عشقي للبر والطلعات يفقدني كثيرا من ربعي ياترى ليش.؟

[الرسن]

انا اخوكم الرسن راعي طلعات وفلة حجاج احب البر وعلومه واحب اعضاء مكشات كلهم لأني احس انهم قرمين سنافيه ينحطون على اليمنى بس المحيط والمجتمع اللي انا فيه يبي كشته نص يوم ويرجع وانا احب افلها يومين ثلاثة اربعه خمسة مافيه مانع مع ان عندي عمل وموظف وربعي واجد بس قليل اللي يبي منهم البر والطلعات الطويلة حدهم الطعوس اللي وراء العاذرية من عصر الخميس الى الفجر ليلة جمعة بس.
ياجماعة نبي الدهناء نبي نروح يمين يسار ماحولك احد حتى في الاجازات زي الاعياد واجازة الاوبك ذا الايام لموظفي الرياض ابيهم يطلعون ماحولك احد يعني حدهم ايام الاسبوع استراحة والا المراح حق الابل لواحد من شلة الاستراحة على طريق صلبوخ.
وبعدين لاحظت ان ربعي عندهم زوجات يديرونهم بالريموت كنترول يعني مثلا واحد منهم تقول له زوجته ماابيك تطلع مع فلان لوحدك ليش الى هالدرجة تخاف عليه صراحة تحيرت حول هالحالة؟؟؟؟؟؟؟!!!!!!
والثاني تقول له زوجته رجلي على رجلك اذا بغيت تطلع للبر ويتعذر بخيركم وانا خيركم لاهله.!!
والثالث يقول الوالدة وهذا معذور بس امه دائم تشتكي من قعوده في البيت لأني اعرف امه زين (قريبة)طبعا متزوج بس عذر امه معه من قبل زواجه وصار عذر دارج بعد زواجه ولازال التفعيل مستمرا (يعني يحب القعود مع المدام دائما) قلت طيب اكشت انت وياها قال الظروف ماتناسب.!!!
طيب انا عطيتكم ثلاث حالات لربع لي اعرفهم زين ويمكن يشوفون الموضوع ويعصبون علي بس انا معلمهم اني ابا اناقش الموضوع معكم في مكشات بطريقة حضارية وياليت ياشباب مكشات القرمين تتحفونا بما لديكم من تحف مشابهه للتحف الثلاث اللي عندي.
ةاعذروني للتطويل عليكم ومعالسلامة

[ابوسلطان90]

السلام عليكم
يا اخي ليس كل اصحابنا ملزمون بطلعه البر. فيه ناس كثير ما تحب البر وليس هذا نقص في الرجوله لاسمح الله ولكن ليس هناك ميول.
ونصيحتي لك اذا كنت راعي بر دورلك ناس راعين بر واترك اصحابك في حالهم.

[الساهر2003]

السلام عليكم
الحل موجود وواضح جدا وهذا الحل استخدمه حالين مع الشباب والمثل يقول (اصبع اليد ليست سوا) ربعك انا عارف انك تغليهم وتبيهم معك في رحلاتك الطويلة ولكن تقبل اعذارهم وامش معهم لثمامة فقط ولا تعدابهم غيرها حتى لا تتصادم انت معهم في شيي وكل واحد ينام على الجنب اللي يريحه وابحث لك عن اصحاب وخصصهم لرحلات الطويله والقصيره واما السابقين فلرحلات القصيرة فقط وعاملهم على قدر امكانياتهم النفسية والضغط يولد الانكسار والنحشه والتصريف
ونصيحة لا ترتبط بمجموعة واحدة نصيحة او خلك نمر وحيد انت وجيبك والعزبة اذا ماطلع معك احد منهم والجايات اكثر من الرايحات ولا تكثر او تكرر الطلعات كثير مع مجموعة واحدة في وقت قصير يكون فيها ملل وعلوم وحكي مكرر
ونفس المشكلة اعاني منها مع بعض الشباب معي وبعضهم يقول حدي ساعتين فقط لا تبعد وهذا المرض بدى ينتشر مثل مرض كرة القدم هل ترى الشباب يلعبون كرة القدم مثل اول مالين الشوارع والبر الان يلعبون كورة بالسوني وراح يكون فيه كشتات طويله وهم القائمين عليها بالسوني
مع اطيب تحية لك ولربعك

[البّري]

