اخواني اريد تركيب دربيل على خرازة وشو افضل نوع

[saadqc]

السلام عليكم اخواني اريد تركيب دربيل على خرازة فما هو افضل نوع وش تنصحوني فيه

[عبدالرحمن]

اذا انت في السعودية الله يعينك واذا انت برا السعوديه زياره لمحل صيد بتلقى انواع وتختار ما يناسبك ويناسب المبلغ الموجود معك .

[saadqc]

اخوي انا بالرياض وين تنصحني اروح لمن وش اسم النوع الجيد

[الشمالي 555]

عليك بالدربيل الوبلي ولا صائب وراح تدعي لي

[بلوتوث]

وبلي وبتدعيلي اذا جربته وبتحصله عند الهدف في شارع التخصصي

[عبدالرحمن]

في الرياض عندك الرمايه و الهدف وصاب كلها تبيع درابيل ومتقاربه في النوعيه واسعارها اعتقد من 250 وفوق , فيه ناس يهمها صفاء الرؤيا وفيه ناس ما يهمها الا قوه التقريب وانت شف وش الي يريحك منهم وبتلقى كل النوعين في المحلات هذي .

[abd-107]

أخوي نصيحه لا تقرب صاب ذبحن من كثر ما تغير وزنته كل يوم لازم أوزنه مع العلم أني جربت ثلاث منهن وكلهن عندي بالبيت وجادعهن غرن مدح الناس به إذا إنصحوك الإخوان بغيره إشره ولا تقرب هالمروح صاب تررراه خساره ولو بعشره ريال

[سراب الغرام]

تلقها في صاب الي في انكاس

[صقر ورقان 1]

اقول عليك ب ليبولد الأمريكي لك ولزمن

[قناص الوعول]

انصحك بدربيل زايس الاماني غالي شوي وهو اطيب مافي السوق وغير زايس لا تتعب نفسك وتخسر من الرصاص في الوزنيه لو تحسب قيمه الرصاص الي توزن به الدربيل كل ما طلعت البر اذا كان سعر الثوب الواحد 600 وطالع ...
دربيل زايس بتحصله عند الرمايه با 2000 ريال وتراه طيب مررررررررررره وتوزنه مره وحده ويجلس معك ثلاث سنين ما تغيرت وزنته ويدلك على السلعه اثمانها

[الجندي2005]

ثلاثه صعبه لو اني ارمي غزلان