اللي جرب أو يعرف أحد جرب ماطور الهواء الهيدروليك لا يبخل علينا

[NissaN 1990]

السلام عليكم ورحمة الله وبركاته

يا أخوان عندي مشكله بسيطه وهي أني شريت هيدروليك حق البيوك بعد ما سعمت أنه قوي وممتاز وعملي فقلت أبي أشتريه وأركبه بموتري وقالولي الربع خذلك واحد رخيص وعملي ولا يحتر ويعبي بسرعه علماً بأن كفرات موتري بالون حجم 900 الحاصل رحت للتشليح وشريت بدال الواحد أثنين من سيارات بيوك نضيفه مره وثبتها بصندوق خشب وسلكتها وحطيتها ورا المرتبه ومديتلها لي وشبكت الأثنين في هذا اللي المهم يوم شغلت المواطير اللي رهمتها ما عبت أبد لدرجة أني في مره فكيت الأبره (البلف ) حق الكفر وعبيت ورفعت السياره بالعفريته وبعد يمكن ربع ساعه عبا شي بسيط

سمعت أنها ما تخرب تشتغل إلين تطفي مره وحده يعني على طول قوي أو يطفي
أبي الحل الله لا يهينكم وهل له صيانه أو يركبله كتاوت عشان يقوى أو أحد يعرفلي كهربائي متخصص فيها يصلحها لي (بالرياض)
كلفتني فوق 300 ريال بدون فائده
ولكم جزيل الشكر

[NissaN 1990]

تكفون ردو ما أقدر أشتري واحد ثاني قيمته ما تقل 300 ريال وأزيد الخساره خساره...

[ناصرالربيعان]

اخ نيسان
اذا بستم بيوك انا عندي من سنين وماعليه
بس اشك في ترهيمك الاثنين مع بعض

الحل : افصل كل واحد لحاله وجررررب إذا مشي الحال فالمشكله في ترهيمك (وبربسك)معليش اقبلها مني

وإذ تمر علي بالرياض اجري عليها بصه واقولك (مسوي خبري)

[hdd4004]

ما فهمت وشلون ماطور هواء هيدروليك :confused: :confused: :confused:

[ابن بدران]

وعليكم السلام ورحمة الله وبركاته

مواطير الهيدروليك مجربها من سنين وللحين معي
أول شي ياخوك يبي لك تقصر سلك الكهرباء وتطول لي الهواء والأفضل انك تاخذ لي هواء سخيف ما يكون عريض زي لي البنشر عشان يقوى الدفع .
كل ما قصر السلك وصار نوعه زين من 4 مل وفوق تراه احسن
أما السلك الطويل يضعف الكهرب ونفخ الهواء ..
إذا ماقدرت تثبت المواطير بكبوت السيارة جنب البطارية حطها بكيس أو صندوق ورى المرتبة ونزلها عند حاجتها

واذا حبيت تختبر قوة الماطور وصحاوته أشبك الماطور بسلك قصير وشغله ثم سكر باصبعك مخرج الهواء من الماطور واصبر شوي ، إذا دف الهواء اصبعك بالغصب معناه البستم زين والماطور صاحي أشبكه مع أخوه بلي واحد وسلك قصير
وإذا قام الماطور يطرطر أو طفى معناه إنه ماهوب زين ..
ولو تبي تقوي الماطور جرب تفك القربة السوادء (حقة الهواء) منه ثم تفكها بكماشة وتطلع اللي داخلها
الغالب يكون داخلها حبات صغيرة أصغر من خرز السبحة عشان تفلتر الهواء ولا لها داعي الحين
وإن فكيت غطاء البستم وشحمته شوي تراه احسن له وأبرد
واذا جيت تعبي الهواء لا تزيده عن ال30 أو 35 على أشد الأحوال عشان ما يتعب الماطور ويحتر.