اخوي البر ما كل يرغبه

ففيه من الناس يحب يهبك له اسبوع اسبوعين ومبسووووووووووط
وفيه منهم من يحب يطلع وحده يومين ثلاثه
ومنهم يقول تالي نهار وبس
وبعضهم حده نهاية الزفلت
وفيه منه مثل السمكه لا يخرج من عامر المدينة حتى السفر ما يسافر الا بالطياره

وانت وانا اخوك اعذرالربع اللي يتعذرون بهذه الاعذار فكل وظرفه

واذا بغيت تطلع البر فاختر من ربعك الاخيار
الذين يحرصون على الصلاة اكثر من حرصهم على طلعة البر
القروم اللي يفز قبل تأمره
اريحي النفس
سهل الانقياد

هذا ما لدي بهذا الخصوص وترى الناس اجناس واصابع ايدك ماهي واحد وخلك صديق عذار

تقبل مرور اخوك البرّي

[الساهر2003]

السلام عليكم
يا اخي ليس كل اصحابنا ملزمون بطلعه البر. فيه ناس كثير ما تحب البر وليس هذا نقص في الرجوله لاسمح الله ولكن ليس هناك ميول.
ونصيحتي لك اذا كنت راعي بر دورلك ناس راعين بر واترك اصحابك في حالهم.


اخي ابو سلطان صاحب الموضوع لم يتعرض لرجولة وليست الرجوله محصورة فيمن يطلع للبر ولكن هو يريد اصحابه مخاواته للبر وبدون التعذر باعذار غير مقبولة لديه وهو ادرى بهم منا ولكن طلب الاستشارة والحل في امرهم هذا فقط والباقي تمام وهو يصلح وياهم
وهذه المشكلة تهون عند غيرها من المشاكل وبعض الشباب الله يهدية يطلع البر كانه ضيف او عروس لا يلمس شيي ويجي بثوبه فقط وياخذ فروتك اذا ابرد الجو وهذا وش تقول فيه

والمعذره منك ياصاحب الموضوع ومن الجميع في الرد والتعليق لتحمسي في هذا الموضوع ولا تشكي لي ابكيلك

[escape_man]

الحال من بعضه ... بل الحال عندك افضل

لكن الي رزقه الله بزوجة وعيال .. يلتفتلهم ابرك من مصالى ناس تخالفه رغبته وهواه

دايم دايم اقول لربعي الي يشبهون ربعك :) ... الواحد يشري سعة الصدر بقروش وانتم

مقابلين هالدشوش ولا بلوت وطقاق ولا رابضين عند حريمكم ..

اطلع وفل الحجاج ياطويل العمر وخلهم لان ممشاشاهم في ديرة مهيب ديرتهم وجو مهوب جوهم يجيبلك السكر والضغط

[NuMaS]

أخي الكريم الرسـن شـف هـ الرابـط

http://www.mekshat.com/vb/showthread.php?p=1245899#post1245899

تقـبل مـروري و تـحــياتي

للتواصل: V.8.4X4@hotmail.com

[ابوعزوز]

والله اخي الرسن :
كفو انت وربعك لكن اذا تبي تطلع اعلن في مكشات وانا وشباب حاضرين نخاويك
ملاحظة
معظم الشباب يعانون من نفس المشكلة لكن ابحث لك عن اصحاب للبر مثل ما قال اخي الساهر 2003و اصحاب السفر . اهم شي احرص على الطيبين المصلين الي يعينونك على الخير وكلهم فيهم خير ان شاء الله

[إعصار]

ايييييييييه ..

طحت على الجرح ..


لكن وانا اخوك لا تقطع اخوياك مهما كان ..


بس شف لك ربع طيور بر ..


تروح انت واياهم متى مابغيت .


وربعك لا تقطعهم ..


ولاتنسى قاعدة مهمة .. كل نفس وماتهوى ..:)


والله يوفقنا واياكم لصالح ..

