مشاهدة النسخة كاملة : عودة المخيماات لطعوس الثمامة
صلهامه
23/11/2007, 01:15 PM
كنت فى الثمامة يوم الخميس وشفت رجوع المخيمات للجهه الشرقيه اللى مقابلة لمزرعة الملك خالد ( رحمه الله )
بس ما أدرى عن شروط الأمانة لإقامة مخيم اعرف منها ان الحارس لازم يكون تحت كفالة صاحب المخيم والمخيم يكون مصرح من البلدية .
الله يعيننا على الحوسه والبربسه والزحمه
عاشق VXR
23/11/2007, 01:19 PM
الله يعين ...
والله الثمامة صارت وسخة ولا عاد تنبغى ...
مشكور على الخبر ,,
الرذاذ
23/11/2007, 01:27 PM
بنسبه للأهل الرياض ماعندهم بر زين إلا بعد 150 كم
تيتشر
23/11/2007, 04:22 PM
ماعاد نبي الثمامه نهائيا
من وجهة نظري الدهناء ما مثلها
علووووم الحيا
23/11/2007, 04:41 PM
بالفعل الثمامه صارت مزبله
أنا ما ادري ليش الناس مصرين على الثمامة !!
في الخرارة قريبة 40 كم .. وفيه المحلية 55 كم .. ونظافة وطعوس تستاهل
الحقيقة يتغير مفهوم الثمامة إلى القمامة عند مشاهدتها
بخار الماء
23/11/2007, 05:16 PM
للأسف صارت الثمامة قمامة
مخ سعودي
23/11/2007, 11:52 PM
قال وش حدك على المر قال امر منه
مافي الا هي ولا الخرارة
ربك يعين
ومشكور على الخبر الطازجة
طال عمرك تبي العلم ان شاء الله الاكيد
اولا:
المخيمات للعوائل فقط.
ثانيا:
رسوم سنويه بمبلغ 4700 ريال تقريبا وترجع لك عند انتها العام اذا بغيت تشيل المخيم ويخصم منها اذا شافوا وصاخه لو عود حطب كل شيء بقسيمه.
ثالثا:
هم الي يحددون لك الارض ومقاسها وعدد الخيام وغيرها .
والله اعلم
الكستنائي
25/11/2007, 08:15 PM
مشكور اخوي غالي ....
والله يمدحون الخراره انظف واحسن
www.hmsalwrd.com/gallery/data/media/11/____.jpg
والله الثمامة ما تنبغى ولا بالريال زي ما قالو الأخوة صارت قمامة ورمالها قذرة الله يكرمكم لكن الي يبغى البر يطلع مسافات بعيدة مثل ما قال الاخ تيتشر والاخ m1m وهذه بعض الصور لرحلة لي وبعض الأخوة.
http://www.mekshat.com/vb/showthread.php?t=113642
العراك
27/11/2007, 06:47 PM
مشكور على الخبروالثمامه زينه بقربها ولاهي الان كما ذكرو الاخوه
نبض البوسنة
28/11/2007, 09:55 PM
ما أتوقع فتح الباب
للمخيمات في الثمامة
الظاهر أن الموقع هو لاحد الشيوخ فقط
جلمود1
02/12/2007, 09:55 AM
الثمامه لي 7سنوات ما رحت لها زدت المساقه 60كيلو من الثمامه وصولا للدهنا اهدا وانظف واجمل واكثر راحه نفسيا من الثمامه
فهووودي 7991
02/12/2007, 07:07 PM
اول شي السلام عليكم ورحمة الله وبركاته
انا حاط مخيم في تاريخ فتح التصاريخ بتاريخ 7/11/1428هـ الي فتح التصاريح للمخيمات في منطقة الثمامه
وللمعلومية العاذرية فاتحين التصاريح في آخر رمضان وشروط طلب تصاريح صوره من بطاقة الأحوال ومعروض ترغب في التخيم في منطقة العاذرية فقط وتقدمها عند قسم البحث حقين الحرس الي موجودين في مدخل مخيم عبدالعزيز بن فهد
اما بنسبه للشروط قسم الثمامه هي
بنسبه الي يقولون فيها فلوس انا اقوووووووووووووول كلام اشاعه
الشروط فتح التصريح المخيم
1 - تعريف من العمل موجه الى مدير شرطه الثمامه
2 - صوره من بطاقة الأحوال
3 - صوره كروكي للموقع
4 - صوره من اقامه الحارس ( انا حاط صوره سواقنا )
5 - تخرم كل الأوراق وتحطها في ملف علاق
فيه 3 اوراق توقع عليها فيها في القسم وهم يرفقونها في الملف ومن ضمن الأوراق مواصفات لوحة التصريح
تقدم الملف للمركز طبعن تجي بعد الساعه 9 صباحاً يكون افضل وقت لك انت وحظك يطلع مع عسكري ولا يحدد لك يوم يطلع معك وتوريه الموقع هو يقولك الموقع مصروف ولا لا اذا لا بيعطيك رقم وانت تصلح لوحه وتحطها في الموقع الي مختاره
ولا فلوس ولا اي شي
للملاحظه شرطه مركز الثمامه تراهم ناس اجاويد ولا راح يقصرون معاك هاذا صاير معي ولا انكر هاذا الشي
واي استفسار انا حاضر تحت امرك في الموضوع ولا على الخاص
أبو لافي
29/12/2007, 06:30 PM
ماعاد نبي الثمامه نهائيا
من وجهة نظري الدهناء ما مثلها
والله كلامك %100
راعي المدينه
29/12/2007, 06:34 PM
اخوي انا شفت الثمامة وشفت الصمان وروضة الخفس
لاكن صراحة اللي يبي البر والربيع يروح قدام
مشكور اخوي
دلة ملقمة
01/01/2008, 01:02 AM
بصراحه الثمامه ممتازة للعوائل
اللي يطلعون ويرجعون للرياض
نفس اليوم، بس مشكلتها سوء التنظيم
السابق اتمنى تترتب وتنحل مشكلة الشبوك والمهايط
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir