سؤال عن فــــحـــــل جميل مشاء الله عليه

[MOOM]

السلام عليكم ورحمة الله وبركاته


الله لايهينكم اخواني ..


ابي اعرف الفحل هذا الله يحرسه من الشر ..


منهو له .. وين مكانه ..


ولكم خالص التحيه



http://www.kuwaite.ws/uploads/08f7cda92b.bmp (http://www.kuwaite.ws/)

[الهجاني]

هذا الفحل حق واحد عتيبي بس والله اني ناسي اسمه لكن ابشر بسعدك بدوره لك كم عندنا moom

[ابوحماد]

الله يسلمك يا أخوي

يقال أنه على ولد تمام

وهو ملك بن دهيمان السبيعي

وناس تقول أنه ملك ابن دبيل العصيمي

وكثر الكلام عليه

وأنتشر صورة الفحل في أكثر من منتديات

ولم يتم معرفة الحقيقة من يملك هذا الفحل وهل هو على الفحل تمام او على فحل ابن صاهود

وبنسبه للفحل

ماعليك كلام ماشاء الله مسكت الزين فيه كامل و الكمال الله سبحانه

وصل سعر الفحل الى فوق المليون ريال

وهذا السنه راح يبين أنتاجه

[بيت طين]

الصوره ماطلعت عندي لكن الله العالم انكم تسولفون عن البعير اللي صورته علي شعار مزاين العتتبان الفحل الاوضح كانه هو فهذا هو فحل
عايض بن فراج بن دبيل العصيمي العتيبي من اهل الكويت
من انتاج الفحل المشهور تمام وتمام ملك هيف القحطاني وبالغوا بقيمته لكن مانقول الا الله يباركله فيه
والله يكفيه شر الناس وتقبل اخوى تحياتي ..

[سلطان العوني]

الفحل هذا على حسب ما سمعت وقريت
انه ملك لواحد عتيبي


ما شاء الله عليه الله يحرصه من العين

[MOOM]

ياهلا فيكم

والف شكر لكل واحد بأسمه

والصراحه هذا مادفعني لكتابة الاستفسار

وحتى انه صار مشكله بسبته بين اثنين

وانهم متفقين على انه ولد تمام بس منهو راعيه

[نايف الذيب]

راعيه
عايض بن دبيل العتيبي
والفحل هو الي علي شعار مزاين الهيلا عتيبه
وبيع في المزاين ب24مليون علي العطاوي
وسلامتكم

[ابوحماد]

مرحبا أخوي نايف الذيب

مع أحترامي لك طال عمرك

متى بيع هذا الفحل بـ24 مليون

[garm]

مشاء الله تبارك الله

[كاشخ 24 ساعه]

هذا فحل مشعل العطاوي وقد بيع في مزايين الهيلا ب25 مليون ريال مع اني اشك في هذا الرقم ولكن انتم عارفين ان المهاييط ماخذ حقه اليومين هذي خاصة في المزايين.

[نايف الذيب]

ابوحماد البعير بيع في مزاين الهيلا
كاشخ مشعل العطاوي هو الي شراء ب24 مليون
وبعدين لاتستحقر الرجال مشعل العطاوي مايعرف
المهايط وانشد عنه الرجال ويعلمونك فيه

[بيت طين]

الله يرزقهم من خيره ويكفيهم شر خلق ربي عينوا خير يالربع بعير وعند راعيه اما بالنسبه للقيمه فالخبر اليوم بفلوس بكره يجيكم بلاش وكان ودكم سوينا مقابله مع راعيه العصيمي وريحناكم ...امزح ترى.

[ابوحماد]

مرحبا أخوي نايف الذيب

مع أحترامي لك طال عمرك

متى بيع هذا الفحل بـ24 مليون
الله يرزق راعيه

[عابر القارات 2000]

البعير مافيه الا الرقبه والراس

[فٍارِس ٍِظلمٍ]

ما شا الله عليه تبارررك الله

لبن دبيل العصيمي

تقبل مروري

[سلفر]

السلام عليكم ورحمة الله وبركاته

ياربع البعير بعير ابن دبيل ولا باعه ولا طرى عليه بيعه

انا كنت عنده الاسبوع اللي فات ولا له نية بيع

والبعير ماوداه لمزاين عتيبة عشان يشرى حتى راعية ماراح للمزاين

هذا العلم الوكاد
تقبلوا تحياتي

[ابوحماد]

البعير مافيه الا الرقبه والراس

أحترم نظرتك

بس على اي أساس حكمة ان زينة في الرقبه و الراس

وهل عندك نظرة في زين البل

وياليت تذكر أهم مواصفات الزينة في الوضح وختلافها عند المجاهيم

[الشامي1]

