تسجيل الدخول

مشاهدة النسخة كاملة : الثلاجه الي تشبك بالسيارات للحم, والدجاج؟


الحر جساس
14/11/2007, 03:59 AM
السلام عليكم جميعا ,,,,,
عندي استفسار بسيط عن الثلاجات اللي تشبك بالسياره عن طريق الكوايه او المحول حق السياره .
ابي وش احسن نوع للحفظ اللحم من الفساد للاني عندي رحله وشكلها مطوله كم يوم ......
ووين احصلها ؟ بالرياض, -القصيم
وكم سعرها ؟
وهل تتحمل مع الوقت؟
ودرجه البروده ..؟
هذا والله يحفظكم ويرعاكم ........
اخوكم/ الحر جساس...
ابوعزوز 1
14/11/2007, 04:19 AM
وعليكم السلام الثلاجه موجوده انا لقيتها عند السنيدي اسعارها تبدا من تقريبا 1800 ريال على الولاعه او الكهرباء او الغاز(الفريون)الاسعار للنوعيات الجيده توصل درجة البروده الى التجمد ولك حرية الاختياروان شاء اكون افدتك
ابـ معزي ـو
14/11/2007, 06:11 AM
اخوي : الحر جساس

شف طال عمرك
تلقاه عند برق الحيا و الرمايه او ساكو
وتكون على حسب الاختيار
تبيها اللي تجمد والا العاديه وهذا تلقاه عند ساكو اغلب الاحيان

برق الحيا
( مخرج 15 ) ... وهذا رقم هاتفهم : 014455666

الرمايه
الفرع الرئيسي : ( التخصصي ) ... وهذا رقم هاتف الفرع الرئيسي : 014621627
الفروع الاخرى : ( طريق الثمامه ) والثاني ( الدائري الشرقي مخرج جامعة الامام )

ساكو
(طريق الملك عبدالله -تقاطع شارع خالد بن وليد ) بجوار بنده .

وإن شاء الله تلقاء مرادك
تقبل مروري وتحياتي

ابـ معزي ـو
( سلطان الهاجري )
شرقي
14/11/2007, 08:51 AM
السلام عليك
نصيحتي لك لا تقرب اللي عند ساكو ترى كلها اشكال وبارده في الشتاء واحسن الانواع سعرها من 1800ومافوق وصناعتها يابانيه وتحياتي لكم
الحر جساس
14/11/2007, 02:08 PM
هلا وغلا بالجميع ,,,
اخوي ابو عزوز1 = جزاك الله الف الف خير وان شاء الله وصلت المعلومه .
اخوي ابو معزي= حياك الله وياهلا , ومشكور على التوضيح , لا هنت .
اخوي شرقي= حياك الله ومشكور على المرور ,,,,,,
واخيرا = انا سوف اذهب اليوم ان شاء الله واشوف بس من ناحيه الاسعار الى هالدرجه غاليه ...:confused: :confused:
ودمتم سالمين..,,