[ابوفيصل200]

مثل ما قالوا الاخوان الناس يختلفون في رغباتهم بس اهم شي انك ما تلزم على خويك بالطلعة وهو ما وده يطلع للبر لو تغرز السيارة قعد يقول ذبحتونا لو اني قاعد في بيتنا كان احسن لي

[برق4]

اخي العزيز/ الرسن
كما تفضل الأخوان حاول ان يكن لديك اكثر من شلة مثلي تماما"انا عندي زملاء لو تقوله نبي نكشت يومين بالبر انصرع من الصدمة لأنه متعود على شي اسمه اتيكيت وجلست نفود الثمامه هذا اكثر شي ... وهذا لا ينقص من قدر الرجل ولا من رجولته بس هذا اللي الله عطاه وهوايته ...
وفيه بشكة ثانيه انا انحاش منهم من كثر جلستهم ومكشاتهم بالبر ونومهم ومتى ما اشتهيت البر نسقت معهم بالجوال واخذت الأحداثيه ومعاميلي وطبيت عليهم ... وكذا انا مرتاح مررة ...
وعلى فكرة ربعي راعين الثمامة طبعا ما يطلعون بالشهر الا مرة بدئو يدمنون وودهم يطلعون ينامون لمدة يوم لاحظ يوم بالبر بتقولي ليش راح اقولك ...؟
حاول اذا طلعت مع المجموعة الثانية وغبت لك كم يوم انك تقص للمجموعة الأولى لهم القصص ووش شفتو والحليب اللي حلبتوه وغتبقتوه المغرب وقومة الفجر وشبت النار والزنجبيل والحلبة وما لها من دور مهب بسيط على الجسم وقرص الجمر والذبيحة اللي شريتوها وصلختوها وطبختم ونفختم ( خل عيونهم تقبقب ) من الأنبهار ولا يمنع تصور لهم وتوريهم بالكمراء راح تلاحظ انهم بدو يخربون ويتشوقون ويرغبون المبيت بعد ذلك تكون خربت طباعهم وهم ما يدرون .... :D :D :D وحاول انك ما تقص لهم قصص العقارب والديبان .. عساس ردات الفعل :no2: فهذه طيبه لجلبهم معك ....
ارجو ان اكون كفيت ووفيت ;) وخلك لبيب وفهيم .... مع تحيات اخوك برق4.

[الرسن]

السلام عليكم
يا اخي ليس كل اصحابنا ملزمون بطلعه البر. فيه ناس كثير ما تحب البر وليس هذا نقص في الرجوله لاسمح الله ولكن ليس هناك ميول.
ونصيحتي لك اذا كنت راعي بر دورلك ناس راعين بر واترك اصحابك في حالهم.

ابو سلطان
حياك وهلا بك
صحيح كل اصحابنا ماهو ملزومين بطلعات البر وحنا مانناقش النقطة هاذي اللي نقوله هو ان بعض الناس يواعدك ويقول معك لو تبي المريخ واذا جت حزت الموعد عطاك ركبة بعير ويجيك باعذار واهيه مالها سنع.
تدري مع السلامة

[الرسن]

السلام عليكم
الحل موجود وواضح جدا وهذا الحل استخدمه حالين مع الشباب والمثل يقول (اصبع اليد ليست سوا) ربعك انا عارف انك تغليهم وتبيهم معك في رحلاتك الطويلة ولكن تقبل اعذارهم وامش معهم لثمامة فقط ولا تعدابهم غيرها حتى لا تتصادم انت معهم في شيي وكل واحد ينام على الجنب اللي يريحه وابحث لك عن اصحاب وخصصهم لرحلات الطويله والقصيره واما السابقين فلرحلات القصيرة فقط وعاملهم على قدر امكانياتهم النفسية والضغط يولد الانكسار والنحشه والتصريف
ونصيحة لا ترتبط بمجموعة واحدة نصيحة او خلك نمر وحيد انت وجيبك والعزبة اذا ماطلع معك احد منهم والجايات اكثر من الرايحات ولا تكثر او تكرر الطلعات كثير مع مجموعة واحدة في وقت قصير يكون فيها ملل وعلوم وحكي مكرر
ونفس المشكلة اعاني منها مع بعض الشباب معي وبعضهم يقول حدي ساعتين فقط لا تبعد وهذا المرض بدى ينتشر مثل مرض كرة القدم هل ترى الشباب يلعبون كرة القدم مثل اول مالين الشوارع والبر الان يلعبون كورة بالسوني وراح يكون فيه كشتات طويله وهم القائمين عليها بالسوني
مع اطيب تحية لك ولربعك

