راس ابو قميص

[الرايق999]

السلام عليكم ورحمة الله وبركاته
ذهبنا يوم الاربعاء مع الشباب الى منطقة راس ابو قميص ولاكن في شي غريب بحثت عن الاسباب فلم اجد ياجماعة دائما نطلع راس ابو قميص والحمد لله نتوفق في الصيد واخر 3 طلعات ياشباب حتى نقد مافي مافي صيد نهائيا شي غريب
هناك حرس الحدود غير متعاون نهائيا مع المواطن تخليوا من الساعة 11.30 صباحا يوم الجمعة وحنا مغرزين حتى الساعة 4.15 عصرا وندق على حرس الحدود في ابوقميص يقول ارسلنا دورية من 12 الى 3.30 ما شفنا دورية مع العلم انا مكانا واضح جدا مع العلم ان حرس الحدود تجاهل وضعنا

يااخوان ارجوا طرح الراي في موضوع الصيد يا شباب وموقف حرس الحدود

[طحنون]

الاخ العزيز انا واعوذبالله من كلمه انا
من رواد رأس ابو قميص من فتره طويله تلامس الــ16 سنه
وبالنسبه الى الثلاث سنوات الاخيه بدا
النقص الحاد في الصيد
وحصل لنا مثل ماحصل معكم وغيرك نفس الشي وناس كثير
حتى الطرادات اللي في عمق البحر يحصل لهم نفس اللشي
وليس بغريب مثل ماقلتلك التغيير واضح للجميع
والسبب حسب كلام ناس خبره في البحر
هو ان البحر جزء لا يتجزاء من الارض اللي نعيش عليها فهو يتأثر بالمناخ والتلوث والازعاج
وحركه الارض والمد والجزر والعوامل الجويه
واسلوب وطريقه الصيد الجائر وعوامل واسباب كثيره جدا قد لا نعلمها والعلم عند الله عزوجل

اذكر قبل تقريبا 8سنوات كنا اذاجينا مانبات ولا نطق خيمه لان الصيد ياخذ 6 ساعات وانت معبي
ثلاجاتك كلها ولا في مجال لمضيعه الوقت الكل مشغول بالصيد
وكنا نعبي من خمس ثلاجات الى 12 ثلاجه والباقي يرمى على الشاطيئ زايد ماله مكان
واذاكر واحد شيبه كان يجي ومعه واحد مثله شايب هههههه
يعبي صندوق الونيت قطعه 10 فل بدون ثلاجه يحط شراع قوي ويترسه ثلج
ويغطيه بشراع من زود النعمه الحمدلله واكثره شعوم يعني لويبيعه في وقتنا الحالي يبيعه بالراحه اقل شي
15 الف ريال ويوصل الى 18 الف ريال لو حسبتها بالكيلو (يوصل اقل شي 25ريال ) والحسابه بتحسب
.................................................. .................................................. ................




اما سالفه حرس الحدود انا معك غير متعاونين جداجدا جدا
الى ابعد حد.............................
وحصلت معهم مواقف وقصص لا استطيع ذكرها (ماتنقال )
خذ هاذا الموقف على الطاير........
حصل مره من المرات وغرز الجيب حقهم ربع كرزور في ارض صبخه وحضرو الى مكاننا وطلبو المساعده
بحجه وجود ونش راكب على البليزر وش كبره ورن امريكي يسحب حامله طائرات من كبره وقوته
لبينا وكنا سعيدين بطلبهم لنا بحكم وطنيتنا وحبنا لهم وحبنا للخير
وطلعناهم
وبعد حوالي ساعتين حضروعندنا ناس وقالو لنا حنا مغرزين حولكم ومرت علينا الدوريه وطلبنا منهم المساعده ورفضو وقالو تبون ونش نطلب لكم ونش من البطحاء وتبعد حوالي 50 كيلو ولا يطلع ألا اقل شي بــ300 ريال
طيب ساعدونا ليه وليه .................. البى اخره من الكلام
واحيانا تصير الدعوه مزاجيه
بالنسبه للدوريه او ضابط خفر المستلم في اي وقت يفتشك في اي وقت يجي وويقول طف الانوار بالليل
في اي وقت يجي ويقول لك صفط اغراضك وامش من الموقع
( بعدين اشكالنا ماهي شبهه ندوره الزفره بس ماعندنا سالفه غير الزفره السمك ووساعه الصدر )

.................................................. .................................................. ..................
لا احد يرد ويقول هاذا عملهم ولازم انكم تتعاونون معهم حنا نعرفهم ونعرف طبيعه عملهم ولنا معهم عشره طويله وحنا متعونين معهم الى ابعد حد لاكن الله يفكنا من المزاجيه الغير مسؤله
وشوفه النفس اللي مافيها خير كان حنا بخير ونعمه
واذا يبون يحطون ناس متمرسه وفاهمه وعندها الحس الامني وواعيه بعملها وعندها حكمه يعني ناس محترفين
لان منطقه الحدود حساسه وهي الحارس وخط الدفاع الاول للبلد الله يحفظها
طبعا حنا مانقول الكل ولا نعمم
الله يستر على الجميع