يا راعين الخبره موضوع لنقاش وطرح الأاراء

[طيري غدى]

السلام عليكم ورحمة الله وبركاتـــه


.... يالربع الموضوع هو كلن يطرح رئيـه .... والي عنده خلفيه وخبره لا يبخل علينـــا ....

منها يتعلم الي مايعرف ومنهاا الي يعرف يتعلم .. اكثر وأكثرر

والموضوع هو عباره عن تدريب الجراء .........


بسم الله الرحمن الرحيـــم

الموضوع .. ان الجراء انا سمعت ان ناس تدرب وأعمارها فوق السبع شهور تبداء تدربهــا وبعضهم خمس شهـور
بس ماقد سمعت ان ناس تدرب وعمرها شهرين ونص أو ثلاث شهور أو اربــع
انا سلمكم الله ويامـا ناس عذروني قالو لا تدرب اقل من عمر خمس شهور بس ماقتنعت وقالو ان الجرو أول شيء ينفحم ويوقف نموه مع الركوب والتنزيل وهذا كلام سليم بس انا وجهت نضري ان الجرو لو ماتخليه من يوم وهو جرو حااار ويحب الصيد وش تبي فيه لا كبر وانا لي فتره وانا اقني السلق
بس انا الي مقتنــع فيه ميه بالميه والي امشي عليه تدريب الجرو من عمر الشهريـن او الشهرين والنصف
والله يا اخوان عندي جراااء .. كان عمرهم شهرين كنت اركضهـم مع أمهم مهو تركيض يعني تعتبر مشي أو هروله ورا السياره والسياره تمشي على الريس طبعن يشوفون امهم ويلحقونها ويتعودون على المشي ورا السياره لجل بعدين لا كبرو تشحيط وتركيض مايعقدووونـــك .. ويصيرون عيونهم على السياره
بعد فتره صار العمر ثلاث شهــور .. طلعتهـم على فار وأخذهم وأقربــه لين اقرب من الفار الصغير طبعأ وخليه يشوفه واذا شافهاا انا اطرد ورااه وهو طبعأ يطرد معاي ويكون مضيع شوي بس مره مرتين ثلاث خلال ثلاث ايام خلاص يتعـود ويعرف ....
ثاني شيء يوم وصل عمره لثلاث شهور صرت اهده على جربووع ويعني تعرفون الجروع يجيك يمشي
بس يا جمااعه والله اني مكذب عليــكمممم ان الجراء عندي اعمارهــم اربع شهـور الحين على تدريبي ... والله ان الواحد منهممم مايخلي الجربووووع يمغط ضهره انكان على كسرات ولا على سيده بالليل طبعأ
ولا شافو الجربوع ينقزن من الحوض والركوب يركبن وهم توهم جراء صغــار وفيهم حرارت كبــاااار ... ولدرجه تهور نزول والسياره تمشي عشرين والبحوووض مغير راكزاات عيونهم يا أما على الكبس ولا قدااام السيـــاره ........ وطبعأ السلق من سلاله طيبـه ولا ماقنيتهــا
والموضوع ماهوو المقصد فيــه اني اعلمكم ........ المقصد فيه يا أخووان ان ابي كلن يطرح شلون يدرب سلقــه والعمر هذا ينفعك ام يضرك .. والنزول من السياره يقولون انه مايخلي السلوقي يطووول ... وانا ماني مقتنــع بهالمقووله وشاطب عليها بالأكس
يا الربع انا ابي منكمم كلن يفضي الي براسه بهالصفحــه .. ولو كلام طويل بس لجل كلن يتعلــم ويعرف ..
وعساني اعطيت الشيء الي ابيه من موضوعي .. ولكمم مني جزيل الشكر
ياويل محد يمر على الموضوع انشـهد لهديه جرو هههههههههههههه...

بارك ا لله فيكممممممممممممم .. اخوكم طيري غدى.

[القحطاني505]

وعليكم السلام ورحمة الله وبركاته:
اخوي طيري غدى هلابك ومشاء الله عليك انت من الاعضاء اللي لهم مستقبل في تربية السلق وفي المنتدى ايضا,,المهم كلامك وتدريبك مضبوط لكن لاتركضها واذا بتجيب لها جرذي وهي عمرها شهرين او شهرين ونص مو توديها لين هناك وتخليها تطرد جيبه لها ليين محلها حتى لو جربوع ومكسوره رجل منه عااادي بس مو تركضهم مع امهم والمهم تولعهم ومو شرط كل يوم اهم شي يفهمونه ,,وتعلميك كله طيب لكن لاتعطي الجرا فوق مجهودها ولاتركضها لان هاذا يسبب لها اعراض كثيره وبالنسبه للركوب واعمارهم 4 شهور انا من رايي تو عليهم وخلهم ليين السته شهور افضل بكثيير ومن بعد السبعه شهور الذاريه راح يبين خفتها بالمشي اما بالذيخ من ال9 شهور ولكن يكتمل النمو عند الذاريه سنه وشهرين تقريبا والذيخ سنه و8 شهور الى سنتين تقريبا,, والله يوفقك بسلقانك ان شاء الله وتاكل من صيدها..