حي الله الساهر راعي تمير
مشكور على وجهة النظر الطيبة وانا معك ان الواحد مايلتزم بمجموعة وحدة بس تبي الصراحة ترى الدنيا معاناة فيه ربع تعرفهم ويعرفونك ويعرفون وزنيتك ومزاجك وانت تعرف مزاجيتهم ووزنيتهم يقدرونك وتقدرهم يعني معرفة عمر منذو ايام الدراسة الابتدائية اذا طلعت معهم تصير الطلعة كنك في البيت تمون على اكبرهم واصغرهم.
اعطيك مثال واحد من الشباب لزم علي مرة بمخواته لربع له طالعين قبله في الدهناء ليومين وافقت على مضض يعني مجامله رحنا هناك مالقيت منهم الا واحد اعرفه يعني ماخذت راحتي معهم جاملت الين انقضت اليومين لأن الرسمية تطغى في مثل هالطلعات.
وزي ماقلت لك المشكلة في ركبة البعير من اللي يواعدك يطلع ويوم يجي الموعد يتعذر باعذار تقرفك من كثر تكرارها.
معالسلامة

[سفير الصمان]

أبشر باللي يطلع معلك أن بغيت شهر وأي مكان وأن بغيت للربع الخالي ماعندي مانع وأنا نفسك اعاني من نفس المشكلة ربعي حدهم طلعة بعد صلاة العشاء للثمامة وجاي ( أخوك عاشق الصمان )

[abood]

الصراحه جيت على الجرح موضوعك طيب تقدر تقول نفس الي تعانيه
عندي شباب كل ماقولهم خلونا نطلع ناخذلنا يومين بالبر كأنك تقودهم للسجن حدهم عصريه
لكن فيه غيرهم ذربين لكن يالله تحصل عليهم خاصه في جده والصراحه افكر في الشديد منها وادورلي ديرتن طيبه وناس اطيب اعتقادي هذا الحل

[عاشق الطبخ]

انا معي ناس في الصيف الشانزليزية والهايد بارك وجونيه يدورون


وفي الشتاء التنهات وطعوس سعد والغضاء وروضة نورة وام رقيبه في وقت البعارين


يعني خليط من الصرقعه واختلاف في العادات للمعلومية حنا نشرب كبتشينو في الطعوس

ونقدع في الشانز مع قهوة عربي يعني ماخذين الدعوة بسط وهواء

[ابوقاسم]

اخي العزيز/ الرسن

كما تفضل الأخوان حاول ان يكن لديك اكثر من شلة مثلي تماما"انا عندي زملاء لو تقوله نبي نكشت يومين بالبر انصرع من الصدمة لأنه متعود على شي اسمه اتيكيت وجلست نفود الثمامه هذا اكثر شي ... وهذا لا ينقص من قدر الرجل ولا من رجولته بس هذا اللي الله عطاه وهوايته ...
وفيه بشكة ثانيه انا انحاش منهم من كثر جلستهم ومكشاتهم بالبر ونومهم ومتى ما اشتهيت البر نسقت معهم بالجوال واخذت الأحداثيه ومعاميلي وطبيت عليهم ... وكذا انا مرتاح مررة ...
وعلى فكرة ربعي راعين الثمامة طبعا ما يطلعون بالشهر الا مرة بدئو يدمنون وودهم يطلعون ينامون لمدة يوم لاحظ يوم بالبر بتقولي ليش راح اقولك ...؟
حاول اذا طلعت مع المجموعة الثانية وغبت لك كم يوم انك تقص للمجموعة الأولى لهم القصص ووش شفتو والحليب اللي حلبتوه وغتبقتوه المغرب وقومة الفجر وشبت النار والزنجبيل والحلبة وما لها من دور مهب بسيط على الجسم وقرص الجمر والذبيحة اللي شريتوها وصلختوها وطبختم ونفختم ( خل عيونهم تقبقب ) من الأنبهار ولا يمنع تصور لهم وتوريهم بالكمراء راح تلاحظ انهم بدو يخربون ويتشوقون ويرغبون المبيت بعد ذلك تكون خربت طباعهم وهم ما يدرون .... :D :D :D وحاول انك ما تقص لهم قصص العقارب والديبان .. عساس ردات الفعل :no2: فهذه طيبه

الصراحة كفيت ووفيت
وعندنا وعندك خير
بس الواحد مهوب لاقي كل يوم له صاحب
مرة لحالك ومرة تخاوى مع واحد ومرة مع شلة
والتشكيلة تمشي

[باترول 585]

هلا والله اخوي الرسن
هالحين انت ادور احط يطلع معك اما انا مشكلتي عكس مشكلك انا ربعي با الاستراحه 10 انفار
وياشيخ انت طر بس صمان دهنا شمال حفر انشالله لو تقول برحه جنب البيت جوك كلهم
والمشكله ياخي الطلعه اذا كثرت عن اربعه الصراحه تدمر ومشكلة شلتنا انه مافيه احد ينقص او تفوته كشته الادرجة ان واحد من العيال يدوام معي كد فوت استلام 6 ساعات وعقبه استلم يومين عشان كشته؟
يعني با العربي مشكلت ربعي انهم واجدين وكلهم مهبل بر ومن القهر وودك كل اسبوع تكشت مع واحد لان الواحد بهم عن خمس رجال بس المشكله انهم واجدييييين

واسف على الاطاله

تقبلو تحياتي..

