*** أروع كشاف الماني شحن ( بالصور ) ***

[ناصرالربيعان]

ياحبايب ياااخوان بعد سنين من البطاريات (ابو بس ) أو الغاليه ديرسل وغيرها

او لاجيت من البر اخذو العيال الله يصلحهم الكشاف وخلصوا البطاريات ودور عليه


لقيت لكم كشاااف رااااائع وتشحنه بالبيت وماعليك بيكفيك مده تملا خاطرك

من مميزاته :



شحن منزلي يكفي 10 ساعات إضاءه متواصله
إضاءه زنن بيضاء
قوه في الاضاءه وبعيد المدي ( صار مدفع )
احجام مختلفه كل علي مزاجه
يكفيك اني اقول ( جررربه مره لن تنسااه بالمره )
وقوووول إذا استعملته بتقول انا ضااايع من سنين
*** نسيت شي مهم اللمبه مضمونه مدي الحياااة يعني ماتحترق ***

الصور للحجم اللي افضله شخصيا وطوله 20 سم(سعره حوالي 95ريال)
بس لاتشتري من بنقالي

والحجم الاكبر منه وطوله 25 سم(سعره حوالي 120 ريال)


1ــ الصوره للحجم 20 سم
http://www.up.00op.com/data/visitors/2007/11/14/storm_1748375001_311561190.jpg


2 ـ الصوره للحجم 25 سم سعره حوالي 120 ريال
http://www.up.00op.com/data/visitors/2007/11/14/storm_290447207_410901527.jpg


3 ـ الحجمين معا
http://www.up.00op.com/data/visitors/2007/11/14/storm_993486072_225946270.jpg


4ــــ مع الشاحن
http://www.up.00op.com/data/visitors/2007/11/14/storm_1285301902_905293490.jpg

معليش التصوير بكاميرة الجوال

أخوكم طائر الصحراء

[أبو ياسر]

جزاك الله خير اخوي على الموضوع الرائع

لكنك ماذكرت من وين نشريه

وعندي سؤال

مصدر الإضائه شمعة عادية ولا شريحة أتمنا انك فهمتني

وهل علية ضمان

وننتظر جديدك

[الكـاسـر]

ما شاء الله باين عليه انه كشاف رائع

[ارتست]

حسب تجربتي الكشاف ممتاز جداااااً
ومليان منه في البطحاء بس تأكد انه اصلي(الظاهر ان المكبس حق التشغيل يجي اسود مطفي - ويجي معة كتيب للوكالة في الرياض ومكة بس محلهم في الرياض احترق للأسف مع محلات البطحاء للجملة وممكن نقلوة للتعمير)
وكذلك فيه نوع حلو ثاني اسمه جيباس سعرة حول سعر بريت لايت وممتاز بعد برضو البطحاء مليانه منه

بس لي ملاحظة: الكشاف على سعرة يستاهل لكن الوقت اللي يشتغل فيه اقل من 10 ساعات إلا إذا الشركة طورت البطارية؟

شكري لك اخوي طائر الصحراء على المعلومة حقيقة كثير ناس تجهل هالنوع رغم سعرة المغري وإمكاناته المتميزة

[ناصرالربيعان]

اخ ابو ياسر اشكر اهتمامك وبالنسبه للشمعة غير قابله للاحتراق مدي الحياة وبانسبه للمكان وبعض المعلومات روح للرد الثالث من ارتست حبيب قلبي اضاف معلومات كافيه ووافيه اشكره بقووووه

الاخ ابو ياسر والله انه رائع واشكر مرورك

** ارتست **يااامعلللللم يارائع اشكر معلوماتك الوافيه عنه وعن غيره وارجوك جاوب علي الردود لانك عارف كل شي عنه **** اذا قلت لك شكرا علي تعليقاتك فهي قليله في حقك فانت رائع رائع واسعدني تعليقك فتابع اجاباتك عليهم

[ثورة الشك]

هذا الكشاف متوفر بجميع مدن المملكه بكثره بمحلات بيع الاجهزه الكهربائيه والالكترونيه وهو قوي الاضاه بالاحجام الكبيره منه فقط ويمشي شحن واذا خاص بدل الحجار حقته ويشتقل شريطه ان يكون المقاس اللي انت اخذه يركب عليه مقاسات الحجر اللي بالسوق كبير اومتوسط وانا جربت الطريقه عند البايع بالمحل
ولاكن لاوصلنا لللاسعارهذي ناخذ اصلي احسن وانتم ورايكم

ملاحظه مهمه
الكشاف صناعته صينيه والباعه يقولون لك الماني تجميع صيني
وحتى الجيباس نفس الشي المقلايت هو الوحيد الامريكي بالسوق ونوع ثاني يتهيالي اسمه بروقمان

[بخار الماء]

الكشاف ممتاز وأصلي وأنا شريت الحجم الكبير قبل سنتين بـ140ريال كريته كر ولا طلب أي قطعة

وعل فكرة تصل إضاءته 1500متر

ولا تشغله وهو موصل بالشاحن عشان اللمبة ما تنحرق

موضوع تشكر علية وبارك الله فيك
وتقبل مروري

[ناصرالربيعان]

حبيبنا بخار الماء اشكر بقوة مرورك ويكفي انك من اللي جربوه انا عندي الحجم اللي أصغر ن الكبير ثم اللي يليه بالصغر يعني اللي بالصور اللي بأول الموضوع عز الله انه كشااااف يحبه قلبك

[هاوي البر]

عندي وممتاز بس لو يجي معه شاحن سياره كان افضل

[ابو عادل1]

جزاكم الله خير الجزاء على المعلومات

[ناصرالربيعان]

