تركــدوا يا جماعة .... ولاتبالغوا في نقل أخبار الأمطار ..!!

[ابو خالد 2006]

يعني لا احد يبالغ

واحد يقول ما شي الشعيب ,, ولا جيت للحقيقة ولاه رش خفيف

والثاني يقول رعد وبرق ,, ولا جيت للحق ولاه غيوم خفيفه ما يمديك ترفع راسك الا هي رايحه

ما نبي نبالغ ,,, ولا نبي نكذب ..

كم واحد يقرا موضوع هنا ويدق سلف للموقع المقروء بسبب وصف كاتب الموضوع واذا وصل للموقع لقاه على عكس ما قرأ

تركدوا ... كلنا ودنا بالسيل وودنا نفرح بالربيع والخير

وشلون يجيكم السيل وهذي علومكم

[ناصر التميمي]

بارك الله فيك على النصيحه

[آمري يا كامري]

إعذرهم لهم أشهر ماشفوا المطر

[ولد عبدالله]

والله وانا اخوك مشتاقين للمطر
الله يجيبه وينفع به

[ابوإبراهيم]

كلام سليم .........أخي أبو خالد
.
.
.
لكنها تبقى ظاهرة في كل بداية موسم ....
.
.

[عبدالله الصالح]

جزاك الله خير اخوي
صدقت
الصراحه هناك من ينقل اي خبر وهذي هي المشكله !

الرجاء التأكد من الخبر قبل تنزيل اي موضوع

ومن اجتهد فأجره على الله


،،،اخوك القصمنجي ،،،

[abumashal]

بارك الله فيك

[الجياشي506]

جزاك الله خير على النصيحة

[محمد الملحم]

أحسنت يابو خالد وكلام مضبوط ...

[ابومحمدالراحل]

الله يوفقنا وإياكم لما يحب ويرضى

اللهم اغثنا عاجلا غير آجل
اللهم انزل علينا الغيث ولاتجعلنا من القنطين آمين

[فارس الرس]

الله يجزاك خير يابوخالد
ونرجو من الاخوان تحري الدقه فعلاً
ولكم جزيل الشكر

[خوي السرور]

ما اشوف مبالغة اكثر الذين كتبو هذا اليوم يذكرون غيوم ورش خفيف في بعض المناطق ومن ذكر مطر زين قرب حائل ارفق صورة تصدقه وين المبالغة يالغالي

[بخار الماء]

كلامك سليم وفي محله100في 100

وغير المبالغات طالعة الأحلام !!! فلو كل من تحلم كتب له موضوع كان فاليوم أكتبلي ثلاث مواضيع


ومشكووووووووووووووور

[روثان]

السلام عليكم..

الله يعطيك العافية أخوي ماقصرت

ونسأل الله أن يسغنا الغيث ولا يجعلنا من القانطين