سؤال لصقارين الجبيل

[stoop7]

السلام عليكم ورحمة اللة وبركاتةالرجاء التكرم من سكان الجبيل (البلد والصناعية ) وماحولهما ، الإفادة عن مناطق الدعو القريبة....,ولكم تحياتى ,,,,,,

[NooNo Go MezZ]

ما مثل حزوم الرس للدعو خخخخخخخ

هاته نطلقه ونرجعه لك وحش وبلاش تستاهل عرض ما جرا

[*الـزيـن*]

وعليكم السلام ورحمه الله وبركاته

بالنسبه للمدعى الجبيل الصناعيه قريب من المطار القديم يصير خلفه بالضبط بي 5 كيلو

بس نصيحه البر وش كبره والمدعى رحتله مره وصار زلع ماينبغى ابد مافيه احترام للاسف يعني المفروض كل واحد يعرف متى يهد ومن الي جاي قبل الثاني وهناك في المدعى الي شفته كل واحد يهد على كيفعه والي يدعي ومتلخبطه الامور والبر وش كبره نق اي قاع تعجبك

مجرد نصيحه





اخوك الزين

[نايف-المطيري]

صدق أخوي الزين

البر واسع وتقدر تدعي طيرك بأي مكان

وتفك نفسك من الزحمة وتاخذ راحتك بتمسيح الطير


والله يوفقنا وإياك

[stoop7]

السلام عليكم ورحمة اللة وبركاتة

مشكورين اخوانى الزين / نايف الحربى وبيض اللة وجهوكم على الرد ومانستغنى عن نصايحكم ومساعدتكم او التعرف عن قرب على اللحى الغانمة بسبب عدم القدرة على إستخدام الخاص لقلة المشاركات (اقل من مائة ) .....تقبلوا خالص تحياتى ,,,,,,

[خشف.]

ما قصرو اعضاء الخيمه

[جارح العين]

ما قصرو الشباب الله يعافيهم