احسن نوع قهوه

[ام اسامه]

السلام عليكم ورحمة الله وبركاته يله ياشباب وياهل الكيف كل واحد يقول وش احسن قهوه وطريقتها
انا اقول القهوه اليمنيه
يتبع

[راعي اليتامى]

ياهلا فيك ياام اسامة


انا اقول القهوة الهرري هي القهوة الرائدة ولها شعبية جارفة


وبالنسبة للقهوة اليمنية قليل ماتلاقين النوع الزين ولا اكثر اللي


موجود بالسوق مغشوش يعني مخلوط مع انواع أخرى رديئة...

[ام اسامه]

شكرا اخي راعي اليتامى على الرد واقصد بالقهوه اليمنيه هي الخولانيه وموجوده بكثره في ابها

[ادريس]

والله الخولاني وبس للي يعرفه والي يبي يبشر( هديه )

[الدبل الثقيل]

الهنديه(النبريه) أم حبال وارد المستنير .. حمسه وسط ...

[جبل راف]

مابعد الخولانية اليمنية
والقهوة اذا حبها صغير تكون طيبة

ايضا طريقة حمسها يبي لها عرف

[الرسن]

الهندية ممتازة وعن تجربة وبشهادة كثيرين جربوها
لكن مادري عن ام حبال نبرية ياليت الاخ يفيدنا منهو وكيلها

[اشهب]

اي قهوه بالعالم زينه
زين القهوه وشينه يعتمد على حمسته
اتبع نصيحة القاضي يوم يقول لك:
اياك والنية وبالك والاحراق
..................واصحا تصير بحمسة البن مطفوق
ليا صفر لونه ثم بشت بالاعراق
................صفراً كما الياقوت يطرب لها الموق
وعطت بريح فاخر فاضح فاق
.....................ريحه كماالعنبرللنفاس منشوق
لقم بدله مولع كنها الساق
.......................منصوبه مربوبة تقل غرنوق
خله تفوح وراعي الكيف يشتاق
.....................ليا طفح له جوهر صح له ذوق
والا مثل وصف هالشاعر
الله على الفنجال مع هجعة الناس
...........................بدلال نار ما يبطل سناها
مع حمسة يملا بها كل محماس
.........................ويقلبه قرم يعرف استواها

حينها سوف تشرب قهوه رائعه مهما كان نوعه لان المحك الحقيقي هو حمسته

[خبت قوس]

افضل القهوة قهوة البن الخولاني اليمني إذا اخذته حب وحمست انت وطحنت على كيفك ماهو بمثل اللي تاخذه من السوق مطحون جاهز

[al mohajr]

القهوة البرية واهم شي طريقة الحمس

[hdd4004]

الخولاني (جبلي ) (بافرط) احذروا الي يبعون عند المساجد والمكشوف انا اعرف يمني زميل لي يقول ان 90% من التجار والموزعين يخلطون الخولاني مع نوعيه الظاهرانه صيني لانه رخص التراب

[ملك نيسان]

احسن قهوة قهوة امي <<<لاتحسبوني ماعرف اسوي ترا اعرف
هههههههههههههه

[ابو خطاب]

الهنديه(النبريه) أم حبال وارد المستنير .. حمسه وسط ...

:good: :good: :good:

[سلايل كحيلان]

أقول هالحين أغلب الناس يجيبون القهوة محموسة ومطحونه ( جاهزة ) إلا من رحم الله وهذا مهوب عيب خصوصا مع كثرة استعمال القهوة يوميا لا وأيدكم من الشعر بيت بعض هالناس ياخذون القهوة وحوجة ( مخلوطة ) جاهزة هي وتبهيرته والناس أجناس وكلن على ماقيل له كيف


ولكن الألإضل هو مثل ما ذكرو الشباب أنه تجيب هالقهوة حب وتحمسة وتطحنه




بس والله يبيه واحد رايق !!



والبرية بلاشك ممتـــــــــــــازة



بريتن من سوق صنعا مقره

[مشعل العيسى]

من وجهة نظري وكذلك كثير من اصحاب الخبرة .. أن افضل قهوة هي اليمانية ... وحمسة القهوة لها دخل كبير ... وفيه بعض الناس يضيفون للقهوة ملعقة كبيرة حليب سائل ابو قوس .....


وبصراحة طعم القهوة في الترمس ما ينفع ... عليك بالدلة .. فناجيل قزاز وشف الطعم .


مجرد رئي فقط

[ناصر التميمي]

مابعد الخولانية اليمنية

[ميل عقاله]

ولا عليكم امر وين في الرياض البريه اليمنيه الصافيه وغير مخلوطه بقهوه ثانيه يعني وين المحل الي راعيه يخاف الله ولكم الشكر

[الدبل الثقيل]

ياخوي عندنا في جدة محلات بافرط ... عندهم بن خولاني ... ماادري عاد فيه فرق بين البريه والخولاني او لا ؟ المهم عنده احجام ... وفيه كيس حجم كيلو منقى ب35 كويس والمكسر من الحب والغير طيب قليل في هذا الكيس ... ولاتنسى ياخوي الهنديه وارد المستنير موجوده عندكم في الرياض مع ان وكيلها في جدة لكن مايبيع الا جمله .... تراها طيبه خصوصا اذا كانت حمسه وسط وقريبه للثقيل ..

[الكايف2]

السلام عليكم اخواني اللي يبي القهوه الطيبه هي القطما طبعا بريه ويمنيه وهي حبها صغارلوخلطت تصيربينه هاذي مابعدها قهوه واللي يبي الزين يروح للي يبيعون القهوه مهوب اهل المحامص لكن عندكم الحميضي وغيره اللي في الديره

[aziz2727]

الخولااااااااااني وبعدها الهرري
بس يعتمد الشغل على الحمسه والتلقيمه واهم شي الحمسه تخليها شقرا ولا تطحنها الى عند تلقيم القهوة علشان في الراس على طووووووووول :)

[faisal456]

احسن شي بنظري الهرري و الخولانيه ...

ومثل ما قال اخوي عزيز لاتطحنها الا عند اللزوم :D

واذا كنت عزوبي ومغترب مثلي سابقاً فاطحنلك كميه وحطها بالفريزر لانه يحفظ طعمها لمده اطول ...

:mad: يأم ابراااااااااااااااهيم فين القهوووه <<==== :D اوريكم اني قوي

[راعي البرهـ]

اسالو العود افضل قهوه هي البريه...بشرط ان تقوم بحمسها بنفسك ويكون نار ارطا او حمظ بس لا تكثر من حمس البن لانه بعد الطحن ومضيء اكثرمن اسبوع تفقد خواصها(اي الزيوت الطياره)