طير شلوىuae
16/11/2007, 11:00 AM
أسواق الصقور ما شاء الله في الخليج كثيره و أكثرها في السعودية ثم الامارات وعندك الكويت و قطر و السوق ماشي والحمد لله لاكن فيه ناس جدد للهوايه حبوا القنص بعد تفكير عزم الشاب يشتري طير...كيف تختار الطير الجيد وأنت مبتدئ.... هناك عدة طرق منها:
اول شي اسأل عن أسواق الطيور وسأل عن الناس إلي يبيعون فيها وسأل عن الصقاره المعروفين بالصدق والوفا يعني ما تروح محل ولا عند صقار يغشك بطير وانت مبتدئ ما تعرف ....وافضل شي تشوف الطير إلي ودك تشتريه بالمدعى يعني تشوف فعله وطبعه .... لأن عينك ما بتغشك...
بعدين اشرط على الرجل المشتري من عنده شروط ما على ورق او يكون عندك شهود عشان بعض الصقاره ما عدهم ذمه يقولك الطير صاد و صاد والطير ما صاد حمامه....فالشروط افضل لأن ما اوله شرط آخره نور..
ثانيا شوف الطير تأكد من سلامة منسره و سلامة ريشه من الكسر او الطفيليات وشوف كف الطير اذا مابه حفاه او سومار والحفاه عباره عن قروح مثل العفن في باطن الكف من تشوف كف الطير من الاسفل تعرفها...وتمعن بعين الطير لأن العين تكشف الطير اذا به مرض...شيل الطير على كفك وحركه شم ريحة فمه اذا كان به ريحه ترى الطير مريض اما بقلاع او رداد وشوف وقفة الطير اذا شفت الطير وقفته كأنه متاكي على عصى ..روووووووح بعيد...
صفات الطير الجيد:
صفات الشاهين :
المختار من الشاهين الأسود إذا كان عظيم الهامة واسع العين حادها سائل السفعتين تام المنسر طويل
العنق رحب الصدر ممتلئ الزور عريض الوسط جليل الفخذين قصير الساقين قريب ألعقده من الفقار
طويل الجناحين قصير الذنب سبط الكف قليل الريش لينة. تام الخوافي
صفات الصقر الحر:
إن يكون عضيم ألهامه دامع العين تام المنسر طويل العنق رحب الصدر ممتلي الزور عريض الوسط جليل
الفخذين قصير الساقين قريب ألعقده من الفقار طويل الجناحين قصير الذنب سبط الكف اسود اللسان .
ومتي توافرت له هذه الصفات فانه يجمع " الفراهه والوثاقه والسرعة "
وهاي الصفات ترفع قيمة الطير اذا توافرت فيه
ثالثا ما دمت مبتدئ لا تشترى الطير الغالي لأنه ممكن يكون ما يسوى او قلة الخبره في معاملت الطير تخرب اطباعه ويصير الطير ما يسوى الكثير......بعدين هناك نقطه لا تظن ان كل طير غالي جيد ولا كل طير رخيص ردئ انا شخصيا ماخذ طير العام قرموشة حرار بـــ1500درهم والطير بعد ما دربته وجهزته صاد ارانب و صاد كراوين يعني اوقات تحصل طيور ممتازه بس ما تم الاهتمام بها من قبل راعيها القديم
ماهي افضل الطيور للمبتدئ؟؟
سؤال يدور في ذهن كل مبتدئ انا انصح بالوكارا لكل مبتدئ لانها تتعلم بسرعه وتتحمل الشده و أنصح كل مبتدئ لا ياخذ شاهين ألين يعرف امور القنص و التدريب لأنه معروف يتأثر بسرعه و تدريبه شوي صعب ....
وقبل ما تبدأ بالهوايه إتبع الحكمه الذي تقول:
"إسأل مجرب ولا تسأل طبيب"
اول شي اسأل عن أسواق الطيور وسأل عن الناس إلي يبيعون فيها وسأل عن الصقاره المعروفين بالصدق والوفا يعني ما تروح محل ولا عند صقار يغشك بطير وانت مبتدئ ما تعرف ....وافضل شي تشوف الطير إلي ودك تشتريه بالمدعى يعني تشوف فعله وطبعه .... لأن عينك ما بتغشك...
بعدين اشرط على الرجل المشتري من عنده شروط ما على ورق او يكون عندك شهود عشان بعض الصقاره ما عدهم ذمه يقولك الطير صاد و صاد والطير ما صاد حمامه....فالشروط افضل لأن ما اوله شرط آخره نور..
ثانيا شوف الطير تأكد من سلامة منسره و سلامة ريشه من الكسر او الطفيليات وشوف كف الطير اذا مابه حفاه او سومار والحفاه عباره عن قروح مثل العفن في باطن الكف من تشوف كف الطير من الاسفل تعرفها...وتمعن بعين الطير لأن العين تكشف الطير اذا به مرض...شيل الطير على كفك وحركه شم ريحة فمه اذا كان به ريحه ترى الطير مريض اما بقلاع او رداد وشوف وقفة الطير اذا شفت الطير وقفته كأنه متاكي على عصى ..روووووووح بعيد...
صفات الطير الجيد:
صفات الشاهين :
المختار من الشاهين الأسود إذا كان عظيم الهامة واسع العين حادها سائل السفعتين تام المنسر طويل
العنق رحب الصدر ممتلئ الزور عريض الوسط جليل الفخذين قصير الساقين قريب ألعقده من الفقار
طويل الجناحين قصير الذنب سبط الكف قليل الريش لينة. تام الخوافي
صفات الصقر الحر:
إن يكون عضيم ألهامه دامع العين تام المنسر طويل العنق رحب الصدر ممتلي الزور عريض الوسط جليل
الفخذين قصير الساقين قريب ألعقده من الفقار طويل الجناحين قصير الذنب سبط الكف اسود اللسان .
ومتي توافرت له هذه الصفات فانه يجمع " الفراهه والوثاقه والسرعة "
وهاي الصفات ترفع قيمة الطير اذا توافرت فيه
ثالثا ما دمت مبتدئ لا تشترى الطير الغالي لأنه ممكن يكون ما يسوى او قلة الخبره في معاملت الطير تخرب اطباعه ويصير الطير ما يسوى الكثير......بعدين هناك نقطه لا تظن ان كل طير غالي جيد ولا كل طير رخيص ردئ انا شخصيا ماخذ طير العام قرموشة حرار بـــ1500درهم والطير بعد ما دربته وجهزته صاد ارانب و صاد كراوين يعني اوقات تحصل طيور ممتازه بس ما تم الاهتمام بها من قبل راعيها القديم
ماهي افضل الطيور للمبتدئ؟؟
سؤال يدور في ذهن كل مبتدئ انا انصح بالوكارا لكل مبتدئ لانها تتعلم بسرعه وتتحمل الشده و أنصح كل مبتدئ لا ياخذ شاهين ألين يعرف امور القنص و التدريب لأنه معروف يتأثر بسرعه و تدريبه شوي صعب ....
وقبل ما تبدأ بالهوايه إتبع الحكمه الذي تقول:
"إسأل مجرب ولا تسأل طبيب"