مساكم الله بالخير يالربع
البعير اللي معروض في الصوره مثل ما قالوا الاخوان
بعير عايض بن دبيل العصيمي وموجود في مزرعه في هجره
تسمى ( قريه ) شرقي الصمان واسم البعير (سهيل)
ومالك البعير خالي ولا انباع ولا حضر المزاين لضروف خالي
الصحيه وسلامتكم

[الضارم]

اود ان ابين شي قد يخفى على البعض لكنه معروف وهو ان البعير تمام اصله من بعير ابن صاهود المشهور
بالنسبه للصور ياطويل العمر هذه صورة فحل منصور بن دهيمان السبيعي

وهذا اللوري حقه ونياقه وانا متاكد منها ,,
على كل عتيبة تملك ابل ممتازة ولاشك في ذلك
لكن ليعلم الجميع ان جميع سلائل الابل الوضح خاصة الطيبة اصلها من ابل سبيع
وانا لدي اكثر من دليل على ذلك فمثال التاج بعير الطهيمي من نسل بعير بن صاهود
والبعير تمام من اصله من نسل ابل بن صاهود ولا ننسى ابل حريب التمر وبن عكيدان
وغيرهم فهذه الابل وسلايلها هي التي ترجع لها اغلب ابل المزاين
وكذلك مبلش الجليدي البقمي بعيره الذي اخذ جائزة في مزاين نوفا
من كحيلان بعير وليد بن شوية
وبعير فنجال ايضا من نسل بعير صهود وغيرها كثير
كما لاننسى بعير خشم العان والابل التي توجد لدى اغلب سبيع الحدارية من المغاتير والصفر والشعل والتي
اصبحت مضرب المثل في شبة الجزيرة لجودة انتاجها وكذلك جمالها الذي قل ان تجده في ابل غيرها
اما هذا الفحل الذي في الصورة فهو بعير منصور بن سعود بن دهيمان العزة السبيعي
وهو ايضا من نسل بعير ابن صاهود العريني السبيعي المشهور
ومن اراد ان يقابل راعي البعير ويشاهده بعينه مستعدين وان كان ود اهل مشكات يحطون معه لقاء عطيناهم رقم جواله برسالة خاصة
اما الي يقول انه بيع او انه ملك للعصيمي هذا كلام غير صحيح والبعير مازال في مراح راعية بالقرب من رماح والميه تكذب الغطاس
وانا زي ماقلت مستعد اعطي الي بيروح يشوفه مكانه بالضبط كلها تمشي وسلام على راعية ويبشر بالغبوق والشحم وراعية راجال لحية غانمة














http://www.9m.com/upload/28-10-2007/0.642011932949.jpg

[السبيعي]

اود ان ابين شي قد يخفى على البعض لكنه معروف وهو ان البعير تمام اصله من بعير ابن صاهود المشهور
بالنسبه للصور ياطويل العمر هذه صورة فحل منصور بن دهيمان السبيعي

وهذا اللوري حقه ونياقه وانا متاكد منها ,,
على كل عتيبة تملك ابل ممتازة ولاشك في ذلك
لكن ليعلم الجميع ان جميع سلائل الابل الوضح خاصة الطيبة اصلها من ابل سبيع
وانا لدي اكثر من دليل على ذلك فمثال التاج بعير الطهيمي من نسل بعير بن صاهود
والبعير تمام من اصله من نسل ابل بن صاهود ولا ننسى ابل حريب التمر وبن عكيدان
وغيرهم فهذه الابل وسلايلها هي التي ترجع لها اغلب ابل المزاين
وكذلك مبلش الجليدي البقمي بعيره الذي اخذ جائزة في مزاين نوفا
من كحيلان بعير وليد بن شوية
وبعير فنجال ايضا من نسل بعير صهود وغيرها كثير
كما لاننسى بعير خشم العان والابل التي توجد لدى اغلب سبيع الحدارية من المغاتير والصفر والشعل والتي
اصبحت مضرب المثل في شبة الجزيرة لجودة انتاجها وكذلك جمالها الذي قل ان تجده في ابل غيرها
اما هذا الفحل الذي في الصورة فهو بعير منصور بن سعود بن دهيمان العزة السبيعي
وهو ايضا من نسل بعير ابن صاهود العريني السبيعي المشهور
ومن اراد ان يقابل راعي البعير ويشاهده بعينه مستعدين وان كان ود اهل مشكات يحطون معه لقاء عطيناهم رقم جواله برسالة خاصة
اما الي يقول انه بيع او انه ملك للعصيمي هذا كلام غير صحيح والبعير مازال في مراح راعية بالقرب من رماح والميه تكذب الغطاس
وانا زي ماقلت مستعد اعطي الي بيروح يشوفه مكانه بالضبط كلها تمشي وسلام على راعية ويبشر بالغبوق والشحم وراعية راجال لحية غانمة














