المساعد الشخصي الرقمي

مشاهدة النسخة كاملة : الصتمه 85 فايروخ اللى عنده خبره فيها يفزع لى


ميراج
08/09/2003, 12:09 PM
السلام عليكم ورحمة الله وبركاته

انا عندى بنادق ام صتمه كلها ديانا من النوع القديم بدون قفل مقاس 24 - 27 - 35

وذا السنه مع ضروف التفتيش والتشديد على التصاريح إضطريت انى أشترى صتمه جديده ولازم اشترى مقاس مهوب عندى نصحنى واحد من الاخوان ب 85 فايروخ وأشتريتها بى 1200 ريال وصراحه ممتازه
راكده وقرار ولاتردها الغصون وتقدر ترمى الدخل مع الراس بكل سهوله0

ولاكن المشكله القفل اللى فيها اخوكم ماتعود على القفل

كل ما عيرت ابا ارمى ولاها مقفله ورفعت ضغطى صراحه
الله يجزاكم خير اللى عنده طريقه تلغى القفل وهو فى محله يعنى ما يصير مكانه فاضى يفزع للى بشرح

مفصل الله لايحرمه الاجر ويجعل الصيد بوجهه دايم
الخبير
08/09/2003, 02:25 PM
السلام عليكم
انا عندي 85 من حول 10 سنوات، وحتى الآن أستخدمها . ممتازة بالحيل.
ترى زر القفل هذا مهوب عيب ولكنه ميزة، يعني أحياناً تبي تصوب على طير ويوم تجهزت طار، طيب الرصاصة مازالت داخل السبطانة وممكن مع أي طقة قوية تنطلق ولو إنها راحت في شجرة ولا حصاة ماهي مشكلة، لكن البلوى لو راح فيها عزيز.
ميراج
08/09/2003, 03:14 PM
الاخ المشرف ( الخبير) وعليكم السلام
شكرا على مرورك على الموضوع والرد

وكلامك صحيح القفل ميزه بس انا قديم وبنادقى قديمه مثلى

عجزت اخوى اتعود عليه والله حاولت اتعود عليه ولاكن بى يروح موسم النزل وأنا وهالقفل مالى الا اشوف كود واحد من الاخوان يذكر لنا طريقه نلغى القفل

تسلم اخو وبيض الله وجهك
راع الشعثآ
28/02/2012, 10:47 PM
مشكووور على الموضوع الرائع ..
من وين شريتها لاني ابي اشري ...
معزز رماي
28/02/2012, 11:25 PM
ممتازه مررررررره 85
الصارم66
29/02/2012, 03:24 AM
اسعد الله مساك اخوي والقفل اذا تبي تلغيه سهل جدا
انا اخبرك كيف تلغيه وارتح منه ولو اني ما اشجعك على الغائه
عندك خابورين حقت مجموعة الزناد فكها وتطلع معك المجموعه
وبينقز معك الزناد والسبرنق الصغير حقه شيله وبعدها رجع المجموعه زي ماهي وركب خوابيرها
وبكذا تصير البندق بدون امان ولكن وانا اخوك كلنا عانينا من هالمشكله الين تعودنا من نمد البندق نطق الاماان

تقبل مروري واحترامي

ولو فيه اي استفسار انا حاضر
راكان المدلول
03/09/2014, 03:53 PM
السلام عليكم .. كيف الحال اخوي ؟
حبيت اسالك عن الفايروخ 85 .. ناوي اشريلي وحدهه هاليومين
فـ وش مميزاتها ووش عيوبها ؟ يسعدك ربي , ومعليش على كثرة الاسئلة ..*
وهل تنصحني بها ... !!!!
المتلولس
03/09/2014, 04:12 PM
اخوي ميراج انا كنت مثلك ماتعودت على القفل واخذت بندق جديدة فيها امان طبعا هالكلام قديم بالبدايه تعبت مثلك لكن تعودت عليها
ابو وغش
03/09/2014, 05:18 PM
موضوع له عشر سنين هههههههههههههههههههه