يا صقاقير الكويت

[الدافور]

السلام عليكم و رحمة الله و بركاته,,,
لدي استفسار و ارجو من الاخوه الكويتيين او من لديه معلومه ان يفيدنا بها و الاستفسار هو عن وقت هجرة الصقور و الاماكن التي تعبر بها و هل احد طرح له طير في وقت الهجره مع تحديد المكان و التاريخ طبعا سؤالي ينحصر على دولة الكويت فقط و اسف الاطاله و ارجو منكم ان تجاوبوا على سؤالي في اسرع وقت
ولكم جزيل الشكر
تحياتي: الدافـــــــــــــور

[الفهد]

الغالى الدافور
ابشر بعزك واللة
تاريخ هجرة الطيور اهو بعد اسبوع من اليوم اى بتاريخ 20|9وفوق
ما الاماكن ,,,, الكويت كلها معبر وللة الحمد وأكثر ما تلاقى بالحماد عندنا
واهو الابرق والسالمى واكيد الصبية اللى على البحر ماتخلا
وللحين محد ذكر شئ لان تو الناس يبيلة كم يوم
وحياك اللة عند اخوانك وربعك وعلى اللة ماكون قصرت
واذا تبى تسأل بعد حياك

[معشوق]

السلام عليكم
يا هلا اخوي/ الدافور
انا ماعندي ذيك الخبره بس ودي اشارك واتمنى اني افيدكم
مثل ما قال اخوي الفهد هجرة الطيور 20/9 واكثر مكان تحصل فيه الطيور هو الشمال لأنه مافيه ناس واجد يعني راح تحصل بالصبيه(اكثر شي داخل الشبك مال المحميه بس ممنوع :D ) والسالمي ويمكن العبدلي

[الدافور]

السلام عليكم,,,
اخواني الفهد و sellebar
اشكركم على ردودكم الوافيه و عز الله انه ما جا منكم قصور اشكركم من كل قلبي و اقول لكم ما قصرتوا و عساكم ذخر تقبلوا تحيات اخوكم :
الدافور