فكره سريعه لتعبئة الهواء ولكن؟؟؟؟؟؟؟

[المسااااافر]

السلام عليكم ورحمت الله وبركاته
وش رايكم بفكرت تعبيت الكفارات هوا من البواجي بانك تشبك لك لي هوا وتركبه بالكفر ويقلون سريع جدا جدا بس هل لها ضرر على السياره واين يوجد الي هذا ولكم جزيل الشكر.

[ولد وايل]

مو عمليه وتعدم السياااااااااااااااااااااااااااااره

[abc-00-abc]

وعليكم السلام ورحمة الله وبركاتة


من ناحيت اسرع فهو اسرع
بس؟؟؟ سمعت من بعض الشباب انه يخرب السنه الي يركب
فيها البوجي
بس ياليت يفيدون الأخوان الي جربوه

[شرم]

وليش تتعبون انفسكم وتتعبون سياراتكم فيه جهاز تحطه في الولاعه او البطارية وبسرعه ينفخ الكفر
وسعره رخيص جداً

[المسااااافر]

مشكورين ياشباب على الردودالطيبه
ودي من الشباب الي يعرفون الطريقه ذي يفيدونا زياده .

[NissaN 1990]

سمعت أنه مضر على مكينة السياره وأما عن مكان بيعه تلقاه عند محلات الرحلات أو عند المحطات اللي على الطرق السريعه...

[الساهر2003]

اخوي لا مو اسرع بالعكس بطيء بعد نزول المواطير القوية مثل ابو جمل الكبير وسعره 250 ريال وللمعلومية يعدم المكينه والبلوف على طول وكيف بالمكاين الجديده كانها اللمنيوم نصيحة لا تستخدمه ويكفي تعبه لماتفكه وهو حار
مع اطيب تحية للجميع

[aziz2727]

زي ما قال اخوي الساهر 2003

[ابوعزوز]

يا اخي هذه الفكره قديمه جداً يوم كانت السيارات تشوف المكينه امامك مثل الدفتر وتقدر تغير البواجي بخمس دقائق اما الان الله المستعان الوتبي تغير البواجي لازم تمر ورشه عشان يفك لك نص المكينه عشان يشوف البواجي بعدين لا تنسى ان اكثر السيارات فيه كمبيوتر فلو فكيت اصبع البطاريه بلشت مع الكمبيوتر .
وشلون لو تفك بوجي :no2: انصحك خلك على ما طور ابو جمل افضل .

[ا لطرقي]

زي ما قال اخوي الساهر 2003

[غواص الشمال]

http://asas123.jeeran.com/جزاك-الله-يااخي.gif

[الهوى]

الله يوفق البايع والمشتري

[الربان]

اخي المسافر

وعليكم السلام ورحمة الله وبركاته

هذي فكرة الاولين يوم ان الحاجه ام الاختراع , وانا مع الاخوين الساهر و ابو عزوز

[بخار الماء]

بالولاعة أفضــــل

[بن فيصل]

من راي ابو عزوز

[camaro]

سبحان الله وبحمده
سبحان الله العظيم

[ناصح]

يا اخي هذه الفكره قديمه جداً يوم كانت السيارات تشوف المكينه امامك مثل الدفتر وتقدر تغير البواجي بخمس دقائق اما الان الله المستعان الوتبي تغير البواجي لازم تمر ورشه عشان يفك لك نص المكينه عشان يشوف البواجي بعدين لا تنسى ان اكثر السيارات فيه كمبيوتر فلو فكيت اصبع البطاريه بلشت مع الكمبيوتر .
وشلون لو تفك بوجي :no2: انصحك خلك على ما طور ابو جمل افضل .


هذا الكلام

لا تعبث بالبواجي ولا تتعب نفسك ويوجد في السوق مواطير هواء قوية تفي بالغرض ..

واسمح لي بتعديل العنوان ليكون بالشكل الصحيح ..

[سلومي سار]

اكيد الفكره قديمه ولا يوجد غيرها ذاك الحين

الا عند اهل المرسدسات لانها مزوده بكمبرسر للهواء ذو دفع قوي وخزانات للاحتفاظ بالهواء للتحكم بقيادة المركبه

اما المواتر الصغيره فما لهم بد من فك البوجي وتركيب وصله خاصه بدال البوجي وشبك الي حق الهواء فيها


ومن ثم تشغيل السياره وتعبيت الكفر


مع العلم بان الي مزود بساعه لقياس ضغط الهواء


.........بس ذاك النهار ما يلهيك تفك وتركب...........


كلش قدامك وواضح اليوم فيه شي من الصعوبه والحساسيه في مكاين واجهزة السيارات غير الفك والتركيب لين توصل لمبتغاك.......



اعتذر للاطاله

[ابوفهيدان]

التعبئة من البواجي دايما تكون مليانه بنزين
يعني الكفر راح يمتلي هواء وبنزين وسبحان الله لو ينسلخ الكفر بيلمس الشرار البنزين ويزيد قوة انفجار الكفر
ومن ناحية لها ضرر بالمكينة ماعتقد لها
علي حسب معلوميتي