[دغيم1]

السلام عليكم
حياك الله أخي الكريم
بالنسبة لطلعت البر مع شباب لاتتوافق معهم ف الميول الكامل
الأمر سهل جدا
بطبيعة الحال لكل شخص مجموعة أصدقاء مختلفين
منهم أصدقاء الدراسة ، ومنهم أصدقاء العمل ، ومنهم أصدقاء الجماعة والأقارب .
وهكذا
ولابد أن تجد من هذه المجموعات مايوافق رغباتك .
صحيح البر زين والطلعة أكثر من يوم جميلة وخاصة أيام الأمطار والربيع ... الله يجيب الخير
ولكن الناس لها ظروفها والبعض يحب البر ولايستطيع أن يخرج لظروفه القاهرة .
عليك باختيار الصحبة الصالحة التي تعينك على الطاعة والخير
تمنياتي لك برحلات جميلة ورفقة طيبة
تحياتي

[ابـ معزي ـو]

اخوي : الرسن
الله يعطيك العافيه على الموضوع الرائع
والله جبتها على الجرح

والله الحال من بعض .. لكن حالتي غير ..
انا من اهل محافظة عفيف ... وطالب بواحد من هالكليات بالرياض .. كانو شلتي سمن على عسل ..
اعتقد مافيه يوم الا ونطلع للبر .. من كثر مانطلع للبر .. تغيرت لون البشره 100% الله يخلف .. بس وش نسوي لاصرنا هواويه ..
المهم يوم تخرجنا من الثانويه .. انا وخوياي .. تجمعنا بذاك العبله وانا اسولف عليهم اقولهم ياعيال موب لارحتو للرياض تغيرون .. :rolleyes: (( تطورون )) .. عاد اقول لهم تطورو شوي شوي .. بس لاتجدعون البر ابد ..
يوم طبينا الرياض واستجرنا لنا ذاك الشقه اللي تشرح الصدر ..
الا يوم العيال ماطلعو منه ابد :confused:
حتى ماعاد قامو يروحون للديره ابد .. الله يخلف
عاد انت ماودك تلزم على احد ابد ..
خليتهم على راحتهم .. وكل ماقلت لهم مشينا نتغداء على الاقل بحد هالخليان .. كشرو بوجيههم ..
الله يستر علينا وعليهم ..
لكن الحمد لله لقيت لي ناسن شقرديه .. تحطهم على الجرح يبراء .. ومنهم اخوي (( ابو سمحه )) :)
يستهل الذكر بين الرجال والله ونعم ونعم بالرجال كلهم
الله يذكره بالشهاده ويعطيه العافيه ..

لكن مانقول الا كل واحد وراحته
الله يستر على الجميع .. وآسف على الاطاله
تقبل تحياتي

ابـ معزي ـو

[الرسن]

اخوي البر ما كل يرغبه

ففيه من الناس يحب يهبك له اسبوع اسبوعين ومبسووووووووووط
وفيه منهم من يحب يطلع وحده يومين ثلاثه
ومنهم يقول تالي نهار وبس
وبعضهم حده نهاية الزفلت
وفيه منه مثل السمكه لا يخرج من عامر المدينة حتى السفر ما يسافر الا بالطياره

وانت وانا اخوك اعذرالربع اللي يتعذرون بهذه الاعذار فكل وظرفه

واذا بغيت تطلع البر فاختر من ربعك الاخيار
الذين يحرصون على الصلاة اكثر من حرصهم على طلعة البر
القروم اللي يفز قبل تأمره
اريحي النفس
سهل الانقياد