http://www.9m.com/upload/28-10-2007/0.642011932949.jpg

بارك الله فيك اخوي الضارم وكلامك صحيح 100% على كل البعير هذا على بعير بن صاهود والي من نسله هذا البعير وبعير بن صاهود وكذلك بعير بن فريج الشكرة كلها على بعير بن صاهو
والي احب اوضحه ان الفحول المشهورة او اساس الفحول الطيبة خمسة اشهرها في الوقت حالي الي من نسل بعير ابن صاهود السبيعي وكذلك طفحان ابو الطوافح وسلالته الاكيده مازالت عند ابن زعزاع ابوثنين وابله موجوده بالقرب من ميدان الفروسية في رماح وونقان ويوجد عند سبيع ايضاً لكن متفرق مع سبيع نسله
اي ثلاث فحول الي هي اساس المغاتير الطيبة مع سبيع .وكذلك التي يوجد مع الدواسر وخاصة الغييات قسم منها
وهناك عبدان وهو ابو الابل الصفر الطيبة وهذا البعير مع مطير ويوجد مع بني عامر سبيع والي خاصه مع ابن دبيان والي مع العماني من سبيع لكن جل نسل هذا البفحل مع مطير .
الاجرب وهذا الفحل اساسه من بعارين الظفير وخاصة بن سويط وهو ابو الشعل الطيبة والمشهورة .
ولاننسى كذلك الودايع والتي لايوجد منها الا ذود مع الامير سلمان بن محمد وهي في الاساس ابل ابن عريعر شيخ بني خالد

هذا مايخص المغاتير .
اما المجاهيم فهناك وريك والي من نسله الابل الطيبة و المشهورة الي مع الداسر ولعل يوجد غيره معهم ومع قبيلة المرة هناك فحول مشهورة لكني اجهل الاسماء المشهورة منها
وكذلك المجاهيم الي من نسل ((اللحييات)) الابل المشهورة في جهة بلاد سبيع العلا وهي ابل جري ابن هملان القريشي السبيعي الشجاع المعروف والتي غزى بن رشيد عليه في صوب الخرمة يريد ان يسلبها منه في قصة مشهورة لكنه افتك ابله ونجا بها .
وهناك مجهم طيبة لكن لا ادري من هو ابوها والي خاصة مع المجامعة من سبيع والي كان الكثير منها في ذود حشر السبيعي الي فاز العام الماضي بالمركز الثاني في المجاهيم ويوجد عند السودة من سبيع وكذلك الفراعنة ابل طيبة مجاهيم وغيرهم من اهل رنية .


على كل الان اصبح بمكان اي شخص يملك المال الحصول على الابل الطيبة بخشم الريال لكن نحن نتحدث عن الاساس والقبائل التي كانت تملك افضل سلالات الابل وهي السالفت الذكر وهذا معروف عند اهل الابل وخاصة ابناء البادية .
طبا العرب جميعهم يوجد عندهم ابل لكن الي نقصد هنا الابل الاصيلة ذات الاساس المعروف وذات الشهرة
على كل الابل خلق رب العالمين وليس لاحد قدرة في شي من الخلقالله لكن الله يجعل مايشاء في يد من يشاء


هذا مالدي والله سبحانه اعلم

[shaheenshah]

وصلني ايميل من واحد من الشباب
يقول ان البعير هذا للشيخ مشعل العطاوي وبيع بـ 24 مليون في مزاين الهيلا

[الشامي1]

مرحبا اخوي والله ونعم بسبيع وهم اهل ابل ويستاهلونها
اما انك تقول ان (جميع الابل الوضح الزينه) من عندهم فهذا
غير صيحيح فعلاً عندهم ابل وزينه بس تقول جميع الابل الزينه
هذا كلام كبير شوي ولا ودي اعدد لك سلالات ابل عتيبه وندخل في
نقاش حاد ولكن حبيت اوضح لك هذه النقطه لأنها هضم حق على مستوى قبيله!!!!!!!!!!!

