راع الكحيلة
10/09/2003, 08:55 PM
السلام عليكم ورحمة الله وبركاته
إخواني الأعزاء
لم يتبق قدر الذي مضى
فقد إنكسرت شدة الحر ولم يتبق إلا القليل بإذن الله تعالى حتى يدخل علينا فصل الشتاء
وأسأل الله تعالى أن يجعلها سنة خير وبركة علينا وعلى كل ديار المسلمين
وبهذه المناسبة أهديكم هذه القصيدة الرائعة القديمة للشيخ ابراهيم بن جعيثن مسندها على اهل سدير فتأملوا كلماتها جيدا
يا الله بنوّ للرعد به زلازيل=ينشي من القبلة صدوق خياله
ينشي الضحى وهو اسود كنه الليل=البرق به مثل الضوى اشتعاله
يحدر كونه مثل زجر المحاحيل=واعياز مزنه مثل دامر حلاله
ويلا انتهض ساق السدى بالهماليل=مثل النعام اللي تزايد جفاله
من واحد مهوب منان وبخيل=رب كريم وكل حي يساله
سيله يعم سدير من غير تفصيل=عقب اربعين الحول يذكر كماله
الغاط والزلفي يحده مشاميل=وابا ذرية والوطا من سهاله
ويضفي على المشقر إيلا هود الليل=يعم شعبانه يجي باحتماله
وياطا الرويضة والحريق مقابيل=واباالسروج وما انحدر من قباله
ووراط يحيي به حلال مهازيل=حيثه هو اللي ينطح السيل جاله
ويلا انحدر يضفي على العودة السيل=وتميرٍ و مجزل تملي هجاله
ويثني شعيب الغاط سيله بتسهيل=ما يتعب اللي غارس له سباله
ويمطر على حرمه حقوق مخاييل=يعيش بها الحرفي وراعى العماله
ويعل وادي المجمعة للمطافيل=وبا المياه علاوته والسفاله
ويمطر على هدب الغروس المظاليل=يحير سيله في النخل والحياله
ووادي الفقازين البساتين ونخيل=في القيض يسقى صافيٍ من زلاله
كدادهم كنه على ساحل النيل=تسمن معاويده ويكثر رياله
يرجع سدير ويكثرن المحاصيل=تلقى به التاجر ينمي حلاله
غرايسٍ يازينها طلعة سهيل=يفرح بها اللي جايعين عياله
للاجنبي والجار فيها مداهيل=خشر ليالي القيض من له وماله
الهلى يعطى الكسابه بلا كيل=والاجنبي يعطى العلف للزماله
هذا يبي خضره وهذا له الشيل=وراع الحطب له حزمة في حباله
وان جا الضعيف بارد الكف ومعيل=يمشي على الرجلين ماله زماله
قليل شوف ويشتكى من ردى الحيل=ماله حلال ويستحي من ظلاله
جار لسمحين الوجيه المناويل=أهل سدير اهل الصخى والجزاله
ربع يسلونك بكثر التعاليل=وكل يوسع خاطره بالنزاله
يروح و ركابه تهادى من الشيل=من شاف حاله قال يا كثر ماله
مع ذا تراهم للخواطر بهاليل=لاهل النضا واللي ذلوله نعاله
يلقى دلال باشقر البن والهيل=تفوح مع طيب النبا والسهاله
يلزم مسويهابغسل الفناجيل=وتر كى إلين إنه يجيب الفواله
من عقب هذا السمن ومفطح الحيل=كل يحشمونه على قدر حاله
رجالهم لو ماله إلا المعاميل=لا بد مع ضيفه يسوى جماله
جدانهم اجادوا وحنا مواصيل=ومن مات يظهر من عياله بداله
ربعي وانا منهم كثير المداخيل=ومن لا مني فيهم عسى الشر فاله
يستاهلون المدح جيل بعد جيل=اللي يماريهم فهو من هباله
يا كثر ما مدحوا ويا مابهم قيل=للضيف راعى سدير خله لحاله
هشين بشين وعدل عن الميل=سمحين وبضده لراعى الجهاله
أقول شوف العين ماهو دهاويل=ما جيب لي نقل بخط الرساله
