استفسار عن الشبك والقرقور

[mak121]

السلام عليكم ورحمة الله
انا اصيد على السيف(كلا صخر وحجر) وابي اغير من الادوات الي اصيد بها مثل الجلب وقصبة الصيد وابيكم تعلموني ايهم احسن الشبك او القرقور لمثل وضعي وتشرحوا لي اذا ما عليكم كلافه وش اجهز للقرقور من طعم وكيف احط الطعم فيه يعني من البيت الى البحر الى البيت وسلامتكم

[jwan]

هذا رابط ممكن يفيدك وانصحك كبداية القراقير الصغيرة الشكل مثل رقم 5 الفتحة من فوق http://www.mekshat.com/vb/showthread.php?t=98071

[mak121]

اخوي عماد نسيت الي بين القوسين (كلا صخر وحجر)يعني اذا رحت اشتري وش اقول للبياع الله يخلك رد علي بسرعه بكره ابي اروح اصيد واجربه

[ولد الخبر22]

اخوي الغالي افضل شي ان المنطقة تكون صخريه علشان القرور مايتحرك .

مثل ماهو واضح في التقرير المعد من الاخ عمــاد ..

تقبل احترامي وتقديري .. واتمنى لك الصيد الوفير .

[mak121]

يعني اروح اشتري القرقور والطعم احطه داخل القرقور وارميه في البحر واذا بغينا نروح نسحبه صح ؟ ونسيت اشكركم الف شكر بس لا تنسوا تردوا علي
ملاحظه:ارميه بعيد؟؟

[mak121]

ردوا الله يخليكم

[ولد الخبر22]

اخي العزيز حسب ماقراته وفهمته .

انك تشتري قرقور حجمه مناسب يكون صغير او متوسط .

وتاخذه وتربط فيه حبل بحيث انك تقدر تسحبه اذا بغيت تطلعه .

وبعد كذا ترميه في مكان مناسب تحس ان فيه اسماك كثيره .

وافضل انك تحط في وسطه حجر وتربطه في الاسفل بحيث اذا نزل البحر ينزل بالشكل الصحيح وتكون فتحه دخول الاسماك للاعلى لتسهل دخولها .

بس اهم شي تحرص على المكان الي ترميه فيه يكون متواجد فيه سمك وحبل السحب يكون واضح لديك بحيث تسحبه ولا يعلق في اي شي ..

ورميه يكون في عمق مترين الا خمسه امتار .

والاهم من ذلك انتبه واحذر من الوقوع في البحر والانزلاق من على الحجاره .

تقبل احترامي وتقديري .

[mak121]

مشكور وماقصرت على جهودك موغريبه عليك شرقاوي

[عاشق البحر5]

طيب تقريبا كم اسعارها

[jwan]

والله ولد الخير ماقصر اسعاره متفاوته الصغير اعتقد 35 ريال الكبير 60 والاكبر الحجم 130 هذا الي يكون صناعة محلية يعني جيد بمعنى الكلمة