ماالفرق بين البيور والجير

[قرناس عاصي]

السلام عليكم ورحمة الله وبركاته
تكفون يالشامى وأهل الخبره ابغى معلومات باسهاب او روابط
لسؤال محيرني عن البيور والجير والفرق بينها وكيف اميزها ومن متى دخلت علينا وانجازاتها وهل لها علاقه بالحر الاصيل المعروف
وتكفون اذا كان هناك صور يكون افضل تكفون لااحد يبخل حتى لو كانت المعلومة بسيطه
لان الكثيرين يحدث لديهم لبس في التفريق بينها
وجزاكم الله خير

[جرب حظك]

البيور هو صقر الجير الخالص لادخل في جيناته حر أو شيهانة أما صقر الجير المعترف عند الصقارين تكون نسبة الجير في تركيبتة 75% جير 25 % حر أو شيهانة أو يكون 50 % جير و50% حر أما إذا وصلت نسبة التركيبة الجير 100 % يعني تزاوج جير بجير يسمى بيور وألوان الجير الأسود والأبيض والرمادي وإنشالله إني أكون وفيت

[جرناس دبي]

السلام عليك ورحمة الله
في المنتدى موضوع أسمه البيور
فيه الشرح عن طير البيور
والسلام

[خشف.]

ما قصرو اعضاء الخيمه

[نبع الدموع]

و عليكم السلام و رحمة الله وبركاتة

البيور هوا الي يكون نتيجة تزاوج البيور ببيور اخر
الجير هوا الطير الهجين سواء حر مع جير او حر مع شيهانة بالنسب الي قال عنها اخوي جرب حظك

لا هنتم

[شبراق]

هذا الموضوع لخونا قرناس دبي ماقصر جابلك علوم البيور كله وانشاءالله اني افدك اخوي

http://www.mekshat.com/vb/showthread.php?t=112132&highlight=%C7%E1%C8%ED%E6%D1 (http://www.mekshat.com/vb/showthread.php?t=112132&highlight=%C7%E1%C8%ED%E6%D1)

[citcat]

السلام عليكم ورحمة الله وبركاته

انا اسميه الطير الانتحاري
شوف ذا الفديو
http://www.youtube.com/watch?v=nhDh07DG4zE&feature=related

تقبل مروري

[أبو رداد]

الله يحيك اخوي
البيور كلمة انقليزيه معناها النقي
واستخدمها اهل الطيور بعد ظهور الصقور المهجنه
عندما يتم التزاوج بين طيرين من نفس الفصيله
بيور جير , بيور حر , بيور شاهين ..هكذا
وانصرفت هذه التسميه على البيور جير ...
يعني لما تسمع بيور خذ احتمال كبير بانه بيور جير بمعنى جير نقي 100 %

وهذا غير صحيح ,, والصحيح كماموضح اعلاه