[السبيعي]

وصلني ايميل من واحد من الشباب
يقول ان البعير هذا للشيخ مشعل العطاوي وبيع بـ 24 مليون في مزاين الهيلا
اخي الكريم الدعو ماهي ايميل ان كانك تبي ندلك على محل البعير دليناه مافيه مشكلة
وتقبل تحياتي

[السبيعي]

مرحبا اخوي والله ونعم بسبيع وهم اهل ابل ويستاهلونها
اما انك تقول ان (جميع الابل الوضح الزينه) من عندهم فهذا
غير صيحيح فعلاً عندهم ابل وزينه بس تقول جميع الابل الزينه
هذا كلام كبير شوي ولا ودي اعدد لك سلالات ابل عتيبه وندخل في
نقاش حاد ولكن حبيت اوضح لك هذه النقطه لأنها هضم حق على مستوى قبيله!!!!!!!!!!!
اخوي الشامي ماعليك زود ولاهنت والله ونعم بكل القبايل والهيلا كذلك ونعم
اما النقاش انا مستع لنقاش معك ان كنت صاحب خبرة او مع غيرك يعني يكون رجل له خبرة في سلايل الابل ولامانع الى التطرق لمرابط الخيل ايضاً وانا بينت لك شي بسيط من المخزون الي عندي عن سلايل الابل وان كان عندك شي عطناه وحنا نعرف ابل عتيبة وش هي ابل عتيبة طال عمرك الحمراء وهي الابل المشهورة مع عتيبة واهل الحجاز في الماضي واذا بغيت تاخذ العلم خذه من اهل الانصاف وانا عديت لك الفحول الي اشتهرات على مستوى الجزيرة ولم اخص سبيع فقط فقد بينت الصفر عند من والشعلا عند من والوضح من هي عنده كذلك المجاهيم وبينت لك كذلك الواديع الابل الشهيرة عند من والاخ الضارم عطاك نبذه عن الشي هذا ونحن على هبة الاستعداد على المناقشة لكن بالدليل والسميات يعني عطني اسماء الفحول الي تبي تبني عليها نقاشكم كما فعلت انا ماتجيب لي فحل توه حق ولا عمره عشر سنين وتقول الفحل فلان ابي الفحل هذا من وين ساسه يعني عطني وعلى كل يمكنك سوال اهل الامانه والبخص من اي قبيلة عن صحة ما اقول وسوف تجد اني لم انسب لنفسي ولقبيلتي شي الا على بينه .
على كل اخي الكريم هناك ابل اشتهرت بالزين كسالفة الذكر وهناك ابل الجيش اي الي للركوب او السبقا مثل الصيعرية والشرارية والعمانيات وهذي ايضا لها اساس مثل قول بنت ظبيان وغيرها

ولك مني كل تقدير واحترام اخي الكريم

[بيت طين]

الفحل اللي في الصوره فحل ابن دبيل العصيمي ولا حضر مزاين العتبان وهو من انتاج تمام فحل هيف القحطاني وكلام الاخ السبيعي علي راسي ورده علي الضارم لكن البعير معروف راعيه ولو ماهوب للعصيمي ماحطوه العتبان علي شعار مزاينهم وعند سبيع اباعر طيبه ونعم فيهم لكن للتوضيح فقط ان الفحل لعتيبي وساكن في الكويت من اهل هديه وتقبلوا تحياتي.

[بيت طين]

اخوى السبيعي اباعر العونه من اقدم البل الوضح في الجزيره العربيه وتلقي سلالتها مع الفريق ابن هلال المطيري ومع غيره وبامكانك تسال عنها وحنا خابرين اباعر القريشات من يوم اخذوها الشيابين وردها بناخيهم الرويس عليهم ومانقول فى اباعر سبيع شي ونعرف متي طلعت ومتى زانت مع ابن غنيم وغيره بس النقاش علي الفحل اللي في الصوره ويمكن خويكم اللي تسولف عنه معه من انتاج الفحل تمام فحل يشبهه والاختلاف وارد بدون اي زعل وتقبل تحياتي..

[سلفر]

السلام عليكم ورحمة الله وبركاته

اخي السبيعي مرحبابك

والله ان سبيع كفو اهل ابل ولا احد يشكك فيهم من غير قصورفي باقي القبايل

لكن وانا خوك عوجيين بعير بن صاهود من ساس ابله ولا ابوه معطية الامير سعود بن محمد لبن صاهود شارية من دوسري يعني ساسه دوسري

ابل العونه من اشهر البل في الوضح والفحول المشهورة حديجان وزريبيل
بعير ابن ثنيان عليان اللي شراه الامير محمد بن سعود
اللي من ساسه مكنوز اللي سنه من السنين اخذه ابن فنيسان وهده في ابله
وصحن بن غنيم ابله على هلالان اللي شراه من الدواسر من الحراجين

وهذا لا ينقص من قدركم ولا من قدرنا
تقبل تحياتي

[السبيعي]

الفحل اللي في الصوره فحل ابن دبيل العصيمي ولا حضر مزاين العتبان وهو من انتاج تمام فحل هيف القحطاني وكلام الاخ السبيعي علي راسي ورده علي الضارم لكن البعير معروف راعيه ولو ماهوب للعصيمي ماحطوه العتبان علي شعار مزاينهم وعند سبيع اباعر طيبه ونعم فيهم لكن للتوضيح فقط ان الفحل لعتيبي وساكن في الكويت من اهل هديه وتقبلوا تحياتي.
اخي الكريم بيت الطيبن الله لايهينك على كل حال وبيض الله وجهك
الفحل اسمه العنقودي