[طيري غدى]

وعليكم السلام ورحمة الله وبركاته:
اخوي طيري غدى هلابك ومشاء الله عليك انت من الاعضاء اللي لهم مستقبل في تربية السلق وفي المنتدى ايضا,,المهم كلامك وتدريبك مضبوط لكن لاتركضها واذا بتجيب لها جرذي وهي عمرها شهرين او شهرين ونص مو توديها لين هناك وتخليها تطرد جيبه لها ليين محلها حتى لو جربوع ومكسوره رجل منه عااادي بس مو تركضهم مع امهم والمهم تولعهم ومو شرط كل يوم اهم شي يفهمونه ,,وتعلميك كله طيب لكن لاتعطي الجرا فوق مجهودها ولاتركضها لان هاذا يسبب لها اعراض كثيره وبالنسبه للركوب واعمارهم 4 شهور انا من رايي تو عليهم وخلهم ليين السته شهور افضل بكثيير ومن بعد السبعه شهور الذاريه راح يبين خفتها بالمشي اما بالذيخ من ال9 شهور ولكن يكتمل النمو عند الذاريه سنه وشهرين تقريبا والذيخ سنه و8 شهور الى سنتين تقريبا,, والله يوفقك بسلقانك ان شاء الله وتاكل من صيدها..


هلابك يالقحطاني ومليووووووووووون مرحب يالله ان تحييــه وتبارك فيـــه

الموضوع عباره عن نقاش وكلامك سليم ياخوي

بس انا بزود على كلامي وكلامـك

انت تقول جيب لها الفار أو بمعنا الجرذي

ماكثره بالمرااح وبالمزارع

كنت اوديها لا حده وخليها تشوفه بعيونهـا وتطرد

بعدين يوم كبرن امسك جربوع وأكسر رجله وأربط فيــه كيس عشان يكون النضر على الكيس ويطردن الكيس
ويوم يمسكنه يدرن انه جربوع لأن الجراء مايفهمن أول شيء يبيلك كمن طريقــه لحد ماتضبط الشغله معــك


ومن ناحيت التركيض ماعليــك الجرو اعطه على قده يعني تشوف انه اخذله كممن تركيضه على كيفك خف عليــه ماتخليه يتشدد أو يفحــم يعني شوي شوي عليه على قد مايستطيع

وأما من ناحيت النمو الكامل لسلوقي فأنت قلتهـــــــــــــاا


القحطاني مرورك اسعـدي يالغـالي عسى الله لا يحرمني من مرورك وتعليقك الطيب

.... دمت قناص يالغـالي ويعطيك العافيـــــــه

[بو هاشم]

ياخوي طيري غدى
السلام عليكم
في فرق بين انك تعلمها او تدربها
كل الكلاب من تعدي الشهرين ونص تكون تلاحظ حركات الكبار تقلدها
اذا تعليم انشاء الله ماعندك مشكله عشان تكون حاره في الصيده بس اذا غلاطة لا تضربها وهي في هذا السن
لان بتصير جفول ويمكن بعدها ماتطرد ولا تزيد عليها بس تعليم وتخليهم مو تدربهم ترى تضر الكلاب
يمكن بتشوفها وهي جروه تفعل مثل الكبار ويمن ازيد وهذا مودليل انه مستعده للتدريب والمهد
تقبال خالص تحياتي

[(القناص)]

كلامك سليم ولا يوجد عليخ اي غبار


وسلمت

[الأكيدر]

وعليكم السلام اخوي طيري غدى
وجهت نظري انا انك تبدا مهن بعد عمر الشهرين اول شي تسويه انك تجيب لك لعبه قطن صغيره كبر الجربوع وتربطها بحبل وتخليها تلحقها علشان تتعود انها تطرد لين تشوفها متحمسه وهي تطرد وتعودها لمسكتها تلمسا وتحك على راسها وتقولها اي كلمه انت تبغاها مثلا عفيه وتحاول انك تاخذها منها وتعودها على كلمه اذا قلتا تعطيك اياها وبعدين تجيب لك جربوع تفلته لهن بحوش مسكر وعلى الحاله هاذي لك اسبوعين وراح تشوف حرارتهن على الطرد لصار عمرهن ثلاث شهور خذهن معك لحالهن طبعاً يكونن الحين متعودات على طرد الجربوع امسك الجربوع ولف ذيله بلزق ولزق معه حجره صغيره تثقل عليه ونزلهن وخلهن يشوفنه قدام النور لين مايلحقنه ومع تكرار العمليه تشوفهن يوم يحولهن يروحن قدام النور على طول يدورن الجربوع هذا بالنسبه لطرد0
اما بالنسبه للحوض لركب والنزول ماهي مشكله اهم شي الطرد ولا تخليا تحول وهي صغيره يمكن تنكسر او يصرلها شي الا اذا كانت على طعوس ماهي مشكله ام لركوب ماتكمل خمس شهور الا هي متعوده عليه من لحالها 0
وهذا الي انا اعمل به ومشكور اخوي 000