هذا ما لدي بهذا الخصوص وترى الناس اجناس واصابع ايدك ماهي واحد وخلك صديق عذار

تقبل مرور اخوك البرّي

اهلا بالبري
شكرا على مااضفته هنا ولكن انا ماطالبت احد يطلع غصب او يترك ارتباطاته انا اقول لاتواعد في الليل واذا جاء النهار تعذرت باعذار واهيه وهذا الكلام موجه للي يتصفون بهذه الصفة الحرية متروكة للجميع واذا صرت منت طالع مرتاح لاتطلع خلك بدارك او دار اهلك اصرف لك يعني ياخوي البري لماتسمع كلام بعض الشباب اذا صار حول الضوء تقول انه طير بر واذا جاء الصدق لقيت ماعندك احد وياهلا بك ومشكور على الكلام الطيب.
معالسلامة

[الرسن]

مكـ.......بسبب سوء التصفح في الموقع.............رر

[الرسن]

اخي ابو سلطان صاحب الموضوع لم يتعرض لرجولة وليست الرجوله محصورة فيمن يطلع للبر ولكن هو يريد اصحابه مخاواته للبر وبدون التعذر باعذار غير مقبولة لديه وهو ادرى بهم منا ولكن طلب الاستشارة والحل في امرهم هذا فقط والباقي تمام وهو يصلح وياهم
وهذه المشكلة تهون عند غيرها من المشاكل وبعض الشباب الله يهدية يطلع البر كانه ضيف او عروس لا يلمس شيي ويجي بثوبه فقط وياخذ فروتك اذا ابرد الجو وهذا وش تقول فيه

والمعذره منك ياصاحب الموضوع ومن الجميع في الرد والتعليق لتحمسي في هذا الموضوع ولا تشكي لي ابكيلك

شكرا يالساهر على التوضيح لقد اجدت وافدت
معالسلامة

[ابو عمر النوح]

السلام عليكم
أنا رأيي إن الكشتة للبر بالذات لازم تكون بنفس طيبة و إلا لا يطلع معك لأن الأصل فيها سعة الصدر و فلة الحجاج و كونه يكون معكم واحد شايل هم الرجعة للديرة هذي تضيق الصدر و من باب الصداقة ما ودك تعاند و تخليه على غير رغبة منه و أيضا ما ودك تترك سعة الصدر و ترجع عشان واحد .

[بخار الماء]

برأي أن حياة المدينة قللت من الطلعات للبر وأيضا لقلة الأمطار والربيع
وأخيرا كل يغني على ليلاه
وبارك الله فيك

[الرسن]

الحال من بعضه ... بل الحال عندك افضل

لكن الي رزقه الله بزوجة وعيال .. يلتفتلهم ابرك من مصالى ناس تخالفه رغبته وهواه

دايم دايم اقول لربعي الي يشبهون ربعك :) ... الواحد يشري سعة الصدر بقروش وانتم

مقابلين هالدشوش ولا بلوت وطقاق ولا رابضين عند حريمكم ..

اطلع وفل الحجاج ياطويل العمر وخلهم لان ممشاشاهم في ديرة مهيب ديرتهم وجو مهوب جوهم يجيبلك السكر والضغط

escape_man
كلامك صحيح بس تعرف جو العيال والزوجة مختلف عن الربع والاصحاب مع ربعك تناقش بامور عامة وتاخذ وتعطي وتكتسب بينما مع عيالك انت المعلم والقدوة تعطي وتاخذ غالبا في امور تخص حياتك وبيتك
وزي ماتفضلت غلبت الدشوشش والاستراحات والراحة زينه للبعض
اذكر مره قلنا لواحد اكشت معنا يافلان قال بشرط ابجيب معي عامل يشيل عني ويحط اذا بغيتو تهجولون في هالبران
مشكور يا escape_man على المشاركة ومع السلامة

[بحر الظلمات]

مشكور اخوي الرسن على هذا الموضوع الجميل اللذي يعانون منه كثير من الشباب
واضح انك تعودت على ناس معينين علاقتكم قويه معهم وماتبي تروح مع غيرهم
طيب وش رايك انك تحاول تغير من نفسك يعني تصير زيهم

وشكرا

[الرسن]

أخي الكريم الرسـن شـف هـ الرابـط

http://www.mekshat.com/vb/showthread.php?p=1245899#post1245899

تقـبل مـروري و تـحــياتي

للتواصل: V.8.4X4@hotmail.com


V.8.4X4
اتتني هذه الرسالة ادناه واعتذر منك شرفني مرورك
معالسلامة

الرسن, لا تملك تصريح بدخول هذه الصفحة. قد يكون هذا أحد الأسباب التالية:

حسابك قد لا يكون فيه إمتيازات كافية لدخول هذه الصفحة. هل تحاول تعديل رسالة عضو آخر, دخول ميزات إدارية أو نظام متميز آخر؟
إذا كنت تحاول المشاركة, ربما قامت الإدارة بحظر حسابك, أو لا يزال حسابك بإنتظار موافقة الإدارة.