وهو حاليا عند ابل منصور بن سعود بن دهيمان العزه

ومحله شمال محطة صحن بن غنيم عشره كيلو ,, وعليه سوم 750 الف

ورقم جوال راعية عندي للي يبيه

[السبيعي]

اخوى السبيعي اباعر العونه من اقدم البل الوضح في الجزيره العربيه وتلقي سلالتها مع الفريق ابن هلال المطيري ومع غيره وبامكانك تسال عنها وحنا خابرين اباعر القريشات من يوم اخذوها الشيابين وردها بناخيهم الرويس عليهم ومانقول فى اباعر سبيع شي ونعرف متي طلعت ومتى زانت مع ابن غنيم وغيره بس النقاش علي الفحل اللي في الصوره ويمكن خويكم اللي تسولف عنه معه من انتاج الفحل تمام فحل يشبهه والاختلاف وارد بدون اي زعل وتقبل تحياتي..
اخي الكريم في احد الايام كنت مع الشاعر الكبير غازي بن عون نتحدث عن الابل ودار بينا نقاش عنها فقال لي ان اطيب الابل المغتير معكم ياسبيع وترا نحن يالعونه معنا ابل مغاتير طيبة وهي اطيب ابل عتيبة المغاتير طبعا ان لاانكر وجود ابل مع عتيبة لكن انا اطالبك بذكر الاساس ماهو شي من 70 سنة وجاي
اما ان الشيباين ماخذين ابل القريشات وردها لهم الرويس القريشات فاكين ابلهم من القوم وسبيع كلهم ويكفي قصة جري بن هملان وعلى كل ما دامك دخلت في التاريخ ابعطيك القصة هذي
هذه القصيدة تبين ان العصمة غزوا قبيلة القريشات من سبيع وألحقوا بهم القريشات

هزيمة كما هي عادت القبائل مره فوز ومره هزيمه وقتل أحد فرسان العصمة

وهو ( مرزوق بن برقا )

فقال الشاعر وديد الشيباني هذه القصيدة ومسندها للعصمة يقول وديد الشيباني :

مرزوق بن برقا رموه المعادين
رموه إللي جعلهم بالذهابي

مع أيسر الغرمول وأيمن جبل تين
في سهلة(ن)فوقه يحوم الغرابي

فرد عليه صنهات بن صلفة العصيمي مبيناً له كيف كانت المواجهة ومذكراً له غزو

الشيابين ومعهم الدعاجين وكسرهم في هذه المعركة على يد القريشات من سبيع وقتل

شيخ ذوي خليفة من الشيابين الشيخ براك بن سحمان الذي قتله الفارس ردعان القريشي .

فيقول صنهات بن صلفة العصيمي :

ياوديد ليتك غرت ثم شفت بالعين
يوم حل في تالي الركايب ذهابي

جونا هل الأبل شاربين الغلاوين
ثم حولوا من فوق جرد الرقابي

فيهم شياطين وفيهم سلاطين
قوم(ن) على صم الرمك ما تهابي

عينت بن سحمان يارايب العين
كبوه ما كزوا عليه الترابي

غرتوا شيابين ومعكم دعاجين
ثم عرضوكم شامخات الهضابي

فأن كان تبغى سبيع فسبيع مرسين
للي يبيهم عارضين الجنابي

يتلون أخو جوزاء صعوط المجانين
أهل سربة(ن) تروي الغلق والحرابي

وأخو جوزاء صعوط المجانين هو شيخ القريشات الفارس المعروف ( ناصر بن مشاري)

والقبايل كلها دوان حلالها ودون انفسها يابيت الطين

[السبيعي]

السلام عليكم ورحمة الله وبركاته



اخي السبيعي مرحبابك


والله ان سبيع كفو اهل ابل ولا احد يشكك فيهم من غير قصورفي باقي القبايل


لكن وانا خوك عوجيين بعير بن صاهود من ساس ابله ولا ابوه معطية الامير سعود بن محمد لبن صاهود شارية من دوسري يعني ساسه دوسري


ابل العونه من اشهر البل في الوضح والفحول المشهورة حديجان وزريبيل
بعير ابن ثنيان عليان اللي شراه الامير محمد بن سعود
اللي من ساسه مكنوز اللي سنه من السنين اخذه ابن فنيسان وهده في ابله
وصحن بن غنيم ابله على هلالان اللي شراه من الدواسر من الحراجين