وصلاة ربي عد رمل الغراميل=على النبي مبدى كلامي كماله
إخواني الأعزاء
لم يتبق قدر الذي مضى
فقد إنكسرت شدة الحر ولم يتبق إلا القليل بإذن الله تعالى حتى يدخل علينا فصل الشتاء
وأسأل الله تعالى أن يجعلها سنة خير وبركة علينا وعلى كل ديار المسلمين
وبهذه المناسبة أهديكم هذه القصيدة الرائعة القديمة للشيخ ابراهيم بن جعيثن مسندها على اهل سدير فتأملوا كلماتها جيدا
يا الله بنوّ للرعد به زلازيل=ينشي من القبلة صدوق خياله
ينشي الضحى وهو اسود كنه الليل=البرق به مثل الضوى اشتعاله
يحدر كونه مثل زجر المحاحيل=واعياز مزنه مثل دامر حلاله
ويلا انتهض ساق السدى بالهماليل=مثل النعام اللي تزايد جفاله
من واحد مهوب منان وبخيل=رب كريم وكل حي يساله
سيله يعم سدير من غير تفصيل=عقب اربعين الحول يذكر كماله
الغاط والزلفي يحده مشاميل=وابا ذرية والوطا من سهاله
ويضفي على المشقر إيلا هود الليل=يعم شعبانه يجي باحتماله
وياطا الرويضة والحريق مقابيل=واباالسروج وما انحدر من قباله
ووراط يحيي به حلال مهازيل=حيثه هو اللي ينطح السيل جاله
ويلا انحدر يضفي على العودة السيل=وتميرٍ و مجزل تملي هجاله
ويثني شعيب الغاط سيله بتسهيل=ما يتعب اللي غارس له سباله
ويمطر على حرمه حقوق مخاييل=يعيش بها الحرفي وراعى العماله
ويعل وادي المجمعة للمطافيل=وبا المياه علاوته والسفاله
ويمطر على هدب الغروس المظاليل=يحير سيله في النخل والحياله
ووادي الفقازين البساتين ونخيل=في القيض يسقى صافيٍ من زلاله
كدادهم كنه على ساحل النيل=تسمن معاويده ويكثر رياله
يرجع سدير ويكثرن المحاصيل=تلقى به التاجر ينمي حلاله
غرايسٍ يازينها طلعة سهيل=يفرح بها اللي جايعين عياله
للاجنبي والجار فيها مداهيل=خشر ليالي القيض من له وماله
الهلى يعطى الكسابه بلا كيل=والاجنبي يعطى العلف للزماله
هذا يبي خضره وهذا له الشيل=وراع الحطب له حزمة في حباله
وان جا الضعيف بارد الكف ومعيل=يمشي على الرجلين ماله زماله
قليل شوف ويشتكى من ردى الحيل=ماله حلال ويستحي من ظلاله
جار لسمحين الوجيه المناويل=أهل سدير اهل الصخى والجزاله
ربع يسلونك بكثر التعاليل=وكل يوسع خاطره بالنزاله
يروح و ركابه تهادى من الشيل=من شاف حاله قال يا كثر ماله
مع ذا تراهم للخواطر بهاليل=لاهل النضا واللي ذلوله نعاله
يلقى دلال باشقر البن والهيل=تفوح مع طيب النبا والسهاله
يلزم مسويهابغسل الفناجيل=وتر كى إلين إنه يجيب الفواله
من عقب هذا السمن ومفطح الحيل=كل يحشمونه على قدر حاله
رجالهم لو ماله إلا المعاميل=لا بد مع ضيفه يسوى جماله
جدانهم اجادوا وحنا مواصيل=ومن مات يظهر من عياله بداله
ربعي وانا منهم كثير المداخيل=ومن لا مني فيهم عسى الشر فاله
يستاهلون المدح جيل بعد جيل=اللي يماريهم فهو من هباله
يا كثر ما مدحوا ويا مابهم قيل=للضيف راعى سدير خله لحاله
هشين بشين وعدل عن الميل=سمحين وبضده لراعى الجهاله
أقول شوف العين ماهو دهاويل=ما جيب لي نقل بخط الرساله
وصلاة ربي عد رمل الغراميل=على النبي مبدى كلامي كماله