يا جماعة شريت (هلي) وش تنصحوني احط فيه

[مرقاشه]

السلام عليكم ...
طال عمركم انا توني شاري هايلكس 2007
وش تنصحوني اركب فيه
ومن وين اركب؟؟؟؟؟

والله يعطيكم الف عافيه

[الوفي]

انصحك تركب عزبتك وتروح للبر

ولا تسوي في الموتر شي ،، واذا ملزم غير الكفرات وبس

[هاوي المستوي]

تقدر ترفع الوجه بكعكات عند الصناعيه يمكن تكلفك مع التركيب 180

وكفرات عراض وخلصنا

والدنفسه زايده ماتفيد يمكن تضر

تقبل مروري

[وقيان]

ماعندي خبرة بالهلي...

لكن حبيت اقوولك مبروووووووووووووك..

[][ســهم][]

نصييحة لاتركب شي
فقط ارفع الوجه 2سم بالكعكات وكفرات فقط
واي شي حنا حاضرين

[بيت طين]

الله يعطيك خيرها ويكفيك شرها انصحك بركعتين شكر لله اللي انعم عليك بالصحه وكلشي مع طاعة الله زين والاخوان ماقصروا..

[الحادي1]

انصحك تنقل حبحب والا غنم ازين لك لان فيها مكسب
والله يطعمك من خيرها ويكفيك شره

[وثاب]

الله يعطيك خيره ويكفيك شره

لا تنسى لبس الصندوق لا يتمشخ

[البّري]

اطعمك الله من خيرها وكفاك شرها

نصيحة اخو لا تسوي فيها شيء
الماء جراكل
وعزبة وفرشات وحطب وفرش
كلها تشيلها من البيت وتحطها بالصندوق والى قضيت ترجعها مكانها بالبيت
والحمدلله رب العالمين

[قصيمي محترم]

كفرات يوكوهاما عرض 215
تانكي ماء عرض بالصحن مع شنطة بالوسط صغيرة للماطور والواير والإشتراك
وباقي ملتزمات البر المعروفه طبعا تكون متنقلة بين السيارة والبيت
والله يطعمك خيره ويكافيك شره

[مرقاشه]

مشكور اخوي على حرصك
وجزاك الله الف خير