وهذا لا ينقص من قدركم ولا من قدرنا

تقبل تحياتي

اخي الكريم اول شي ان بعير ابن صاهود له اكثر من مئة وخمسين سنة اي قبل ان يفتح الملك عبدالعزيز الرياضي طيب الله ثراه وانت تقول انه شراه من الامير محمد بن سعود هل انت ماخذ الكلام من ناس يجهلون في سلالات الابل ؟؟
وهو اخي من نسل طفحان البعير الي تنسب له الطوافح الابل المشهورة مع سبيع وكذلك ونقان الي ايضا مع سبيع اما الشعلا الطيبة من الاجرب بعير بن سويط شيخ الظفير من مئات السنين ومن سلايلها الي مع صحن بن غنيم ولقد اخذوها سبيع من الظفير في احد المعارك مع الظفير عندما قال وهذا كل ماذكره ابن بشر

نص ما ذكره ابن بشر عن المعركة بعدما قال ثم دخلت الرابعة والتسعون بعد المائة والالف ذكر امور اخرى ثم قال وفيها اغار بوادي سبيع على بوادي الظفير وهم على سفوان الماء المعروف عند البصرة فاخذوا عليهم ابلا كثيرة نحو اربعة الاف بعير.انتها كلامه
اي يا اخي ان الشعلا مع سبيع من ذلك الوقت والمعروف والمشهور ان الظفير هم اهل الابل الشعلا من القدم
وليس كما ذكرت في سيق حديثك وعلى كل الدواسر القبيلة العريقة اشتهرت بالابل المجاهيم النادرة ويوجد منهم الغييثات اهل الابل المغاتير الطيبة ايضا اما الشعلا فليست ابل مقمة مع الدواسر كما هو مشهور ومعروف



وكذلك عبدان ابو الصفر الي مع مطير نسله ومع الي بينت في ردي سابقا

ثم اخي الكريم لتعلم ان ابل سبيع ابل مقيمة من القدم ويشهد على ما اقول ما ذكره ابن بسام في تحفة المشتاق في احداث عام 871عندما قال بن بسام فيها اغاروا عنزة على سبيع وال كثير في اسفل وادي سدير واخذوا لهم ابلا كثيرة ففزعوا عليهم ولحقوهم وحصل بينهم قتال شديد واستنقذوا ابلهم . الااخر كلامه
اخي الكريم انا اتحدث مع بنصوص تاريخيها مؤثقة وليست من افواه العوم الي بعضهم يفق وبعضهم يجهل


هذا لتعلم اخي الكريم ان اختلاف وجهات الظنر لايفقد للود قضية وان كنت تتكلم عن عتيبة فعتيبة الهيلا ونعم القبيلة ونعم الرجال وهم اهل العلم الطيب واهل التاريخ المشرق ولا ننقص من حق اي قبيلة لكن نحن نتحدث عن الابل وان كان الاخ بيت الطين قد ادخلنا في منحنى اخر في النقاش
هذا ولك مني كل تقدير واحترام انت ورجالات قبيلتك الشامخة

[بيت طين]

اخوى السبيعي بارك الله فيك الفوز والهزيمه كلها وارده وهذا ماهوب غريب علي سبيع ولاهوب غريب علي عتيبه لكن انا ماخذى علي كتابتك من البداية انك تحاول تبين ان الاوادم كلهم اهل ابل الا عتيبه وان ابلهم غير مقيمه وكان الرسول عليه افضل الصلاة والسلام قد ذكر هالشي بعد انتصاره علي هوازن في معركة حنين يوم جاه احد الاعراب وساله من الحلال اللي يملي الوادي وانت تعرف هالحلال منهو حلاله ماهوب من 70 عام وبس من 1400 عام ويشهد الله ان سبيع غالين علينا ولا قصدنا نذكرهم بشي يزعلهم ويكفي البيت اللي في قصيدة ابن جذلان اللي يقول فيه مايسب الطيبين الا الرخوم وانت وحنا نكرم عن هالشي لكن عد الحق. وغازى رجال طيب العشره وانسان مجامل ومحب لسبيع ويكفي قصيدته الشهيره في سبيع وهم اهل لهالمدح وكفو له .وتقبل تحياتي ..

[الشامي1]