وموفق خير ياغالي

[hdd4004]

يااخوان واحد يفهمني وشلون ماطور هدروليك

[الفتكي]

شوف اخوي نيسان 1990 انا معي ماطور ايطالي من نوع فيني اشتريته بقيمة 1200 ريال من محل التويجري بشارع الريل في الرياض منذ عام 1424 هـ لونه احمر وفيه مروحه بس لازم ترفعه عن الرمل من شان المروحه ماتجيب الرمل للبستم لاكن مستحيل تحصل مثله لا استرالي ولا امريكي خاصه اذا كان عندك كفرات بالون لأن كفر البالون يعلمك ويش الماطور الزين ممكن تعبي فيه الكفرات الكبيره مثل كفرات الرشاش والسيارات الكبيره وهو ممكن قوته قريبه جدا من هوا البنشر ومستحيل احد يجيب ماطور اسرع منه انا معي الى الان ونفخت فيه العام الماضي خمس سيارات في آن واحد ولاشي وحطيت فيه لي مثل حق البنشر ومي صورمنه لكن ماعرفت اطرحها في المنتدى هذا الايميل حقي يرسل لي رقم الجوال عليه وارسل له الصور اذا كان عندك الوسائط شغاله وكذلك رقم الجوال حقي معليش تحملوني لكن تحصلو شي رائع جدا وشكرا لكم ولكم خالص تحيات.
0556160019
The.5555@hotmail.com

[NissaN 1990]

أهلين بالأخوان جميعاً وأشكر لكم ردودكم وأقتراحاتكم أخوي طائر الصحراء حياك الله وكلامك منطقي ولا فيه شي فعلاً أنا سويت نفسي فاهم وبربست زياده عن اللزوم... والظاهر أني جبت العيد بس أهل الجيوب كلهم يحطون أثنين ويمدحونها أما عن التسليك فعلاً لأني في مره خليته يمكن ربع ساعه وأحتر السلك حراره ما هي طبيعيه لدرجة أن السلك ذاب وطلع دخان وبعدها فصلتها وقلت خلها إلين ألقالها حل
أخوي إبن بدران أنا أختبرتها أول ما شريها وسديت الفتحه بأصبعي ولا قطع الهيدروليك ولا طفى بس ما دفع أصبعي
أخوي الفتكي جزاك الله خير وما قصرت بس سعره غالي 1200 ريال


أخونا هدد 4004 وسع صدرك نبي نرد عليك طال عمرك الهيدروليك الله يحفظك هو اللي يجي بالفكسار فل كام ويجي بالفرود مثل القراند ماركيز وبالكدالك وبالبيوك ويجي بعد بالسيارات الألمانيه وهو اللي يرفع السياره إذا تمايلت ويعدلها والناس صارو ياخذون حق السيارات الأمريكيه ويرهمونه ما طور هو وميزته على قولهم
1. سعره رخيص
2. دفعه قوي
3.ما يخرب لأنه صناعه أمريكيه
4. مدري وش الرابعه..



5. أنا ما شفت منه أي شي من كلامهم اللي قالوه

وآسفين على الإطاله وياليت أحد يعرف لنا كهربائي يدلنا عليه أنا مكاني في الرياض

[ناصرالربيعان]

اخوي نيساان انا في خدمتك وإذا اي حاجه ارسللي علي الخاص

[NissaN 1990]

تسلم أخوي طائر الصحراء ما تقصر الله يخليك ودي أقابلك وأوريك كيف الترهيم المحيوس بس الداوم عندي يحبه قلبك من الساعه 7 صباحاً إلى 6 مساءً أطلع من الدوام طالعه عيني ما أقدر أشوف شي بس لو تعرف كهربائي أمره متى ما فضيت أو ترسلي رقمك على الخاص عشان أدق عليك وإذا فضيت أمرك الله يخليك إذا ما فيه أحراج

[NissaN 1990]

وش رايكم فيه خبير في الرياض والا أعطيها سيارة البلديه وأنتم بكرامه إذا مرت بالحاره

[camaro]

سبحان الله وبحمده
سبحان الله العظيم

[فليت بن قنه]

طيب ما طور المكيف وشرايكم فيه
الفريون المنزلي قوي تراه