[سلطان العوني]

اخوي طيري غدى



صبحك الله بالخير - مساك الله بالخير انت ومن يقرا



بالنسبه لكلامك صحيح لكن :
انا اشوف ان تركيضك للجرا بهالعمر تهور شوي لان التركيض مثل ما ذكرت انه يأثر على النمو ويشدد العظلات واذا شدت عضلاتها خلاص راحي يوقف نموها

وبالنسبه للتدريب بالعمر انا معك ولكن مو تدريب تكون تبيني حراره داخل قلب الجر على الصيد بحيث تغريه بأي شي وحنا نستخدم ذيل الحصني او صوف الغنم ونبني بهالطريقه عريزة الحراره في الجرو نطلعه برا الشبك بعدين تبدأ الطريقه على انها لعبه يوم بعد يوم
مدة اسبوعين ( اقل او اكثر ) بعدين نحجره بالشبك ما يطلع ابد مدة اسبوع او اسبوع ونص ( لين يشتهي اللعب )
بعدين وهو داخل الشبك نغريه بذيل الحصني او صوف الغنم ( لازم من ورى الشبك ) وراح تلاحظه ينقهر منك ويصايح يبيها بأي طريقه

كرر هالعمليه معه اكثر من مره وخلك على هالموال الين تحسه حار لآخر درجه على الذيل



وبالنسبه للتركيض فيه سلقه مجريه بالاستراحه لو تشوفها تقول عمرها 7 شهور كله من التركيض بالرغم من ان سلالتها طويله شوي
كان راعيها الاول يوميآ يطلعها ويركضها ورى الموتر كل يوم 4 كيلو وهي توها جروه لكن ما سمع الكلام الرجال كان مستعجل عليها وبالاخير وقف نموها وتوهق فيها اللحين يقول يا ليتني صابر كان احسن لي واحسن لها





هذا ما عندي واعذرني وانا اخوك على الاطاله

[ابوعزوز98]

مايصلح تركيض الجرو الا بعد سبع شهور ومن ناحية التدريب اذا تم ثلاث شهور طلعه مع السلق وخله يتعلم منهن ازين وحتى الركوب والنزول من السياره خله يتعلم من السلق اسئل مجرب لاتسئل طبيب ومثل ماقالوا اخواني جبله الصيده لحد مكنه .....تقبلوا تحياتي ............

[طيري غدى]

ياخوي طيري غدى
السلام عليكم
في فرق بين انك تعلمها او تدربها
كل الكلاب من تعدي الشهرين ونص تكون تلاحظ حركات الكبار تقلدها
اذا تعليم انشاء الله ماعندك مشكله عشان تكون حاره في الصيده بس اذا غلاطة لا تضربها وهي في هذا السن
لان بتصير جفول ويمكن بعدها ماتطرد ولا تزيد عليها بس تعليم وتخليهم مو تدربهم ترى تضر الكلاب
يمكن بتشوفها وهي جروه تفعل مثل الكبار ويمن ازيد وهذا مودليل انه مستعده للتدريب والمهد
تقبال خالص تحياتي

هلا والله ومرحبـــااا

كلامك سليم ياالغــالي وطرحي للموضوع ... للمبتدئيــن .. وانا قد شفت مواضيع بس حبيت تكوون المواضيع بالأسلوووب المفهــوم مني ومنك ومن الجميــــــــع

وتسلم يا بعد تسبدي على المرور الطيب ... سلمت ..

[طيري غدى]

كلامك سليم ولا يوجد عليخ اي غبار


وسلمت


الله يعطيك العافيـــــه أسعدني مرورك يالغـالي ...

