سؤال عن المحول حق الكهرباء؟؟

[ابو شرف]

ابسالكم يالنشامى ؟؟؟

عندي محول حق الكهربه الي ل220 وينشبك على محل الولاعه
ونوعه (koyo )ياباني
المهم شبكته لكن ماشتغل معي والمشكله شريته( جدييييييد)
الي عنده حل يساااااعدنا










اللهم لك الحمد كما ينبغي لجلال وجهك وعظيم سلطانك

[فلر]

الحل عندي وانا ابوهندي قصدي ابوالتمائم رجعه للمحل واذا رفض لانه قالك ماعليه ضمان قله ابي كفيلك وعلى طول بيعطيك جهاز بداله وانت ارفض قله ابي فلوسي وبيعطيك فلوسك ورح اشتر جهازغير هذا النوعيه لانه تعبان ودور شي مكتوب عليه صنع في ت ايون لانهم صادقين .
وهذه القصه صارت معي في الثميري وسلامتك

[ابو شرف]

مشكووور يابو التمايم

[عاشق الطبخ]

يجماعه هل هو عملي لطلعه مدتها اربع ايام يعني بشغله اربع ايام لمدة 8 ساعات هل ينفع وعملي احسن واحد الي عند العليان في الغرابي او العليان الي في مخرج 13 تايوان يوفر 1000 واط وبخمسائة ريال وعليه ضمان سته شهور بس هل هو عملي وله المطور احسن فهمونا ياجماعه هل هو عملي وله بخرب البطاريات وهل في واحد جربه يقولنا كيف تجربته من المحول تكفون ياجماعه

[NissaN 1990]

وده لمحلات الصيانه يمكن فيه فيوز أو شي خربان بس لازم تمر على المحل اللي شريته من عندهم لأنه يمكن يقولك ليه تفكه أوشي إذا ما عطوك نتيجه ترا فيه ناس فاهمين بالأجهزه الكهربائيه يمكن يصلحونه لك أنا عندي واحد له أكثر من قديم وله أكثر من 8 سنوات المهم قبل فتره بسيطه شغلته ولا أشتغل رحت سويت نفسي فاهم وفكيته ونضفته وأشتغل ما شاء الله من أحلى ما يكون وشيك على الولاعه عندك يمكن تكون خربانه وأنا أشوف ناس يحولونه على البطاريه على طول يقولون أقوى وأحسن يشيلون الراس حق الولاعه ويشغلونه دايركت..

[NissaN 1990]

إلى الأخ عاشق الطبخ هو ممتاز وعملي وأحسن من كل الأجهزه الكهربائيه وفيه كذا ميزه ....
1. صغر جمه
2. قبل ما تفضي البطاريه يعطيك إنذار مسموع وواضح ولمده طويله يمديك تشغل السياره عشان ما تفضي البطاريه وتتورط..
3.إذا شغلت السياره وهو شغال يطفي من نفسه عشان ما يسبب التماس
4. عملي ويعطي كهرب كثر اللي تعطيه المحولات اللي أسعارها كثيره

[برق بريده]

اتوقع البالا من الفيوز

[ابو شرف]

مشكورين علا المرور جمييييع وعلا المقترحات

لكن اظن المشكله شغلته والسياره شغاله......

[الدبل الثقيل]

رده للمحل بدون كلام ...

[إعصار]

شف المحل ..

رجعه له ولا تأخذ شي مهوب مظبوط ..

[غالي]

شباب اتمنى الرد خلال ساعه لاني بعون الله ابروح اشتري محول اليوم

هل تنصحوني بهالنوعيه الي شراها اخونا؟؟

وكم سعره ؟؟

وهل يوجد 110 والا كله 220؟؟؟ لان عندي اجهزه 110 فقط :(

واكون شاكر لمن رد خلال ساعه ويفيدني

[ابوعزيزm]

يمكن يكون الفيز عطلان . .

وإيضا كان عيب مصنعي رجع المحول ويعطيك جديد

[NissaN 1990]

هو عملي وممتاز والظاهر أنه يحول نفسه من 110 إلى 220 ولا يفوتك ممتاز مره ولا هو شكله لأنه صغير

[غالي]

اخوي نيسان مشكور ولاقصرت على الرد وتمنيت انك توضح سعره لاني ابشوف في الرمايه لانه قريب لبيتي
الله يجزاك بالجنه ووالديك

والظاهر يااخوان اخونا خلاص عرف العله

وهي انه شغله والسياره مشغله
وعلى كلام الاخوان اذا تشغلت السياره يطفي اكتروني من نفسه

اتمنى لي ولكم التوفيق :)

[غالي]

شباب للاسف مابعد شريت وان شاء الله اليوم ان اراد ربكم

لكن رحت امس عند ورشة الرمايه
لقيت يوكوهاما 500 واط ب170 ريال
ورحت لمحل ذئب الصحراء ولقيت كويو نفس الي بالموضوع لكن 250 واط ب120 ريال

وش تنصوني من هالنوعين وهل اسعارها مناسبه ؟؟

ارجو الافاده عاجل اذا امكن :)

[NissaN 1990]

يا أخي غالي حنا شارينه من مدة طويلة الظاهر ب 160 ريال بس الأن أكيد أنه صار غالي حتى شريناه من داخل الرياض ما كان فيه محلات تبيعه بشرق الرياض

[غالي]

ايه بس بالنسبه للواط هل يوفي بالغرض يشغل لمبه ويشغل لاب توب مثلا او تلفزيون او راديو

اخذ 500 واط يوكوهاما؟؟؟

والا اخذ 250 واط كويو؟؟

معليش ادري اني نشبت لكم بس أبي خبرتكم :)

علما اني ابستخدمه للارجح للمبه والاب توب بنفس الوقت

اتمنى الرد

والله يحفظك اخوي نيسان وبيض الله وجهك ماقصرت