[الرسن]

والله اخي الرسن :

كفو انت وربعك لكن اذا تبي تطلع اعلن في مكشات وانا وشباب حاضرين نخاويك
ملاحظة

معظم الشباب يعانون من نفس المشكلة لكن ابحث لك عن اصحاب للبر مثل ما قال اخي الساهر 2003و اصحاب السفر . اهم شي احرص على الطيبين المصلين الي يعينونك على الخير وكلهم فيهم خير ان شاء الله


هلا ابو عزوز
علمك طيب ورايتك بيضاء بيض الله وجهك يابو عزوز وجعلك ماتفقد غالي واحب اشكرك على اريحيتك وطيبك .
ومثل ماقلت الكثير يعانون من هالمشكلة ومالنا الا الصبر على الاصحاب والاحباب ومعرفة الرجال تجارة
معالسلامة

[الرسن]

ايييييييييه ..
طحت على الجرح ..
لكن وانا اخوك لا تقطع اخوياك مهما كان ..
بس شف لك ربع طيور بر ..
تروح انت واياهم متى مابغيت .
وربعك لا تقطعهم ..
ولاتنسى قاعدة مهمة .. كل نفس وماتهوى ..:)
والله يوفقنا واياكم لصالح ..

إعصار
شكرا على ماتفضلت به وبالتأكيد ماراح نقطع الربع والاصحاب ومالنا الانتحمل ومالك الاخشمك ولو انه عوج
وانت عارف اذا صار الواحد طير بر قلبه يفز دائم بس الامور ماتجي على الكيف
معالسلامة

[الرسن]

مثل ما قالوا الاخوان الناس يختلفون في رغباتهم بس اهم شي انك ما تلزم على خويك بالطلعة وهو ما وده يطلع للبر لو تغرز السيارة قعد يقول ذبحتونا لو اني قاعد في بيتنا كان احسن لي

ابو فيصل
مشكور ...ربعنا فوق ذا المستوى اذا طلعو مايردهم الا الحد بس مشكلتهم متى يصملون وهذا بلا ابوك ياعقاب ترى المعنى على الصملة وياكثر اللي يتراجع في اللحظة الاخيرة.

معالسلامة

[الرسن]

اخي العزيز/ الرسن

كما تفضل الأخوان حاول ان يكن لديك اكثر من شلة مثلي تماما"انا عندي زملاء لو تقوله نبي نكشت يومين بالبر انصرع من الصدمة لأنه متعود على شي اسمه اتيكيت وجلست نفود الثمامه هذا اكثر شي ... وهذا لا ينقص من قدر الرجل ولا من رجولته بس هذا اللي الله عطاه وهوايته ...
وفيه بشكة ثانيه انا انحاش منهم من كثر جلستهم ومكشاتهم بالبر ونومهم ومتى ما اشتهيت البر نسقت معهم بالجوال واخذت الأحداثيه ومعاميلي وطبيت عليهم ... وكذا انا مرتاح مررة ...
وعلى فكرة ربعي راعين الثمامة طبعا ما يطلعون بالشهر الا مرة بدئو يدمنون وودهم يطلعون ينامون لمدة يوم لاحظ يوم بالبر بتقولي ليش راح اقولك ...؟
حاول اذا طلعت مع المجموعة الثانية وغبت لك كم يوم انك تقص للمجموعة الأولى لهم القصص ووش شفتو والحليب اللي حلبتوه وغتبقتوه المغرب وقومة الفجر وشبت النار والزنجبيل والحلبة وما لها من دور مهب بسيط على الجسم وقرص الجمر والذبيحة اللي شريتوها وصلختوها وطبختم ونفختم ( خل عيونهم تقبقب ) من الأنبهار ولا يمنع تصور لهم وتوريهم بالكمراء راح تلاحظ انهم بدو يخربون ويتشوقون ويرغبون المبيت بعد ذلك تكون خربت طباعهم وهم ما يدرون .... :D :D :D وحاول انك ما تقص لهم قصص العقارب والديبان .. عساس ردات الفعل :no2: فهذه طيبه لجلبهم معك ....

ارجو ان اكون كفيت ووفيت ;) وخلك لبيب وفهيم .... مع تحيات اخوك برق4.