هاوي البر شهااادة من مجررررب اشكرمرورك الاخ ابو عاادل الله يجزاااك كل خير

[الطمار]

انا شاري الكشاف هذا قبل اربع سنوات بس مو زنون عادي (وكلها مثل بعض الفرق لون النور ترى)بالنسبه للنبه فيجي معه لنبه احتياط في الغطاء السفلي للكشاف(فك الغطاء اللي تركب منه البطاريات وطالع من الداخل تلاقي النبة ) اما مده استعمال الكشاف ماتتعدى ساعتين واذا هو جيد ثلاث ومع مرور الوقت شحن وتفريغ يقل الوقت هذا الكلام عن تجربه وع العموم هو يعتبر افضل الموجود من وجه نظري فيه كمان ميزه اتساع وضيف مدى النور الصادر منه عن طريق تحريك العدسه يمين ويسار .......تحياتي

[ناصرالربيعان]

اخوي وهم الكشاف اللبة زنن ومضمونه مدي الحياة عن الأحتراق وأنا بصراحه مادووورت علي لمبه إحتياط لاتحت ولا فوق بس الحقيقه انك إذا استعملته تحس انك كنت ضايع قبل لاتشتريه

[ابو فص فص]

شكرا طائر الصحراء


بالفعل كشاف ما فيه كلام بس تراه صيني والمبة بس الماني وهو اصلي اصلي وله وكيل بالسعودية
___ طبعا الرجال( الا هو التريك ) كان يصنع في الماني ولكن صنع في الصين عشان ارخص واكثر مبيعات

و الزنون ما يجي معه لمبة احتياط لان المبة ما تحترق بمشيئة الله اما ما يتكلم عنه وهم فهو العادي وهو اكثر استهلاك للبطارية واصفر شوي يعني ياخذ له ساعتين والثاني ياصل لعشر ساعات

وجزيت خيرا فهو بالفعل كشاف اكثر من رائع وانا افضله عن الميقلايت لا من ناحيه السعر ولا الاداء >>> قناعات

تقبل مروري وتعليقي

دمتم بود

[البّري]

تسلم يالذيب والله انك جبتها في وقتها

جزاك الله خير

[ابوعزيزm]

السلام عليكم

مشكور أخوي الطائر وأنا ناوي أشتري لي كشاف لكن بودي أن أسأل

كم مدة الشحن إذا كانت البطارية فاضية 100%

كم الوقت اللي يستغرقة علشان يصير الشحن فل ؟

[ناصرالربيعان]

الاخ فص فص اشكر مرورك وتجربتك للكشاف وتوضيحك اسعدني الاخ البري إذا تقصد بالذيب انا ماأدري لان فيه عضو بإسم الذيب وعلي كل حااااااااااااااااااااااااااااااااااااااااااااااااا ااااااااااال لك كل تقدير بمروورك الاخ أبو عزيز بالنسبه لاول مره دائما يفضل ترك البطاريه علي الشاحن 12 ساعه كأي جهاز زي الجوال بعدها يكفي 3 ساعاات وإذا من زمان وناوي تطول أفضل وللمعلوميه انا تركته مضاء مده 10 ساعات ولكن الساعات الاخيره مضيء بس ضعيف

[((الخالدي))]

الكشاف ممتاز

وين يباع هذا الكشاف؟

[ناصرالربيعان]

الاخ الخالدي تلقاه في دهاليز البطحاء بالرياض

أو في دهاليز شارع الخبيب

إذا اي واحد من الاخوان اللي جربوه يعرف وين بالظبط لايبخل علي اخونا الخالدي

[ابومعاذ3]

الكشاف مجربه ممتاز
لكن في الكتلوج تحذير من إفراغ البطارية تماماً:no:
يعني إشحن إذا شفته ضعف نوره

[هاوي البر]

الاخ طائر الصحراء
توني ادري انه يجي منه نور زنن كنت احسبه يجي نور اصفر فقط انا الي عندي نور اصفر تقريبا ما يجلس اكثر من اربع ساعات يسحب البطارية الزنن ممتاز اذا يجلس عشر ساعات شغال
يالله خيرها في غيرها

[حمد808]

انااليوم رحت للبطحاءوشريت واحد زنون مسافتة 1600متر مكتوب على الكرتون كذا
بس الكتبة اللي فوق الكرتون تختلف يمينezkort led
وقيمتة بعد المكاسر145ريال

[ناصرالربيعان]

اخي هاوي البر كويس انك عرفت ان فيه زنن بسس روووعه واشكر مرورك

اخي حمد 808
راح يعجبك جداااا ومبروك بس اتذكرني إذا عجبك بالليل الاظلم واشكر مورورك

[ابوالدعزي]

مشكور اخوي طائر الصحراء على التوصيه الجميله منك في نوع الكشاف
ورحت للبطحاء واخذت النوع الموجود في الموضوع بسعر 105 ريال وعجزت عن المكاسر معه يقول سعره ثابت يعني سعر بيبسي :) عموماً عنوان المحل اللي اخذته منه البطحاء اسواق جمال اللي بجنب كوبري المشاة البوابه الجنوبية اول محل على يسارك واول محل على اليمين على مااعتقد اسمه العبيد للالكترونيات ترى البياع يماني والعمال هنود وزي ماقال اخوي طائر الصحراء انحش من البنقاليه لو يقولك بريال :) وعلى فكرة لاتتعب وتدور في غير هالمبنى لاني درت عماير الراجحي من شمال لين جنوب مالقيت الا في هالسوق يعني ريح مخك ورح للمحل على طول ،،،
واسف على الاطالة واكرر شكري لصاحب الموضوع عسى ا لله مايحرمه الاجر
ودمتم بخير