ياراعين الشرقية . .تفضلوا

[فهد بن مشبب العاصمي]

السلام عليكم

حياكم الله يارجال ..

اخواني بغيت اسأل عن المدعى اللي بالهافمون وين محله بالضبط ووشو اليوم اللي يجتمعون فيه راعين الطيور ..

لاهنتوا افيدونا ..

[س م ح 999]

المدعى اللي في هاف مون إن كنت بتجيه من خط أبو حدرية فكأنك رايح لخط بقيق والحسا ويوم تجي للكبري إللي تفرق معه يمين عشان تروح للمستشفى العسكري روح على طول كأنك تبي البحرين وثاني كبري يجيك تلقى لوحة مكتوب عليها الخط الساحلي وجامعة الأمير محمد بن فهد يمين إرقى الكبري وخذ منه يمين وبعد تقريبا أقل من كيلو بتلقى الناس تفرق يمين من الخط وقيه صنادق واجد وعزب المدعى يكون وراها ولو وصلت هناك وسألت من الخط ما بتاخذ دقيقتين وتوصله

لو كنت جاي من جهة العزيزية تاخذ الخط اللي يوديك على الرياض وبعد أول كبري بتجيك لوحة عند كبري مكتوب عليها القاعدة الجوية يمين تطلع الكبري وتاخذ يسار وبعد كيلو تلقى المدعى على يمينك

أتمنى إن الشرح واضح

[سنجااار]

ماقصر س م ح 999

[فهد بن مشبب العاصمي]

جزاك الله خير يالذيب .. والله لايهينك .. شاكر لك مرورك وردك الطيب . . لكن في سؤال اخير .. . اليوم اللي يجتمعون فيه راعين الطيور ووشو . .

[خشف.]

ما قصرو اعضاء الخيمه

[فهد بن مشبب العاصمي]

ماقصرتوا ياشباب ..

لكن ياخوي س م ح 999 وش اليوم اللي يجتمعون فيه راعين الطيور ولا مالهم يوم محدد

[س م ح 999]

كل يوم تروحه تلقى الصقارة يدعون وترى للمعلومية المدعى حواليه من غرب ومن جنوب أرض طيبة ومدرج للحبارى بعض الناس الله يصلحهم تلقاهم يتقصصون من آخر الليل ومشهور عنه أن كل موسم تلقى حول العشر مطروحه فيه ويمكن أكثر يعني دوج فيه وانت وحظك

الله يرزقنا وإياك والمسلمين

تقبل تحياتي

[فهد بن مشبب العاصمي]

لاهنت ياخوي س م ح 999 والله يجزاك خير . . وان شاء الله تشوف الخير . .