من يعرف هالصور وين ؟؟؟؟؟؟؟؟؟؟

[ابو مطير]

السلام عليكم ورحمة الله وبركاته0


(للعلم الصور كبيرة صبرك علينا :D )


حبيت اشارك بالموضوع معاكم اخواني للتسليه والمعرفة عندي صور بمناظر جميلة من موقع واحد وابي كل واحد منكم يعطينا اجابته باي مكان ولو كانت تقريبيه للاجابه وفيما بعد اعطيكم احداثيات الموقع بالقوقل
همتكم شباب
http://www.m7shsh.com/up/uploads/c08386ad88.jpg

http://www.m7shsh.com/up/uploads/d352e3f368.jpg

والاحداثيات بعد الاجوبه ;)

[أبو LAMeS]

هذه الصور يا أبو مطير الله يسلمك من كل مكروه على حدود العراق والله أعلم من جهة عرعر

[الروقي نت]

إن ماخاب ظني يابو مطير والله اعلم
كان مهي بالشمال جهة لينه والدير ذيك

[محمد الملحم]

وعليكم السلام ورحمة الله وبركاته ،،،،،

أعتقد والله العالم ان الصور بقرب أحد شعبان (جمع شعيب) منطقة الحدود الشمالية- عرعر وقد تكون لشعيب أبا القور أو العويصي!!

وبإنتظار إجابتك ،،،،

[الحايليـ93]

الله واعلم ياخوي انه حول الخنفه

[الأجردي]

بسم الله الرحمن الرحيم
هاذي والله العالم بين زهوه والدويد

[قمة الثلبوت]

والله مدري وين مكانها بس الوكاد ان طبيعتها
ما يرتاح بها

[خبيرالقميري]

السلام عليكم000
اعتقدياخوي انه يم حائل وهك الديار

[الحادي1]

اسمحلي
شكلك فاضي ولاعندك شغل الصور مافيها شيئ يلفت النظر ارض ممكن تشوفها في اي مكان ولا جبت شي جديد ولا تعودها ثاني مره الله يخليك 0

[barracuda]

اخوي ما في شئ مميز تقلنا عليه
لان الصور عاديه
و لاكن اتوقع اماكن قريبه من المدن الشماليه
وتقبل موري

[يـــ ع ـــــقوب]

أضم صوتي وبأدب للأخ الحادي....

[الملاك الغريب]

اعتقد انها احد الفياض بالصمان قبل الرفيعه

[ابو مطير]

السلام عليكم ورحمة الله وبركاته
اشكر كل من مر على الموضوع وكل من شارك به وحياكم الله 0

ابو LAMeS اشكرك على حسن منطقك النابعه من حسن اخلاقك . صدقت هي يم جهة عرعر وقريبة من العراق :good: 0

قناص كشب 0 اشكرك على ردك ومشاركتك وصدقت هي بالشمال بس بعيدة عن لينه ;) 0

محمد المحلم . اشكرك على ردك وانت اقرب للاجابه نسبيا هي في شعيب عرعر من حدر الى الروثية او مايسمى (الحسي) وهو قريب من شعيب العويصي اللي يكت بشعيب عرعر :good: 0

الحايلي 93 حياك الله واقولك مالك لوا 0

الأجردي0 حياك الله واقولك مالك لوا 0

قمة الثلبوت . حياك الله واشكرك اخي 0 صدقت هي بالنسبة لك ماترتاح لها يمكن ديرتكم غير عنها واكيد انك ماترتاح بديرة غير ديرتك :) 00

خبير القميري0 اشكرك على ردك ومالك لوا 0

الحادي 1 حياك الله اخي انت صدقت يوم قلت الصور مافيها شي فعلا مافيها شي اما انك تقول انها ارض تشوفها في كل مكان اسمحلي اقولك لا ماكل ارض مثل بعض وأسأل اهل العرف اللي يبخصون بالقاع كل قاع عن قاع فرق واللي مر على القاع هذي اكيد يعرفها ولا ينساها ;) 0

barracuda حياك الله فعلا اخوي مافيها شيء مميز بس اهلها يميزونها عن غيرها وهي فعلا بالشمال :) 0

يعقوب 0 اشكرك على مرورك 0

الملاك الغريب 0 حياك الله ومالك لوا :) 0

الخلاصة اخواني الموقع هو بالشمال وفي شعيب عرعر من حدر وهذي احداثياته بالضبط وهذه الصور من موقع واحد
31 09.699'n,41 09.745'e
نسخ لصق بالجوجل

[المهندم]

هذه والله أعلم كأنها بالربع الخالي