صياح الطير.......

[السكب 001]

السلام عليكم ورحمه الله وبركاته...
تخبرون مانستقني حنا فزعتكم ومشورتكم وباقيت اعرف الحل مع صياح الطير والخوف الي فيه والله اني بديت اكره الطير من صياحه .....
الي يعرف حل له الله لا يهينه يعلمنا..مع العلم انا نوع الطير جير شاهين تكفون فزعتكم...



اخوكم
السكب 001

[جارح العين]

شل الطير اوقات طويله ومسح عليه كل يوم حتى يحس بالامان
وهذا الي عندي..

[نواف السبيعي]

السلام عليكم
اخوي السكب001
الطير يبيله نقله انشاالله انه يزين.

[السفيرنواف]

الله يعينك على صياحه

[كحيلان 2006]

والله يا اخوك انا سمعت ولا ادري هو صحيح أو لا تحط شطه او فلفل اذا صاح في ثمه . والله أعلم

[قلب ذيب]

شطه اوفلفل !! شي عجيب هههههههه
صياح الطير من العادات السيئه في الطير , ويصيح الطير نتيجة تجويعه وقت تدهيله ! او نتيجة شيكه من طير أخر او تعلمه الصياح من طير أخر و او كرهه للبرقع كلها امور تؤدي الى صياح الطير 0
وقد بحل الصقاريين في معالجة صياح الطير , لكن زيادة علف الطير ونقله على اليد ربما يقلل من صياحه
انا عندي طير صياح وبلشان به وخايف يعلم طيوري الصياح الله يعين !؟

[قناص الحبارى]

أخوي السكب 001

السلام عليكم ورحمة الله وبركاته

خله مبرقع أطول مده وعش الطير وهو مبرقع لمده أسبوع الى 10 أيام وبأذن الله يسكت ولا عاد يصيح


تقبل مني أجمل تحيه


أخوك / ابو عبدالعزيز

[y5393y]

معالجة صياح الطير زيادة علف الطير ونقله على اليد

هذي ما جربتها بس حلوه الفكره راح اجربها
خله مبرقع أطول مده وعش الطير وهو مبرقع لمده أسبوع الى 10 أيام وبأذن الله يسكت ولا عاد يصيح
مشكورين

[المغتر]

اخوي الي ذكر الشطه ..
انت راعي طير ولا شكشوكه ؟ :)
انتبه يا راعيه تعطيه شطه ولا غيرها تراها تذبح الطير القولون حقه ما يتحمل حرارتها وربي خلقه آكل للحوم.
ويا عزيزي الجير بشكل عام كان بيور او هاف ان هاف او ثري كوارتر الصياح منه يصير طبع بحكم التفريخ ويعلفون الفروخ بجنب بعض .

هناك حل ب 500 درهم في مستشفى ابوظبي للصقور يشيلون حباله الصوتيه وهذا الحل الافضل للطير المزعج.

[شبراق]

الصياح مشكلة وذا كان يصيح بكل الاوقات مالك الى تشيل الحبال الصوتية

[بو هاشم]

اخوي الي ذكر الشطه ..
انت راعي طير ولا شكشوكه ؟ :)
انتبه يا راعيه تعطيه شطه ولا غيرها تراها تذبح الطير القولون حقه ما يتحمل حرارتها وربي خلقه آكل للحوم.
ويا عزيزي الجير بشكل عام كان بيور او هاف ان هاف او ثري كوارتر الصياح منه يصير طبع بحكم التفريخ ويعلفون الفروخ بجنب بعض .

هناك حل ب 500 درهم في مستشفى ابوظبي للصقور يشيلون حباله الصوتيه وهذا الحل الافضل للطير المزعج.
زين كيف لا جيت ابي ادخله الى بوظبي ايش الاجرات النظاميه
تقبل خالص تحياتي

[المغتر]

الله اعلم ان اخوي المري ابخص با التصاريح و الاوراق لكن الشهادة الصحيه و جواز سفر الطير ضرورية ودام الي معك تفريخ اتوقع معه شهاداته وتقدر تتأكد عن طريق المنفذ بواسطة الهاتف .

اتمنى اني افدتك :)

[السكب 001]

الله لا يهينكم عزا الله انكم ماقصرتوا.....

تقبلوا تحياتي..
اخوكم السكب001