برق4
مشكور ومثل ماقلت ومابعد كلامك تعقيب.

معالسلامة

[الرسن]

في انتظار المزيد من الاراء ولي عودة للتعليق على الردود

[هواوي]

اخي الفاضل

انا والله اعاني من نفس المشكله ولكن انا اكتشفت الحل من زمان وهو اني اروح لوحدي عزبتي معي وشوري من راسي

لي سنه ونص في ابها وليل الي اعرفهم فاعاني من المشكله هذي بزياده
اما الرياض فالربع ما يقصرون لو قلت نروح المريخ ما قالوا لا واذا اعتذروا اروح لوحدي واغلب ا رحلاتي لوحدي

والاهم انه يجب ان اعذر اصدقائي فما كل انسان له نفس ميولك ورغباتك وبعض الناس له ضروف خاصه تمنعه وربما تكون احيانن لا يستطيع الصديق الافصاح بها كالظروف الماديه والنفسيه كالخوف وغيرها لان الكثير يرفض انه يروح على حساب غيره ويرفض يروح الا ويدفع قطته ومهما حاولت تقنعه انه ما يدفع شي الا انه يرفض ولكن اذا كانت ظروفه زينه فعز الله انه خوي سنافي وانا مجرب كثير من هذه النوعيه

[hajs]

السلام عليكم


أشكر اخوي : الرسن

على طرح هذا الموضوع


انا ما راح أزيد على الاخوان

بالنسبه لتجربتي الشخصيه حنا أهل أبل فــ دايما نطلع لها سوا حنا او يجونا الربع بس دايما يجوون في الشتاء فــ قليل اللي يجينا في الصيف مع أن الامور ولله الحمد والشكر كلها متوفره غرفه مكيف و و و ألخ

هذا مو موضوعنا ... موضوعنا فكرنا نطلع يعني نمر العزبه نجلس هناك يووم ونطلع من ورانا فــ تغيرت الامور

صار البعض يتعذر وكذا وكذا

وبصرح مو كل الربع قال هالكلام ,, بس الاقليه .. يقول لك فرضاً نبي هندي معانا يضبط الامور وكذا ويطبخ لنا

تدري ليه ,, لان الربع يجون عندنا ونروح أنتمشى ونعود على العزبه نلقى الهندي مزين الامور والاكل ولله الحمد ومنظف المكان يعني بالعربي ( يحبون الكفيا ) :)

البعض الاخر بصراحه أنا أنصدمت تقريباً من هالسالفه ,, مثال : واحد من الربع أعرس وصار له سنه وكان وقتها يطلع معنا وين ما نبي

بعدين !!
كل ما نبي نتفق على كشته ,, يقول لك أنا مدري وشهي أعلومي يمكن ما اروح ومره مدري وش
كم يوم ؟ يمكن أخذا سيارتي ؟ وتعرف لاصار معك أحد وتبيه معك ,, ويجيك يقول لك أنا بمشي يخرب الكشته وانتوا ياللي موجودين أتعومسون هاذي من جهتي الخاصه

وصرنا الاغلبيه مانبي نروح ونخليهم ,, فصرنا نطلع للعزبه عند الابل علشان خاطرهم



وهالسنه يالله يارب يا رحمان يا رحيم ,, أنه ينزل علينا الغيث ويرحمنا برحمته

انا قبل فتره خربت العلاقه معاهم :)

قلت ذا السنه بنطلع ,,, تبون تجون مرحبا ومسهلا ,, ماتبون روحوا للابل أنتوا اهل مكان ومحل

أما حنا بنروح وبنهملكم ,,, شوفوا مشكات وشوفوا الشباب الله يعطيهم العافيه

يعني الشباب اللي في مكشات كلهم عزوبيه ؟ ؟ <---نكلم المتزوجين

كل الشباب اللي بيروحون الكشته .. لازم هندي ؟ <- - - نكلم اللي يحبون الكفيا

بصراحه أنا مو رايي يا رسن ,,,


تشوف لك ثنين ,, ثلاثه ,,, يحبون البر وخلك معاهم


بس نصيحه لك ولي ولغيرك

أهم شي الصحبه الصالحه إن شاء الله أنهم كلهم صالحين

لكن شوف المصلي ,, وسيع الصدر ,,, خفيف النفس ,,


اللهم يارب أرزقنا رزقاً من عندك وأعفو عنا


ولي عوده معاكم


تحياتي ,, والمعذره على الاطاله