[طيري غدى]

وعليكم السلام اخوي طيري غدى
وجهت نظري انا انك تبدا مهن بعد عمر الشهرين اول شي تسويه انك تجيب لك لعبه قطن صغيره كبر الجربوع وتربطها بحبل وتخليها تلحقها علشان تتعود انها تطرد لين تشوفها متحمسه وهي تطرد وتعودها لمسكتها تلمسا وتحك على راسها وتقولها اي كلمه انت تبغاها مثلا عفيه وتحاول انك تاخذها منها وتعودها على كلمه اذا قلتا تعطيك اياها وبعدين تجيب لك جربوع تفلته لهن بحوش مسكر وعلى الحاله هاذي لك اسبوعين وراح تشوف حرارتهن على الطرد لصار عمرهن ثلاث شهور خذهن معك لحالهن طبعاً يكونن الحين متعودات على طرد الجربوع امسك الجربوع ولف ذيله بلزق ولزق معه حجره صغيره تثقل عليه ونزلهن وخلهن يشوفنه قدام النور لين مايلحقنه ومع تكرار العمليه تشوفهن يوم يحولهن يروحن قدام النور على طول يدورن الجربوع هذا بالنسبه لطرد0
اما بالنسبه للحوض لركب والنزول ماهي مشكله اهم شي الطرد ولا تخليا تحول وهي صغيره يمكن تنكسر او يصرلها شي الا اذا كانت على طعوس ماهي مشكله ام لركوب ماتكمل خمس شهور الا هي متعوده عليه من لحالها 0
وهذا الي انا اعمل به ومشكور اخوي 000

كلااام سسسسسليم وممتازز

يعطيك العافيـــــــــه يالغــالي .......... وكلام درر مشكور يبه.

[طيري غدى]

اخوي طيري غدى



صبحك الله بالخير - مساك الله بالخير انت ومن يقرا



بالنسبه لكلامك صحيح لكن :
انا اشوف ان تركيضك للجرا بهالعمر تهور شوي لان التركيض مثل ما ذكرت انه يأثر على النمو ويشدد العظلات واذا شدت عضلاتها خلاص راحي يوقف نموها

وبالنسبه للتدريب بالعمر انا معك ولكن مو تدريب تكون تبيني حراره داخل قلب الجر على الصيد بحيث تغريه بأي شي وحنا نستخدم ذيل الحصني او صوف الغنم ونبني بهالطريقه عريزة الحراره في الجرو نطلعه برا الشبك بعدين تبدأ الطريقه على انها لعبه يوم بعد يوم
مدة اسبوعين ( اقل او اكثر ) بعدين نحجره بالشبك ما يطلع ابد مدة اسبوع او اسبوع ونص ( لين يشتهي اللعب )
بعدين وهو داخل الشبك نغريه بذيل الحصني او صوف الغنم ( لازم من ورى الشبك ) وراح تلاحظه ينقهر منك ويصايح يبيها بأي طريقه

كرر هالعمليه معه اكثر من مره وخلك على هالموال الين تحسه حار لآخر درجه على الذيل



وبالنسبه للتركيض فيه سلقه مجريه بالاستراحه لو تشوفها تقول عمرها 7 شهور كله من التركيض بالرغم من ان سلالتها طويله شوي
كان راعيها الاول يوميآ يطلعها ويركضها ورى الموتر كل يوم 4 كيلو وهي توها جروه لكن ما سمع الكلام الرجال كان مستعجل عليها وبالاخير وقف نموها وتوهق فيها اللحين يقول يا ليتني صابر كان احسن لي واحسن لها





هذا ما عندي واعذرني وانا اخوك على الاطاله


كلامك سليم والله يالعـــوني .... وانا بكلامي فوق اني مقتنعت ان التركيض للجرو يوقف نمووه ... بس انت قلت ان فيه شخص صارله هالشيء .. بس والله مدري يا اخوووك .... على العمووم كلامك ورب البيت سليم في سليم ولااا عليه اي تعليق .. جعلك سالم يالعووني ........مشكور على مرورك يايبه تسلم .

[طيري غدى]

مايصلح تركيض الجرو الا بعد سبع شهور ومن ناحية التدريب اذا تم ثلاث شهور طلعه مع السلق وخله يتعلم منهن ازين وحتى الركوب والنزول من السياره خله يتعلم من السلق اسئل مجرب لاتسئل طبيب ومثل ماقالوا اخواني جبله الصيده لحد مكنه .....تقبلوا تحياتي ............


يالغالي انا اشوف ان التركيض يبدأ من عمر 5 أو ست اشهر . تركيض على صيد يعني بالأصح هدد ماهو تركيض .... <<= والشيء الثاني يالغالي انا طرحت الموضوع لجل ان اكثر المبتدئين يصير عنده جرو واحد ماعنده سلق كباار وأبيه يستفيد من هالمعلوماات منك ومن الأعضاء الله يجزاهـم خير..

وابد انا سألتك ولا راح اسأل طبيب .. وكلام سسسسليم يبعدي .. عسااك سالم ...............مشكور
على مرورك الطيب ..