صباح الخير اخوي السبيعي
هذا الكلام اللي ماكان ودي انا نتطرق له واللي منعني من الرد في بداية الموضوع, لأنه يمكن يسبب امور ما ودنا بها ولا ودنا نذكرها بالمنتديات
وتصير عرضه للتحريف والتزييف،، ولا ترى كلٍ عنده موسوعات ومخطوطات
فيها كل شي عن الماضي وعموماً انا ما ودي اتطرق لهالمواضيع.
ولكن عندي تصحيح لبعض كلامك يوم تقول ان ابل عتيبه هي الحمر فقط!!!
العتبيان ملكوا جميع انواع الابل سواءً كسب او غيره, والحمر اشهروا بها اهل الحجاز لأنها الابل الموجوده في تلك المنطقه ولو كان فيه غيرها لملكوها
وبالنسبه لأهل نجد فاشتهروا بالمجاهيم عند العصمه والشيابين والوضح عند المقطه والروسان والشعل والصفر عند النفعه هاذي فقط اللي عند برقا
والروقه عندهم اعظم واعظم ولكن لا اعرف تفاصيلها بالظبط.
وبالنسبه لاشهر الفحول الوضح عند عتيبه عند العونه ولو تحسب عموقها يمكن نقعد انا وياك يوم كامل ما انتهينا.
وهناك معلومه ودي اقولها لك ويستفيد منها الجميع وهي اصول الابل في الجزيره العربيه:
بالنسبه للوضح اصولها شماليه بدون منازع واشتهروا بها قبايل الشمال
والمجاهيم اصولها جنوبيه وشرقيه واقصد بالجنوب هنا الجنوب الشرقي يعني جنوب نجد والربع الخالي (الرمله).
والحمر اصولها حجازيه وتهاميه اي اهل الغرب واهل السراة ايضاً.
والشعل والصفر اشهروا بها اهل الشمال الغربي لنجد.
ونظراً لقوة القبايل التي نزلت نجد تجد جميع هذه السلالات موجودة عندهم بحكم المغازي والغارات القديمة.

[يوسف العنقودي]

السلام عليكم ورحمة الله وبركاته:

الكثير يسأل عن مالك هذا الفحل وسبب تسميته بهذا الاسم"""

فبالنسبة للفحل العنقودي فهو من اقوي الفحول العربية ,,

وتسمى بناته ب (( الوضح العنقوديات))

>>وملكيته ترجع الى"" عجاج بن دنه العنقودي الظفيري"" <<

وسبب تسميته راجع لاسم صاحبه <<<


تقبلوااا تحياتي

يوسف غنام العنقودي

[راعي الطلعات]

الي اعرفه مثل ما جاني بالبريد

فحل:الشيخ مشعل العطاوي العتيبي
بالصور تم بيعه في مزايين عتيبه
بــ 29 مليون ريال

[محمد بن سطام]

السلام عليكم ورحمة الله وبركاتة
احب الفت نظر الاخوان الكرام ان فحل
ابن دبيل العصيمي المسمى بسهيل ماباعه والفحل حالين
موجود في مزرعتة في قرية العليا .
وسلامتكم

[القناص 2008]

هذا الفحل ملك مالك الابل المعروف سعود بن ثنيان الحافي العتيبي

[attawi]

هذا فحل مشعل بن صقر بن عواد العطاوي وهذا جدي اسمي خالد بن فهد بن محمد بن صقر بن عواد العطاوي






و تقبل مروري

[فاسيلي زايستي]

القعود راسه ورقبته مميزه وهايله اما جرمه وسط ماهو رفيع وسنامه تفصيله ماهو ميه ميه والله يبارك لراعيه

[أبو البرنس]

ماشاء الله تبارك الله ...فحل طيب

[أبو البرنس]

ماشاء الله تبارك الله 24 مليون؟؟؟؟

[attawi]

لا تعطون جدي عين وتقل مروري

[العصيمي 511]

حق لبن دبيل العصيمي

[العود&& الازرق]

مشكورررررررررررررررررررررررر

[راعي الطافحه]

هاذا باخوي حق ابن دبيل العصيمي اكيد

[attawi]

هذا حق جدي و انا شفته واسمه مشعل العطاوي وتقبل مروري

[attawi]

لا تكذبون يا رياجيل http://133

[كاشخ 24 ساعه]

البل كل قناها ذا اليوم حتى الحضري وضايع الاصل صار يقول البل عندنا وحنا اهل البل


والحمد لله كل مشيخته دراهمه والا اكثر ملاك البل الان ما يعرفونها من اول لكن شروها وتفاخروا فيها


والقبايل كلها وخصوصا قبايل نجد لديها انتاج طيب وسلالات من عصر القديم


وعلى قول الشايب


حنا هل البل من اول لكن من يوم دنقت على دمونها وقامت تاكلها صار كل يملك البل

وسلامتكم

[راجي الكريم]

يازينك ساكت يالكاشخ
الابل يالحبيب قناها العرب حاضرهم وباديهم من مئات السنين ولا هو بس العرب حتى الهنود والباكستان قنوها مثل العرب وهذا حنا صرنا نستوردها منهم , والحقيقة الواحد ماوده يدخل مثل هالنقاشات لكن يجيك من يبلاك

[ابو راكان 111]

الله يباركلك ويرزقك

[المستعين بالله]

