مســـــــــــــاعده في طريقة المدفون

[العنووود]

السلام عليكم جميعاً


والله ماسجلت إلاّ من إعجابي بالمنتدى المميز-
استفدت من الطبخات رغم إني شاطره بالمطبخ وأعشق الطبخ حتى النخاع !
لكن سوالف الكشتات ماجربتها ويوم جربتها بالحوش طلعت !!! :no: !!


الحين بقولكم كيف سويت المدفون وانتم قولولي وين كان الخطأ


الخطوات:


دفنت حفره بالتراب
حطيت فيها الجمر بعد ما ولع كله
حطيت اللحمه المغلفه بالقسطير فوق الجمر
وحطيت فوق القسطير جمر
غطيت اللحم والجمر بقدر
دفنت القدر بالتراب
تركته ساعه
فتحت على الجثه !!:D
لقيت الجمر انطفى واللحم ما استوى بالمره :(


وين كان الخطأ ؟؟؟


بارك الله فيكم

[عاشق السيل]

وعليكم السلام ورحمة الله وبركاته ،،

أختي العنود ياأهلا وسهلا بك في أحلى المنتديات وإن شاء الله تفيدين وتستفيدين ونبي منك الإبداعات مادامك طباخة !!!

أول التصحيح ( قسطير ) خطأ واسمه الصحيح ( قصدير ) !!

ثانيا المدفون مايحتاج لقصدير المعروف إنه يحط على الجمر مباشرة وإذا كانت النفس ماتشتهي هالحركة ممكن يحط على شبك ويكون الشبك على الجمر مباشرة ،،

ثالثا لازم يكون الجمر من حطب السمر لأنه أقوى حرارة من الفحم العادي ،، ولازم يكون بكمية كبيرة ،،

رابعا يكون الدفن محكوم وبكمية كبيرة من الرمل وبعد الدفن ترشين الرمل بالماء علشان يكتم الحرارة ،،

خامسا الوقت المناسب من ساعتين إلى ساعتين ونص إذا كانت اللحمة كبيرة ،،

هذا اللي عندي وإن شاء الله باقي الأعضاء يفيدونك أكثر ،، وأتمنى لك التوفيق في المرة القادمة وبانتظار إبداعاتك وتقبلي مروري ......





.

[العنووود]

الله يجبر بخاطرك يا عاشق السيل
وعسى أيامك سيل من خير رب العباد

بالنسبه للقسطير أو القصدير فيقول المثل:
Don’t listen to what I say, listen to what I mean
:D

بعد ما أفتح عن اللحم وأشوفه استوى,هل الحطب يكون رماد أو يضل والع ؟

[اشهب]

شوفي يالعنود
اتخيلك حاطه كيس فحم كنك تبين تشوين
المدفون يختلف
اذا تبين المفون الحقيقي فهو يجلس تحت الرمل اقل شي يوم كامل
واذا تبين مدفون جماعتنا فهم يلفون اللحمه بقصديره ويحطون معه بصل وطماط ويحطونه على الجمر وشي طبيعي انه بعد ساعه مستويه
واذا تبين المدفون الممتاز
1- حفرتك تكون اقل شي 40 سانتي
2- نارك اقل شي 4 ربطات سمر الي قيمة الربطه 9 او 10 ريال
3 بعد ماتجمر اتطلعين شوي وتحطين القسطيره<--يعاند الي فوق همن تحطين بقية الجمر فوق القسطيره وتدفينن حفرك وتتركينه اقل شي ساعتين
ذيك الساعه تبين تاكلين القسطيره من زينه

[عاشق السيل]

أختي العنود ،،

شي طبيعي إن الجمر يطفى ويتحول إلى فحم بسبب إنقطاع الأكسجين وتراها في دقايق معدودة لكن من شدة الحرارة الناتجة من السمر والمنتشرة في المكان يبي يستمر اللحم بالإستواء خلال مدة الدفن !!

أما وضع القسطيرة قصدي القصديرة هذا ماهو مدفون هذا يسمونة قصديرة لحم أو دجاج مثل الطبخ بالكاتم على الغاز أو الفخار بالفرن لكن القصدير يتميز بطعم الجمر !!!!

والله الموفق .....




.

[1GL1000]

افيدك واوضح لك اكثر
ان كنت من اهل الساحل وسويت المدفون بالقرب من الشاطيء من الطبيعي يطفىء جمرك بسبب رطوبة الرمل القريب من الشاطيء حتى لو بعدت عشرون متراً لاحقتك لاحقتك الرطوبة