي على المرور

ياهلا ويا مسهلا أخوي المزروعي يشرفني مرورك الكريم

هلا أخوي راعي زيدان وشكرا على مرورك

وإنت تستاهل كل خير أخوي مدرب الطير وشكرا على مرورك

حيا الله أخوي أبو عايد وشرفني مرورك الكريم

[taag1]

اخوي سهم قحطان الطير ماشاء الله تبارك الله مزيون لكن مبالغين بسعره وعموما السنه هذي اسعار الطيور ناااااااااااااااااااااار ّ!!!! اجل لقيت مجهول وريشته حليوه يقول راعيه انه مسيوم ب4500ريال معقوله ؟؟؟؟ والله هالسنه الأسعار نااااااااار وانا اويد كلام 100% .....

[جارح العين]

ماشاء الله عليه
والله يبارك لراعيه

[عاشق التراااث]

اناااا اتفق مع من قالوا ان الطير مبالغ فى سعرة . وعلى درب المحبة نلتقى.

[tas_tas]

طير يستاهل بالفعل الله يبارك فية

[قلب الداهيه]

ما شاء الله على الطير
الله يباركله
فعلا أسعارهن مبالغ فيه بالحيل 00

[كحيلان 2006]

سهم قحطان من ناحيت الطير مافيه حكي لكن انا اقول 10000 حده اما الي في وجه الطير الظاهر من البرقع ان ماخاب ضني والطيور ذي ما عاد جاء مثلها نادره. وسلامتك

[سهم قحطان]

هلا أخوي عاشق التراث وتسلم على مرورك يالغالي

أخوي tas_tas شكرا على مرورك

يا هلا أخوي قلب الداهيه صحيح الأسعار مبالغ فيها والله يعين الشاري

يا مرحبا أخوي كحيلان 2006 وأنا قلت إن الطير حده من 10000 إلى 15000 وإللي بوجه الطير موجود من يوم ما طرحوه وصحيح إنه نادر والله يوفق راعيه ويباركله فيه ومشكور على مرورك يالغالي

[مغرم مقناص]

هلا أخوي


الريشه ريشة قرناس وليست لفرخ

عموما هذا الطير هو قرناس



ولكن حتى لو كان قرناس فهو مبالغ بقيمته

مشكور وبيض الله وجهك

[قلب شاهين]

ماشاء الله تبارك الله ،،

ريشته حلوه ووسرته بعد ،،

بس بهذا السعر أشتري طيور من بلاد فارس ووافية ولون حلو أبرك من هالمثلوث ،،

تقبل مروري / قلب شاهين ،،

[عز الخوي632]

الله يعافيك على هالصوره وصحيح السنه هذي سنه الغلا لطيور والمواد الغذائيه ويعطيك العافيه على هالصوره

[شبراق]

مشاءالله تبارك الله الطير مزيون بالحيل بس مايسوى هالقيمه

[خلوي]

سهم قحطان أحترامي لك , اخوي ليتك قلت 99% انه فرخ عشان اقولك للاسف ان الطير قرناس هواء, والطير اول شي يبين من ريشته ونحره انه قرناس, وثاني شي الي طارحه رميزان الصخابره وشراه معزبه الامير مقرن بن عبدالعزيز اب 30000 , والطير عند رميزان يصقره ولكم جزيل الشكر

[سهم قحطان]

أخوي مغرم مقناص هلا فيك ووجهك أبيض يالغالي وبالنسبه للطير فهذا علمه إللي جانا من رجال بالرياض , وأما سعره فهو مبالغ فيه وعموما الله يوفق راعيه فيه وشاكر لك مرورك

يا هلا أخوي قلب شاهين بصراحه أنا ما أقول غير (للناس فيما يعشقون مذاهب) شاكر مرورك بالغالي

أخوي عز الخوي الله يعافيك ويكفينا وياك وجميع المسلمين شر الغلا وشكرا عى المرور

أهلين أخوي شبراق ومشكور على المرور

يا هلا أخوي خلوي والله يعطيك ألف عافيه على تعديل هالمعلومه ,بصراحه العلم إللي إنتشر عن عن هالطير إنه فرخ ومن رجال شرواك بالرياض لكن الحين أقول علمك مليان وبيض الله وجهك يالغالي