الكاشخ الكاشخ الكاشخ
والله ماذبحنا ولا غثنا الا المتخلفين اللي زيك
لكن على ما قالوا ما يغثك من الدبش الا خسيسها واولهم ابو ثوب معرفط وصروال وصخ ...... الكاشخ ها للي رجع للجاهلية ونسى تعاليم دينه على شان نقاش على شان وشو بس على فحل مانقول الا الله يبارك لراعيه
مع اعتذاري الشديد للجميع حاضرة وبادية

[شعب الحلاه]

اخوى السبيعي بارك الله فيك الفوز والهزيمه كلها وارده وهذا ماهوب غريب علي سبيع ولاهوب غريب علي عتيبه لكن انا ماخذى علي كتابتك من البداية انك تحاول تبين ان الاوادم كلهم اهل ابل الا عتيبه وان ابلهم غير مقيمه وكان الرسول عليه افضل الصلاة والسلام قد ذكر هالشي بعد انتصاره علي هوازن في معركة حنين يوم جاه احد الاعراب وساله من الحلال اللي يملي الوادي وانت تعرف هالحلال منهو حلاله ماهوب من 70 عام وبس من 1400 عام ويشهد الله ان سبيع غالين علينا ولا قصدنا نذكرهم بشي يزعلهم ويكفي البيت اللي في قصيدة ابن جذلان اللي يقول فيه مايسب الطيبين الا الرخوم وانت وحنا نكرم عن هالشي لكن عد الحق. وغازى رجال طيب العشره وانسان مجامل ومحب لسبيع ويكفي قصيدته الشهيره في سبيع وهم اهل لهالمدح وكفو له .وتقبل تحياتي ..



ملاحظه وأرجوا أن تجاوبني :

هل ذكر اسم عتيبه في الجاهليّه أو في عهد الرسول والصحابه أو في عهد التابعين أو عهد دولة بني أُميّه أوالدوله العبّاسيه

هوازن عباره عن عدّة قبائل ولم يكن اِسم (عتيبه)مذكور في قبائل هوازن وفي غزوة (حنين)




سؤالي :

في أى سنه ذكر اِسم قبيلة (عتيبه)؟

[Esc]

ما شاء الله عليه الله يحرصه من العين

[فاسيلي زايستي]

اشغلتونا سبيع وعتيبه سبيع وعتيبه اليوم الدار لاهل العوجا اخوان نوره والبل لهم والارض لهم اما الافعال القديمه لاحد يسردها عندنا كلن مات وراح الله يرحمهم

[أبوحمد 505]

جاء في صحيح البخاري
رجلان من المهاجرين والأنصار تشاجرا
فَقَالَ الأَنْصَارِىُّ يَا لَلأَنْصَارِ. وَقَالَ الْمُهَاجِرِىُّ يَا لَلْمُهَاجِرِينَ
فَسَمِعَ ذَاكَ رَسُولُ اللَّه صلى الله عليه وسلم فَقَالَ
مَابَالُ دَعْوَى جَاهِلِيَّةٍ
قَالُوا يَا رَسُولَ اللَّهِ كَسَعَ رَجُلٌ مِنَ الْمُهَاجِرِينَ رَجُلاً مِنَ الأَنْصَارِ .
فَقَالَ
دَعُوهَا فَإِنَّهَا مُنْتِنَةٌ
فذكر النسب أو الوطن
على سبيل الإفتخار والتكبر على الآخر
من دعاوى الجاهلية التي أبطلها الإسلام


قال رسول الله صلى الله عليه وسلم
لا فضل لعربي على أعجمي ولا لعجمي على عربي
ولا أبيض على أسود ولا أسود على أبيض
إلا بالتقوى الناس من آدم وآدم من تراب

وقال الله تعالى
إِنَّ أَكْرَمَكُمْ عِندَ اللَّهِ أَتْقَاكُمْ
( الحجرات : 13 )
فالأكثر تقوى هو الأكرم عند الله ولو كان عبداحبشيا
والأنساب لا تغني شيء عن العبد

[كاشخ 24 ساعه]

الكاشخ الكاشخ الكاشخ
والله ماذبحنا ولا غثنا الا المتخلفين اللي زيك
لكن على ما قالوا ما يغثك من الدبش الا خسيسها واولهم ابو ثوب معرفط وصروال وصخ ...... الكاشخ ها للي رجع للجاهلية ونسى تعاليم دينه على شان نقاش على شان وشو بس على فحل مانقول الا الله يبارك لراعيه
مع اعتذاري الشديد للجميع حاضرة وبادية



وانت وشبلاك معصب الله يصلحك

لا يكون طبينا وحنا ما ندري

انا قلت كلمة حق ولا قصدك ابد وانتوا عند الله زي القبايل ويمكن أحسن والخاتمه للمتقين

[Esc]

ما شا الله عليه تبارررك الله